ಫಿಲಿಪ್ಪಿ 4:14 - ಕೊಡವ ಬೈಬಲ್

¹⁴ ಆಚೇಂಗಿಯು, ನಿಂಗ ನಾಡ ಕಷ್ಟತ್‍ಲ್ ಕೂಡೆ ಇಂಜಿತ್ ಸಹಾಯ ಮಾಡ್‍ನದ್ ನಲ್ಲದ್.

ಫಿಲಿಪ್ಪಿ 4:14 Cross References

ಮತ್ತಾಯ 25:21

ಅಂವೊಂಡ ಎಜಮಾನ ಅಂವೊನ ನೋಟಿತ್: ನಲ್ಲದ್ ಆಚಿ, ನೀನ್ ನಲ್ಲ ಪಿಂಞ ನಂಬಿಕಸ್ತನಾನ ಆಳ್. ಚೆರಿಯ ವಿಷಯತ್‍ಲು ನೀನ್ ನಂಬಿಕೆ ಕಾಟಿತುಳ್ಳಿಯ, ನಿನ್ನ ನಾನ್ ಬಲ್ಯ ಕೆಲಸಕ್ ಅದಿಕಾರಿಯಾಯಿತ್ ಮಾಡ್‌ವಿ, ಇಕ್ಕ ಬಾ, ನೀಡ ಎಜಮಾನಂಡ ಕುಶೀಲ್ ಪ್ರವೇಶ ಮಾಡ್‍ೕಂದ್ ಎಣ್ಣ್‌ಚಿ.

ರೋಮ್ 15:27

ಇನ್ನನೆ ಮಾಡ್‍ವದ್ ನಲ್ಲದ್‍ೕಂದ್ ಅಯಿಂಗ ಗೇನಮಡ್‍ಚಿ; ಇನ್ನನೆ ಮಾಡ್‌ವಕ್ ಅಯಿಂಗಕ್ ಜವಾಬ್ದಾರಿಯು ಉಂಡ್. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯ ಅಲ್ಲತಯಿಂಗ ಯೆಹೂದ್ಯಂಗಡ ಆತ್ಮೀಯ ಆಶೀರ್ವಾದತ್‍ಲ್ ಪಾಲ್‍ದಾರಂಗಳಾಯಿತ್‌ಪ್ಪಕ, ಲೋಕತ್‍ರ ಆಶೀರ್ವಾದತ್‍ಲ್ ಅಯಿಂಗಕ್ ಪಾಲ್ ಮಾಡ್‌ವಕ್ ಜವಾಬ್ದಾರಿ ಉಂಡಲ್ಲ?

ಗಲಾತ್ಯ 6:6

ಅದಲ್ಲತೆ, ಬೋದನೆನ ಕ್‍ೕಪಯಿಂಗ, ದೇವಡ ವಾಕ್ಯತ್‍ನ ಬೋದನೆ ಮಾಡ್‍ನಯಿಂಗಕ್ ಅಯಿಂಗಡ ಎಲ್ಲಾ ನಲ್ಲದ್ಂಜ ಪಾಲ್ ಮಾಡಂಡು.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

1 ತಿಮೊಥೆಯ 6:18

ನಲ್ಲದ್ ಮಾಡ್‌ವದ್‍ಲ್, ಸಹಾಯ ಮಾಡ್‌ವದ್‍ಲ್ ಐಶ್ವರ್ಯವಂತಂಗಳಾಯಿತ್, ಉದಾರ ಮನಸ್ಸ್‌ಲ್ ಕೊಡ್‍ಪಯಿಂಗಳಾಯಿತ್, ಅಯಿಂಗಡದ್‍ನ ಕಷ್ಟತ್‍ಲ್ ಉಳ್ಳಯಿಂಗಕ್ ಕೊಡ್‍ಪಕ್ ಎಣ್ಣ್.

ಇಬ್ರಿಯ 10:33

ಆ ಕಾಲತ್‍ಲ್ ಚೆನ್ನ ಸಮಯತ್‍ಲ್ ನಿಂಗಳ ಎಲ್ಲಾಡ ಮಿಂಞತ್ ಅವಮಾನ ಮಾಡಿತ್, ಹಿಂಸೆಯು ಮಾಡ್‍ಚಿ. ಚೆನ್ನ ಸಮಯತ್‍ಲ್, ನಿಂಗಡ ಕೂಟ್‌ಲ್ ಇಂಜಯಿಂಗಕ್ ಅನ್ನನೆ ಮಾಡ್‍ಚಿ, ಅದ್‍ನಗುಂಡ್ ನಿಂಗಕ್ ಕಷ್ಟ ಆಚಿ.

ಇಬ್ರಿಯ 10:34

ಕ್ರಿಸ್ತಂಗಾಯಿತ್ ಜೈಲ್‍ಲ್ ಕೈದಿಯಾಯಿತ್ ಇಂಜಯಿಂಗಕ್ ಕನಿಕರ ಕಾಟಿತುಳ್ಳಿರ, ನಿಂಗಡ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ನಿಂಗಕ್ ಪರಲೋಕತ್‍ಲ್ ಇದ್‌ಂಗಿಂಜ ಚಾಯಾನದು, ಪಾಳಾಯಿ ಪೋಕತದುವಾಯಿತುಳ್ಳ ಆಸ್ತಿ ಉಂಡ್‍ೕಂದ್ ಗೊತ್ತಾನಗುಂಡ್, ಸುಲ್‌ಗೆ ಮಾಡ್‌ವಕ್ ಕುಶೀಲ್ ಬುಟ್ಟಿರ.

ಇಬ್ರಿಯ 13:16

ಅದಲ್ಲತೆ, ನಲ್ಲದ್ ಮಾಡ್‌ವಕು, ದಾನದರ್ಮ ಮಾಡ್‌ವಕು ಮರ್ಂದ್ ಪೋಕತಿ; ಇನ್ನನೆ ಮಾಡ್‌ವ ಬಲೀಲ್ ದೇವ ಕುಶಿಪಡ್‍ವಂವೊನಾಯಿತುಂಡ್.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.