Даниил 1:2 - Коми Библия 2023

² Навукодоносор киӧ Господь сетіс иудаса Ехояким ӧксыӧс да Енлӧн крамысь дозмук-кӧлуй. Навукодоносор нуис тайӧ дозмук-кӧлуйсӧ Сеннар муӧ, аслас енлӧн крамӧ, да пуктіс найӧс крамса озырлун видзанінӧ.

Даниил 1:2 Cross References

Олӧм 10:10

Медводдза каръясӧн сылӧн юралӧм улын вӧліны Вавилон, Эрек, Аккад да Калне. Тайӧ каръясыс вӧліны Сеннар муын.

Олӧм 11:2

Асыввылысь петӧм бӧрын йӧзыс аддзисны Сеннар муысь паськыдін да овмӧдчисны сэтчӧ.

Ӧксыяслӧн 4 небӧг 24:1

Ехоякимлӧн юралан кадӧ Иуда му вылӧ уськӧдчис вавилонса Навукодоносор ӧксы. Куим во чӧж Ехояким вӧлі Навукодоносорлӧн кипод улын, но сэсся кыпӧдчис сылы паныд.

2 Каднебӧг 36:5

Ӧксыӧ пуксигас Ехоякимлы вӧлі кызь вит арӧс. Дас ӧти во чӧж сійӧ юраліс Ерусалимын. [Сылӧн мамыс вӧлі Зевудда, Румаысь Педайлӧн нылыс. Батьясыс моз] Ехояким вӧчис аслас Господь Ен водзын шогмытӧмсӧ. [Ехоякимлӧн юралан кадӧ вавилонса Навукодоносор ӧксы уськӧдчис Иуда му вылӧ. Куим во чӧж Ехояким вӧлі Навукодоносорлӧн кипод улын, но сэсся кыпӧдчис сылы паныд. Калдеяысь, Самарияысь да аммон войтырлӧн муысь Господь мӧдӧдіс йӧзӧс, медым найӧ уськӧдчисны Иуда войтыр вылӧ. Мӧдӧдіс тшӧтш Арамысь да Моавысь куштысь-мырддялысьясӧс. Но сэсся найӧ вешйисны Иуда войтыр дінысь. Господь водзвыв висьталіс та йылысь пророкъяс пыр, кодъяс кесъялісны Сылы. Господь ёна скӧраліс Иуда вылӧ, кӧсйис эновтны сійӧс Манассейлӧн став мыжыс вӧсна да сы вӧсна, мый Ехояким кисьтіс мыжтӧм йӧзлысь вирсӧ да тыртіс сыӧн Ерусалим кар. Но Господь эз кӧсйы дзикӧдз бырӧдны Иуда войтырӧс.]

2 Каднебӧг 36:7

Господьлӧн крамысь Навукодоносор нуис Вавилонӧ дозмук-кӧлуй да пуктіс найӧс аслас керкаӧ.

Ездра 1:7

Кир ӧксы тшӧктіс вайны став дозмук-кӧлуйсӧ, мый Навукодоносор вӧлі босьтӧма Господьлӧн крамысь, вайӧма Ерусалимысь да пуктӧма аслас енлӧн керкаӧ.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Исай 42:24

Коді лэдзис куштыны Яковӧс, коді сетіс мырддялысьяслы Израильӧс? Эз-ӧ Господь, кодлы паныд ми мыжсӧ вӧчим? Найӧ эз кӧсйыны ветлыны Сылӧн туйясӧд, эз овны Сылӧн Индӧдыс серти.

Еремей 25:1

Еремейлы вӧлі Иуда войтыр йылысь Енсянь кыв. Тайӧ вӧлі иудаса Ехояким ӧксылӧн, Иосей пилӧн, нёльӧд веськӧдлан воӧ, а вавилонса Навукодоносор ӧксылӧн медводдза веськӧдлан воӧ.

Еремей 27:16

Попъяслы да Иуда войтырлы ме юӧрті: «Господь тадзи висьталӧ: энӧ кывзӧй ассьыныд пророкъяснытӧ, кодъяс юӧртӧны тіянлы, мый Вавилонысь регыд бӧр ваясны Господьлӧн крамлысь дозмук-кӧлуйсӧ. Ӧд тайӧ пророкъясыс тіянлы ылӧгсӧ юӧртӧны.

Еремей 28:3

Кык во мысти Ме бӧр бергӧда тайӧ карас Господьлӧн крамлысь став дозмук-кӧлуйсӧ, мый вавилонса Навукодоносор ӧксы босьтіс татысь да нуис Вавилонӧ.

Еремей 35:11

Кор вавилонса Навукодоносор ӧксы уськӧдчис тайӧ муыс вылӧ, ми шуим пышйыны калдеяса да арамса тышкайӧзысь Ерусалимӧ, и ӧніӧдз ми олам тані».

Еремей 50:2

– Юӧртӧй войтыръяслы, кыпӧдӧй дӧрапас, юӧртӧй, энӧ дзебӧй, висьталӧй тадзи: Вавилон карӧс босьтӧма, Вил идолӧс янӧдӧма, Мардук идолӧс пасьвартӧма, вавилонса идолъясӧс янӧдӧма, сылысь бӧлбанъяссӧ жугӧдӧма.

Еремей 51:44

Ме мыжда вавилонсаяслысь Вил идолӧс, Ме перъя сылӧн вомысь ньылыштӧмасӧ, войтыръяс оз нин локны сы дінӧ. Вавилонса стенъяс киссясны.

Даниил 5:13

Сэки Даниилӧс вайӧдісны ӧксы дінӧ, и ӧксы шуис сылы: «Тэ-ӧ сійӧ Даниилыс, кодӧс Иуда муысь пленӧ босьтӧмаяскӧд вайӧдіс ӧксы, менам батьӧй?

Даниил 5:18

Ӧксыӧй, Медвылысса Ен сетіс тэнад Навукодоносор батьлы юралӧм, ыджыдалан вын да ошкӧм-нимӧдӧм.

Аввакум 1:16

Сійӧ вись вайӧ аслас ботанлы, тшынӧдчӧ аслас тыв водзын, ӧд на отсӧгӧн сійӧ лышкыда олӧ, пӧттӧдзыс сёйӧ.

Закар 5:11

Андел вочавидзис: «Сеннар муӧ. Сэні найӧ лэптасны тайӧ аньыслы крам да пуктасны сэтчӧ пельсасӧ тшупӧд вылӧ».

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Ёрдысьяс 2:14

Господь ёна скӧрмис Израиль войтыр вылӧ, сетіс найӧс мырддялысьяс киӧ да на гӧгӧр олысь вӧрӧг киӧ. Израиль войтыр эз нин вермы водзсасьны налы паныд.

Ёрдысьяс 3:8

Господь скӧрмис Израиль войтыр вылӧ. Сійӧ сетіс найӧс Месопотамияысь Кушан-Ришатаим ӧксы киӧ. Израиль пиян кесъялісны Кушан-Ришатаимлы кӧкъямыс во чӧж.

Ёрдысьяс 4:2

Господь сетіс найӧс Хацорын юралысь ханаанса Явин ӧксы киӧ. Сылӧн тышкайӧзнас веськӧдліс Сисар, коді оліс Харошет-Гоим карын.

Ӧксыяслӧн 1 небӧг 5:2

Сэсся пыртісны Енлысь кудсӧ Дагон бӧлбанлы юрбитанінӧ да пуктісны Дагонкӧд орччӧн.