ಫಿಲಿಪ್ಪಿ 4:4 - ಕೊಡವ ಬೈಬಲ್

⁴ ಒಡೆಯನಾನ ಕ್ರಿಸ್ತ ಯೇಸುರಲ್ಲಿ ಎಕ್ಕಾಲು ಕುಶೀಲ್ ಇರಿ; ಕುಶೀಲ್ ಇರೀಂದ್ ಪುನಃ ನಾನ್ ನಿಂಗಕ್ ಎಣ್ಣ್‌ವಿ.

ಫಿಲಿಪ್ಪಿ 4:4 Cross References

ಮತ್ತಾಯ 5:12

ಸಂತೋಷವಾಯಿತ್ ಇರಿ, ಕುಶಿ ಪಡಿರಿ; ಪರಲೋಕತ್‍ಲ್ ನಿಂಗಡ ಫಲ ಬಲ್ಯದಾಯಿತ್‌ಪ್ಪ. ಎನ್ನಂಗೆಣ್ಣ್‌ಚೇಂಗಿ, ನಿಂಗಕಿಂಜ ಮಿಂಞ ಇಂಜ ಪ್ರವಾದಿಯಂಗಕ್ ಸಹ ಅಯಿಂಗ ಇನ್ನನೆ ಹಿಂಸೆ ಮಾಡ್‍ಚಿ.

ಅಪೊಸ್ತಲ 16:25

ನಡ್‍ಪಾದ್ರೆಲ್, ಪೌಲ ಪಿಂಞ ಸೀಲ, ಪ್ರಾರ್ಥನೆ ಮಾಡಿಯಂಡ್, ಪಾಟ್ ಪಾಡಿತ್ ದೇವನ ತುದಿಚಂಡಿಂಜತ್; ಜೈಲ್‍ಯಿಂಜ ಬೋರೆ ಕೈದಿಯಳು ಅದ್‍ನ ಕ್‍ೕಟಂಡ್ ಇಂಜತ್.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ರೋಮ್ 12:12

ನಿರಿಕ್ಷೇಲ್ ಕುಶಿಯಾಯಿತಿರಿ, ಕಷ್ಟತ್‍ಲ್ ಪೊರುಮೆಯಾಯಿತಿರಿ, ಪ್ರಾರ್ಥನೆ ಮಾಡ್‌ವದ್‍ಲ್ ಸ್ತಿರವಾಯಿತ್ ಮಾಡಿಯಂಡಿರಿ.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

ಗಲಾತ್ಯ 1:8

ನಂಗಳಾಡ್, ಪರಲೋಕತ್ಂಜ ಬಪ್ಪ ದೇವದೂತನಾಡ್, ನಾನ್ ನಿಂಗಕ್ ಬೋದನೆ ಮಾಡ್‍ನ ನಲ್ಲ ಸುದ್ದಿಯಲ್ಲತೆ, ಬೋರೆ ಒರ್ ನಲ್ಲ ಸುದ್ದಿನ ಬೋದನೆ ಮಾಡ್‍ಚೇಂಗಿ ಅಂವೊ ನಿತ್ಯ ಶಾಪ ಕ್‍ಟ್ಟ್‌ನಂವೊನಾಯಿತ್ ಇರಡ್.

ಫಿಲಿಪ್ಪಿ 2:18

ಅಕ್ಕು, ನಿಂಗ ಸಂತೋಷ ಪಡಂಡು, ಪಿಂಞ ನಿಂಗಡ ಸಂತೋಷತ್‌ನ ನಾನು ಪಾಲ್ ಮಾಡ್‌ವಿ.

ಫಿಲಿಪ್ಪಿ 3:1

ನಾಡ ಅಣ್ಣತಮ್ಮಣಂಗಳೇ, ಆಕೀರ್‌ಕ್ ನಿಂಗಡ ಪಕ್ಕ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ನಿಂಗ ಕ್ರಿಸ್ತಂಗ್ ಸ್ವಂತವಾನಗುಂಡ್ ಕುಶಿ ಪಡಿರಿ. ಪುನಃ ಪುನಃ ನಾನ್ ಇನ್ನನೆ ಒಳ್‍ದ್‍ವಕ್ ನಾಕ್ ಕಷ್ಟ ಆಪುಲೆ. ಇದ್‍ನ ಒಳ್‍ದ್‍ವದ್ ನಿಂಗಕ್ ನಲ್ಲದ್‍ೕಂದ್ ಗೇನ ಮಾಡಿಯೊಳಿ.

1 ಪೇತ್ರ 4:13

ಆಚೇಂಗಿ, ಕ್ರಿಸ್ತಂಡ ಕಷ್ಟತ್‍ಲ್ ನಿಂಗ ಪಾಲ್‍ದಾರಂಗಳಾಯಿತ್ ಉಳ್ಳಿರಾಂದ್ ಅದ್‍ಲ್ ಕುಶಿಪಡಿ, ಅಕ್ಕ, ಅಂವೊಂಡ ಮಹಿಮೆ ಎಲ್ಲಾರ್‌ಕು ಕಾಂಬನೆಕೆ ಆಪಕ, ನಿಂಗಕ್ ಬಾರಿ ಕುಶಿ ಆಪ.