Даниил 1:6 - Коми Библия 2023

⁶ Бӧрйӧм зонъяс пӧвстын вӧліны Даниил, Хананей, Мисаэл да Азарий. Ставныс найӧ вӧліны Иуда чужанкотырысь.

Даниил 1:6 Cross References

Езекиль 14:14

Весиг кӧ сэні олісны Ной, Даниил да Иов, найӧ эськӧ асланыс веськыдлунӧн сӧмын асьнысӧ мездісны, – висьталӧ Господь Ыджыдыс. –

Езекиль 14:20

и весиг кӧ сэні олісны Ной, Даниил да Иов, – висьталӧ Господь Ыджыдыс, – найӧ эськӧ эз вермыны мездыны ныв-пинысӧ, а асланыс веськыдлунӧн сӧмын асьнысӧ мездісны. Тайӧс Ме Ачым кыв сетӧмӧн шуа.

Езекиль 28:3

Тэ лоин Даниилысь мывкыдджык на, став гусяторйыс тэныд лои восьса.

Даниил 1:19

Ӧксы сёрнитіс зонъяскӧд, и на пиысь некодӧс эз позь ӧткодявны Даниилкӧд, Хананейкӧд, Мисаэлкӧд да Азарийкӧд, и найӧс пуктісны кесъявны ӧксылы.

Даниил 2:17

Даниил локтіс гортас да ставсӧ висьталіс аслас ёртъяслы: Хананейлы, Мисаэллы да Азарийлы.

Даниил 2:25

Ариок дзик пыр вайӧдіс Даниилӧс ӧксы дінӧ да шуис сылы: «Пленӧ босьтӧм Иуда войтыр пӧвстысь ме аддзи мортӧс, коді вермас гӧгӧрвоӧдны ӧксылы вӧтсӧ».

Даниил 5:13

Сэки Даниилӧс вайӧдісны ӧксы дінӧ, и ӧксы шуис сылы: «Тэ-ӧ сійӧ Даниилыс, кодӧс Иуда муысь пленӧ босьтӧмаяскӧд вайӧдіс ӧксы, менам батьӧй?

Даниил 6:14

Кор ӧксы кыліс тайӧ кывъяссӧ, сійӧ шогӧ усис да мӧвпыштіс мездыны Даниилӧс. Шонді пуксьытӧдзыс сійӧ корсьысис позянлун, медым мездыны сійӧс.

Матвей 24:15

«Кор ті аддзанныд вежаинсьыс пеж зывӧксӧ, сэки Иудея муын олысьяс мед пышъясны керӧсъясӧ. Тайӧ пеж зывӧкыс йылысь Даниил пророк на висьтавліс – лыддьысьысь мед гӧгӧрвоӧ!

Марк 13:14

«Кор ті аддзанныд пеж зывӧксӧ сэтысь, кӧні сылы оз позь лоны, сэки Иудея муын олысьяс мед пышъясны керӧсъясӧ. Тайӧ пеж зывӧкыс йылысь Даниил пророк на висьтавліс – лыддьысьысь мед гӧгӧрвоӧ!