ಫಿಲಿಪ್ಪಿ 4:12 - ಕೊಡವ ಬೈಬಲ್

¹² ಒಂದು ಇಲ್ಲತೆ ಬದ್‌ಕ್‍ವಕು, ಎಲ್ಲಾ ಇಂಜಿತ್ ಬದ್‌ಕ್‍ವಕು ನಾಕ್ ಗೊತ್ತುಂಡ್; ಏದ್ ಜಾಗತ್‍ಲು, ಎಲ್ಲಾ ಸ್ತಿತಿಲು ತೃಪ್ತಿಲ್ ಇಪ್ಪಕು, ಕೆಲ ಪಯಿಪಕಲು, ಪೂರ್ತಿಯಾಯಿತ್‌ಪ್ಪಕಲು, ಬೋಂಡಿಯಾನದ್ ಇಲ್ಲತಿಪ್ಪಕಲು ನಾನ್ ಬದ್‍ಕ್‍ವಕ್ ಪಡಿಚಿತುಳ್ಳ.

ಫಿಲಿಪ್ಪಿ 4:12 Cross References

ಮತ್ತಾಯ 11:29

ನಾನ್ ಶಾಂತವು, ತಾಳ್ಮೆ ಮನಸ್ಸು ಉಳ್ಳಂವೊ. ನಾಡ ನೊಗತ್‌ನ ನಿಂಗ ಎಡ್‍ತಂಡ್, ನಾನ್ ಎಣ್ಣುವಾನ ಪಡಿಚೋಳಿ; ಅಕ್ಕ ನಿಂಗಡ ಆತ್ಮಕ್ ಆರಾಮ್ ಕ್‍ಟ್ಟುವ.

ಮತ್ತಾಯ 13:52

ಅಕ್ಕ ಅಂವೊ ಅಯಿಂಗಳ ನೋಟಿತ್: ಇದ್ಂಡ ಅರ್ಥ ನ್ಯಾಯಪ್ರಮಾಣತ್‌ರ ಉಪಾದ್ಯಂಗ, ಪರಲೋಕ ರಾಜ್ಯತ್‍ರ ಶಿಷ್ಯಂಗಳಾಯಿತ್ ಬಪ್ಪಕ, ಅಯಿಂಗ ಮನೆರ ಎಜಮಾನಂಡನೆಕೆ, ಮನೆರ ಪತ್ತಾಯ ಕೋಂಬರೆಯಿಂಜ ಪುದಿಯ ಪಿಂಞ ಪಳೆಯ ನಿದಿನ ಎಡ್‌ತ ಬಂದನೆಕೆ ಇಪ್ಪಾಂದ್‌ ಎಣ್ಣ್‌ಚಿ.

2 ಕೊರಿಂಥ 10:1

ನಿಂಗಡ ಪಕ್ಕ ಇಪ್ಪಕ ತಾಳ್ಮೆಲು, ನಿಂಗಡಿಂಜ ದೂರ ಇಪ್ಪಕ ನಿಂಗಡ ಮೇಲೆ ಕಂಡಿತವಾಯಿತ್ ಉಳ್ಳನೆಕೆ ಕಾಂಬ ಪೌಲನಾನ ನಾನ್, ಕ್ರಿಸ್ತಂಡ ಶಾಂತ ಗುಣತ್‍ರ ಪಿಂಞ ದಯೇರ ಮೂಲಕ ನಿಂಗಕ್ ಬೋಡಿಯಂಡುಳ್ಳ.

2 ಕೊರಿಂಥ 10:10

ಅಂವೊಂಡ ಕಾಗದ ದುಂಬ ಗಟ್ಟಿಯಾಯಿತು ಒತ್ತಾಯ ಮಾಡ್‌ವದಾಯಿತು ಉಂಡ್, ಆಚೇಂಗಿ ಅಂವೊ ತಡೀಲ್ ಬಲಯಿಲ್ಲತಂವೊನು ಅಂವೊಂಡ ತಕ್ಕ್ ಪ್ರಯೋಜನ ಇಲ್ಲತವಾಯಿತು ಉಂಡ್‍ೕಂದ್ ಚೆನ್ನ ಜನ ನಾಡ ವಿಷಯತ್ ಎಣ್ಣಿಯಂಡುಂಡಲ್ಲ?

2 ಕೊರಿಂಥ 11:27

ಪ್ರಯತ್ನತ್‍ಲ್, ಕಷ್ಟತ್‍ಲ್, ದುಂಬ ಕುರಿ ವರಿಯತೆ, ಕೆಲ ಪಯಿಚಿತ್, ಬಾಯರಿಕೆಲ್, ದುಂಬ ಕುರಿ ಪಟ್ಟಣಿಲ್, ಕುಳ್‍ರ್‌ಲ್, ಸರಿಯಾನ ಬಟ್ಟೆ ಇಲ್ಲತಂವೊನಾಯಿತ್ ನಾನ್ ಇಂಜ.

2 ಕೊರಿಂಥ 11:7

ನಿಂಗ ಬಲ್ಯದಾಂಡೂಂದ್ ನನ್ನ ತಗ್ಗ್‌ಚಿಟ್ಟಂಡ್ ದೇವಡ ನಲ್ಲ ಸುದ್ದಿನ ಇನಾಮಾಯಿತ್ ನಿಂಗಕ್ ಬೋದನೆ ಮಾಡ್‍ನದ್ ಕುತ್ತವಾ?

2 ಕೊರಿಂಥ 11:9

ನಾನ್ ನಿಂಗಡ ಪಕ್ಕ ಇಪ್ಪಕ, ಮಕೆದೋನ್ಯತ್ಂಜ ಬಂದ ನಾಡ ಅಣ್ಣತಮ್ಮಣಂಗ ನಾಕ್ ಬೋಂಡಿಯಾನದ್‍ನ ತಂದತ್. ನಿಂಗಕ್ ಆ ಬಾರತ್‍ನ ಕೊಡ್‍ತಿತ್‌ಲ್ಲೆ. ಎಲ್ಲಾ ವಿಷಯತ್ ನಾನ್ ನಿಂಗಕ್ ಬಾರವಾಯಿತ್ ಇಲ್ಲತಿಪ್ಪನೆಕೆ ಜಾಗ್ರತೆಲ್ ಇಂಜ. ಇಂಞು ಮಿಂಞಕು ಜಾಗ್ರತೆಲ್ ಇಪ್ಪಿ.