1 Тимофейлы 1:12 - Коми Библия 2023

¹² Ме аттьӧала миянлысь Господь Исус Кристосӧс, ӧд Сійӧ ёнмӧдіс менӧ да лыддис менӧ шогманаӧн кесъявны Сылы.

1 Тимофейлы 1:12 Cross References

Матвей 20:4

Сійӧ шуас налы: ”Мунӧй менам виноград йӧрӧ. Ме мынта тіянлы лӧсялан удждонсӧ”.

Иоан 5:23

медым став йӧзыс бурӧ пуктісны Писӧ Батьсӧ моз. Коді оз бурӧ пукты Писӧ, сійӧ оз бурӧ пукты и Батьсӧ, коді мӧдӧдіс Писӧ.

Ап. уджъяс 16:15

да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

Ап. уджъяс 9:15

Господь шуис: «Мун. Ме бӧрйи сійӧс кесъявны Меным, юӧртны Менсьым нимӧс войтыръяслы да ӧксыяслы, тшӧтш Израиль войтырлы.

Ап. уджъяс 9:22

А Савл ёнджыка на висьталіс да эскӧдіс, мый Исус эм Кристос. Тайӧн весьӧпӧртіс Дамаскын олысь иудейясӧс.

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

1 Коринфӧ 3:5

Коді нӧ Павелыс? Коді Аполосыс? Найӧ сӧмын кесъялысьяс, кодъяс пыр ті эскинныд Кристослы. На пиысь быдӧн Господьсянь сетӧм удж вӧчис.

1 Коринфӧ 7:25

Ӧні висьтала верӧс сайӧ мунтӧмъяслы. Тайӧ абу Господьлӧн тшӧктӧм, ме висьтала ассьым видзӧдласӧс, ӧд Господьлӧн буралӧмыс кузя меным позьӧ эскыны.

2 Коринфӧ 4:1

Аслас буралӧмыс кузя Енмыс сетіс миянлы тайӧ кесъялӧмсӧ, та вӧсна ми огӧ ӧшӧдӧй юрнымӧс.

Галатӧ 3:26

Исус Кристослы эскӧм пыр ті ставныд – Енлӧн ныв-пи.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Филипӧ 2:11

медым Ен Батьӧс ошкӧм могысь быд морт шуис: «Исус Кристос эм Господь».

Филипӧ 4:13

Ставсӧ верма менӧ ёнмӧдысь Исус Кристоскӧд!

Колосӧ 1:25

Енмыс пуктіс менӧ кесъявны вичкоыслы, тырвыйӧ юӧртны тіянлы Енлысь кывсӧ.

1 Тимофейлы 1:1

Гижӧ Павел, Исус Кристослӧн апостол. Миянӧс мездысь Ен да Господь Исус Кристос, код вылӧ ми лача кутам, индісны менӧ апостолӧн.

1 Тимофейлы 1:11

Тадзи висьталӧ ошкана Енлӧн дзирдлун йылысь Бур Юӧрыс, и тайӧ Юӧрсӧ висьтавлыны Енмыс мӧдӧдіс менӧ.

1 Тимофейлы 1:2

Тимофей, эскӧм вӧсна тэ меным збыльысь пи кодь. Бурсетӧм, буралӧм да лӧнь олӧм тэныд Ен Батьнымсянь да миян Господь Исус Кристоссянь.

1 Тимофейлы 6:13

Ставыслы олӧм сетысь Ен водзын да Исус Кристос водзын, коді восьсӧн висьталіс збыльсӧ Понтий Пилатлы, ме кора тэнӧ:

2 Тимофейлы 2:2

Ставсӧ, мый тэ кывлін месянь уна йӧз дырйи, юксьы эскана йӧзкӧд, кодъяс сяммасны велӧдны мукӧдӧс.

2 Тимофейлы 4:17

Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.

Титлы 1:4

Чолӧмала тэнӧ, Тит. Ӧтувъя эскӧманым тэ меным збыльысь пи кодь. Бурсетӧм, буралӧм да лӧнь олӧм тэныд Ен Батьсянь да миян Мездысь Господь Исус Кристоссянь.

Филимонлы 1:9

но муслунӧй вӧсна шыася тэ дінӧ корӧмӧн. Ме, пӧрысь Павел, Исус Кристос вӧсна пукалысь,