ಫಿಲಿಪ್ಪಿ 4:6 - ಕೊಡವ ಬೈಬಲ್

⁶ ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

ಫಿಲಿಪ್ಪಿ 4:6 Cross References

ಜ್ಞಾನತ್‌ರ ಪಡಿಮ 15:8

ದುಷ್ಟಂಗ ಕೊಡ್‌ಪ ಬಲಿ ಯೆಹೋವಂಗ್‌ ಅಸಹ್ಯವಾಯಿತುಂಡ್. ಆಚೇಂಗಿ ಸತ್ಯವಂತಯಿಂಗಡ ಪ್ರಾರ್ಥನೆ ಅಂವೊಂಗ್‌ ದುಂಬ ಕುಶಿ.

ಜ್ಞಾನತ್‌ರ ಪಡಿಮ 16:3

ನೀಡ ಕಾರ್ಯತ್‌ನೆಲ್ಲ ಯೆಹೋವಂಗ್‌ ಒಪ್ಪ್‌ಚಿಡ್. ಅಕ್ಕ ನೀಡ ಯೋಜನೆಯೆಲ್ಲ ನೆರವೇರುವ.

ಮತ್ತಾಯ 10:19

ಆಚೇಂಗಿ ನಿಂಗಳ ಬಂದಿಚಿಡ್‌ವಕ, ನಿಂಗ ಎಂತ ಎಣ್ಣಂಡೂಂದ್, ಎನ್ನನೆ ಎಣ್ಣಂಡೂಂದ್ ಬೇಜಾರ್ ಮಾಡಂಡ. ಏದ್ ಸಮಯತ್‍ಲ್ ಎಂತ ತಕ್ಕ್ ಪರಿಯಂಡೂಂದ್ ನಿಂಗಕ್ ಗೊತ್ತ್ ಮಾಡ್‌ವ.

ಮತ್ತಾಯ 13:22

ಮುಳ್ಳ್‌ರ ಪೊದೆಲ್ ಬುದ್ದ ಕುರು ಎನ್ನನೇಂದ್ ಎಣ್ಣ್‌ಚೇಂಗಿ, ಅಯಿಂಗ ದೇವಡ ವಾಕ್ಯತ್‍ನ ಕ್‍ೕಪ. ಆಚೇಂಗಿ ಈ ಬದ್‍ಕ್‍ರ ವಿಷಯತ್ ಬೇಜಾರ್ ಮಾಡಿಯಂಡ್, ಪಣತ್‍ರ ಮೇಲೆ ಉಳ್ಳ ಆಸೆರಗುಂಡ್, ಇದೆಲ್ಲ, ಅಯಿಂಗ ಕ್‍ೕಟ ದೇವಡ ವಾಕ್ಯತ್‍ನ ನೆರ್‌ಕಿತ್, ಅಯಿಂಗ ಫಲ ಕೊಡ್‍ಕತೆ ಪೋಪ.

ಮತ್ತಾಯ 6:34

ಆನಗುಂಡ್ ನಾಳೆಕಾಯಿತ್ ವ್ಯಸನ ಪಡಂಡ. ನಾಳೆತ್‍ರ ದಿವಸ ಅದ್ಂಗಾಯಿತ್ ವ್ಯಸನ ಪಡ್‌ವ. ಓರೋರ್ ದಿವಸಕೂ ಅದ್ಂಗ್ ಉಳ್ಳ ಕಷ್ಟ ಮದಿ.

ಮತ್ತಾಯ 6:8

ಅಯಿಂಗಡನೆಕೆ ನಿಂಗ ಮಾಡಂಡ; ಎನ್ನಂಗೆಣ್ಣ್‌ಚೇಂಗಿ, ನಿಂಗಕ್ ಎಂತ ಬೋಂಡೂಂದ್ ನಿಂಗ ಕ್‍ೕಪಕಿಂಜ ಮಿಂಞಲೇ ನಿಂಗಡ ಅಪ್ಪಂಗ್ ಗೊತ್ತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:41

ಅದ್ಂಗ್ ಯೇಸು: ಮಾರ್ಥ, ಮಾರ್ಥ, ನೀನ್ ದುಂಬ ವಿಷಯತ್‍ನ ಗೇನ ಮಾಡಿಯಂಡ್ ಬೇಜಾರ್ ಮಾಡಿಯಂಡ್ ಉಳ್ಳಿಯ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:22

ಪಿಂಞ ಯೇಸು ಅಂವೊಂಡ ಶಿಷ್ಯಂಗಳ ನೋಟಿತ್: ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಉಡ್‌ಪಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:29

ಆನಗುಂಡ್, ಎಂತ ತಿಂಬ, ಎಂತ ಕುಡಿಪಾಂದ್ ಗೇನ ಮಾಡತಿ. ನಿಂಗ ಒಂದಂಗೂ ದುಃಖ ಪಡತಿ, ದೇವಡ ಮೇಲೆ ನಂಬಿಕೆ ಉಳ್ಳಯಿಂಗಳಾಯಿತಿರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:1

ಯೇಸು ಅಂವೊಂಡ ಶಿಷ್ಯಂಗಕ್, ಅಯಿಂಗ ತಳ್ಂದ್ ಪೋಕತೆ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಕ್ಕಂಡೂಂದ್ ಒರ್ ಕಥೇರ ರೂಪ ಎಣ್ಣಿ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:7

ಅನ್ನನೆ, ದೇವ ಗೊತ್ತ್ ಮಾಡ್‍ನಯಿಂಗಡಲ್ಲಿ ಪೋಲ್ ಬಯಿಟ್ ಮೊರೆ ಇಟ್ಟಂಡುಳ್ಳಯಿಂಗಡ ನ್ಯಾಯತ್‍ನ ಕ್‍ೕಟಿತ್ ಅದ್‍ನ ಎಡ್‍ಕತೆ ಇಪ್ಪ?

1 ಕೊರಿಂಥ 7:21

ದೇವ ನಿಂಗಳ ಕಾಕ್‍ವಕ ನಿಂಗ ಅಡಿಯಾಳಾಯಿತ್ ಇಂಜತೇಂಗಿ, ನಿಂಗ ಅದ್ಂಡ ವಿಷಯತ್ ಬೇಜಾರ್ ಮಾಡತಿ; ಅಲ್ಲಿಂಜ ಸ್ವಾತಂತ್ರ ಆಪಕ್ ಕಯ್ಯುವೇಂಗಿ ಅನ್ನನೆ ಮಾಡಿ.

1 ಕೊರಿಂಥ 7:32

ನಿಂಗ ಒರ್ ಬೇಜಾರವು ಇಲ್ಲತಯಿಂಗಳಾಯಿತ್ ಬದ್‍ಕಂಡೂಂದ್ ನಾನ್ ಇನ್ನನೆ ಕುಶೀಲ್ ಎಣ್ಣ್‌ವಿ. ಮಂಗಲ ಕಯಿಕತ ಮನುಷ್ಯ, ಒಡೆಯನ ಎನ್ನನೆ ಇಂಞು ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ.

2 ಕೊರಿಂಥ 1:11

ನಿಂಗ ನಿಂಗಡ ಪ್ರಾರ್ಥನೆರ ಮೂಲಕ ನಂಗಕ್ ಸಹಾಯ ಮಾಡಂಡು. ಅಕ್ಕ, ನಂಗಡ ಬದ್ರತೆಕಾಯಿತ್ ಮಾಡ್‍ನ ಪ್ರಾರ್ಥನೆಕ್ ದೇವ ಉತ್ತರ ಕೊಡ್‌ತಿತ್ ನಂಗಳ ಆಶೀರ್ವಾದ ಮಾಡ್‍ಚೇಂದ್ ದುಂಬ ಜನ ನಂಗಕಾಯಿತ್ ವಂದನೆ ಎಣ್ಣುವ.

ಎಫೆಸ 5:20

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ಎಕ್ಕಾಲು ಎಲ್ಲಾಕಾಯಿತ್ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

ಎಫೆಸ 6:18

ನಿಂಗ ಎಲ್ಲಾ ಸಮಯತ್‍ಲು, ಎಲ್ಲಾ ತರತ್‍ರ ಪ್ರಾರ್ಥನೆರ ಮೂಲಕ ಪಿಂಞ ಬೋಡಿಕೆರ ಮೂಲಕ ಎಚ್ಚರ ಎಡ್‍ತಂಡ್, ದುಂಬ ಸ್ತಿರವಾಯಿತ್ ಎಲ್ಲಾ ದೇವಡ ಮಕ್ಕಕಾಯಿತ್ ಪ್ರಾರ್ಥನೆ ಮಾಡಿಯಂಡೇ ಇರಿ.

ಕೊಲೊಸ್ಸೆ 3:15

ಕ್ರಿಸ್ತಂಡ ಸಮಾದಾನ ನಿಂಗಡ ಹೃದಯತ್‍ನ ಆಳ್ವಿಕೆ ಮಾಡಡ್. ಸಮಾದಾನತ್‍ಲ್ ಇಪ್ಪಕಾಯಿತೇ ಒರೇ ತಡಿಯಾಯಿತ್ ದೇವ ನಿಂಗಳ ಕಾಕ್‍ಚಿ. ಆನಗುಂಡ್ ದೇವಕ್ ವಂದನೆ ಮಾಡ್‌ವಯಿಂಗಳಾಯಿತ್ ಸಹ ಇರಂಡು.

ಕೊಲೊಸ್ಸೆ 3:17

ತಕ್ಕ್ ಪರಿವದಾಡ್, ಕೆಲಸ ಮಾಡ್‌ವದಾಡ್, ನಿಂಗ ಎಂತ ಮಾಡ್‍ಚೇಂಗಿಯು, ಅದ್‍ನೆಲ್ಲಾ ಒಡೆಯನಾನ ಯೇಸುರ ಪೆದತ್‍ಲ್ ಮಾಡಿಯಂಡ್, ಅಂವೊಂಡ ಮೂಲಕ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

ಕೊಲೊಸ್ಸೆ 4:2

ಎಡೆಬುಡತೆ ಪ್ರಾರ್ಥನೆ ಮಾಡಿಯಂಡ್ ಇರಿ, ಪ್ರಾರ್ಥನೆ ಮಾಡ್‌ವಕ, ದೇವನ ತುದಿಚಂಡ್ ಎಚ್ಚರತ್‍ಲ್ ಇರಿ.

1 ತಿಮೊಥೆಯ 2:1

ಮುಕ್ಯವಾಯಿತ್ ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ನಿಂಗ ಎಲ್ಲಾ ಜನಕಾಯಿತ್ ಪ್ರಾರ್ಥನೆ ಮಾಡಿಯಂಡ್, ತುದಿಚಂಡ್, ಬೋಡಿಯಂಡ್, ವಂದನೆ ಮಾಡಿಯಂಡ್ ಇರಿ.

1 ತಿಮೊಥೆಯ 5:5

ದಾರೂ ಸಹಾಯ ಮಾಡ್‌ವಕ್ ಇಲ್ಲತೆ, ಒರ್ ವಡಿಯ ಚತ್ತ್‌ಪೋನ ಪೊಣ್ಣಾಳ್, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಬಯಿಟ್ ಪೋಲ್ ದೇವಡ ಪಕ್ಕ ಪ್ರಾರ್ಥನೆ ಮಾಡಿಯಂಡ್, ದೇವ ಸಹಾಯ ಮಾಡ್‌ವಕಾಯಿತ್ ಅವ ಬೋಡಿಯಂಡಿಪ್ಪ.

1 ಪೇತ್ರ 4:7

ಎಲ್ಲಾಂಗ್ ಆಕೀರ್ ಕಾಲ ಪಕ್ಕ ಬಾತ್. ಆನಗುಂಡ್, ಚಾಯಿ ಮನಸ್ಸ್ ಉಳ್ಳಯಿಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇರಿ. ಅಕ್ಕ ನಿಂಗ ಚಾಯಿ ಪ್ರಾರ್ಥನೆ ಮಾಡ್‌ವಕ್ ಆಪ.

1 ಪೇತ್ರ 5:7

ಅಂವೊ ನಿಂಗಳ ಚಾಯಿ ನೋಟ್‍ವಂವೊನಾಯಿತುಳ್ಳಗುಂಡ್, ನಿಂಗಡ ಬೇಜಾರತ್‍ನ ಅಂವೊಂಡ ಮೇಲೆ ಬುಡಿ.