ಫಿಲಿಪ್ಪಿ 4:1 - ಕೊಡವ ಬೈಬಲ್

¹ ಇದ್ಂಗಾಯಿತ್ ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಇಲ್ಲಿಕತ್ತನೆ ಎಣ್ಣ್‌ನದ್‍ನ ಗೇನ ಮಾಡಿಯಂಡ್ ಒಡೆಯಂಡ ವಿಷಯತ್‍ಲ್ ಸ್ತಿರವಾಯಿತ್ ಇರಿ. ನಾನ್ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‌ವಿ, ನಿಂಗಳ ಕಾಂಗಂಡೂಂದ್ ನಾಕ್ ದುಂಬ ಆಸೆ ಉಂಡ್. ನಿಂಗಳೇ ನಾಡ ಕುಶಿ, ನಿಂಗಳೇ ನಾಡ ಕಷ್ಟಕೆಲ್ಲ ಕ್‍ಟ್ಟ್‌ನ ಕಿರೀಟ.

ಫಿಲಿಪ್ಪಿ 4:1 Cross References

ಮತ್ತಾಯ 10:22

ನಾಡಗುಂಡ್ ಎಲ್ಲಾ ಜನಳು ನಿಂಗಳ ದ್ವೇಶಿಚುಡುವ, ಆಚೇಂಗಿ ಕಡೇಕತ್ತನೆ ದೃಡವಾಯಿತ್ ನಂಬಿಕೇಲ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟ್‌ವ.

ಯೋಹಾನ 8:31

ಯೇಸು ಅಂವೊನ ನಂಬ್‍ನ ಯೆಹೂದ್ಯಂಗಳ ನೋಟಿತ್: ನಿಂಗ ನಾನ್ ಎಣ್ಣುವ ಬೋದನೆನ ಕ್‍ೕಟಿತ್ ಅದ್ಂಡ ಪ್ರಕಾರ ನಡ್ಂದತೇಂಗಿ ನಿಂಗ ನೇರಾಯಿತು ನಾಡ ಶಿಷ್ಯಂಗಳಾಯಿತ್‌ಪ್ಪಿರ.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 2:42

ಈಂಗ ಅಪೊಸ್ತಲಂಗಡ ಬೋದನೆನ ಕ್‍ೕಪಕ್ ಅರ್ಪಿಚಿಟ್ಟಯಿಂಗಳಾಯಿತ್, ಐಕ್ಯತ್‍ಲ್, ಒಟ್ಟಿ ಪೊಳಿಪದ್‍ಲ್, ಪಿಂಞ ಪ್ರಾರ್ಥನೆಲ್, ದೃಡ ಉಳ್ಳಯಿಂಗಳಾಯಿತ್ ಇಂಜತ್.

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

1 ಕೊರಿಂಥ 16:13

ನಿಂಗ ಎಕ್ಕಾಲು ಎಚ್ಚರತ್‍ಲ್ ಇರಿ. ದೇವಡ ಮೇಲೆ ಉಳ್ಳ ನಂಬಿಕೇಲ್ ನಿಂಗ ದೃಡವಾಯಿತ್ ಇರಿ, ನಿಂಗ ದೈರ್ಯತ್‍ಲ್ ಪಿಂಞ ಬಲವುಳ್ಳಯಿಂಗಳಾಯಿತ್ ಇರಿ.

2 ಕೊರಿಂಥ 1:14

ಒಡೆಯನಾನ ಯೇಸು ಪುನಃ ಬಪ್ಪ ದಿವಸತ್‍ಲ್, ನಿಂಗಡ ವಿಷಯತ್ ನಂಗ ಹೆಮ್ಮೆ ಪಡ್‌ವನೆಕೆ, ನಿಂಗಳು ಸಹ ನಂಗಡ ವಿಷಯತ್ ಹೆಮ್ಮೆ ಪಡ್‍ವಿರಾಂದ್ ಚೆನ್ನಮಟ್ಟಕ್ ನಿಂಗ ಒತ್ತಂಡುಳ್ಳಿರಲ್ಲ.

ಗಲಾತ್ಯ 5:1

ಆನಗುಂಡ್, ನಂಗ ಪುನಃ ನ್ಯಾಯಪ್ರಮಾಣಕ್ ಅಡಿಯಾಳಾಕತೆ, ಕ್ರಿಸ್ತ ನಂಗಕ್ ಸ್ವಾತಂತ್ರವಾಯಿತ್ ಇರಂಡೂಂದ್ ಕೊಡ್‍ತ ಬದ್‍ಕ್‍ಲ್ ದೃಡವಾಯಿತ್ ನಿಕ್ಕಂಡು.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 1:8

ಕ್ರಿಸ್ತ ಯೇಸುರ ಪಕ್ಕ ಉಳ್ಳ ಕನಿಕರತ್ಂಜ ನಿಂಗಡ ಮೇಲೆ ನಾಕ್ ಎಚ್ಚಕ್ ಪ್ರೀತಿ ಉಂಡ್‍ೕಂದ್ ದೇವನೇ ನಾಕ್ ಸಾಕ್ಷಿ.

ಫಿಲಿಪ್ಪಿ 2:16

ಜೀವ ತಪ್ಪ ದೇವಡ ತಕ್ಕ್‌ನ ಗಟ್ಟಿಯಾಯಿತ್ ಪುಡ್‍ಚೊಳಿ! ಯೇಸು ಕ್ರಿಸ್ತ ತಿರಿತ್ ಬಪ್ಪ ದಿವಸತ್‍ಲ್ ನಾಕ್ ನಿಂಗಡ ಮದ್ಯತ್‍ಲ್ ಕ್‍ಟ್ಟ್‌ನ ಕಷ್ಟನಷ್ಟ ಒಂದು ಪಾಳಾಯಿ ಪೋಯಿತ್‌ಲ್ಲೇಂದ್ ನಾಕ್ ಕುಶಿ ಆಪ.

ಫಿಲಿಪ್ಪಿ 2:26

ಅಂವೊ ನಿಂಗಳ ಕಾಂಗಂಡೂಂದ್ ದುಂಬ ಆಸೇಲ್ ಇಂಜತ್. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ಸೌಕ್ಯ ಇಲ್ಲತದ್ ನಿಂಗಕ್ ಗೊತ್ತಾನಗುಂಡ್ ಅಂವೊ ದುಂಬ ವ್ಯಸನ ಪಟ್ಟತ್.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

2 ಥೆಸಲೊನೀಕ 2:15

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗ ಸ್ತಿರವಾಯಿತ್ ನಿಂದಂಡ್, ನಂಗ ನಿಂಗಡ ಕೂಡೆ ಇಪ್ಪಕ ಮಾಡ್‍ನ ಬೋದನೆನ ಮಾತ್ರ ಅಲ್ಲ ನಂಗ ನಿಂಗಕ್ ಒಳ್‍ದ್‍ನ ಕಾಗದತ್‍ರ ಮೂಲಕ ಕ್‍ಟ್ಟ್‌ನ ಬೋದನೆನ ಸಹ ಗಟ್ಟಿಯಾಯಿತ್ ಪುಡ್‍ಚೊಳಿ.

2 ತಿಮೊಥೆಯ 2:1

ಆನಗುಂಡ್ ನಾಡ ಮೋನೇ, ನೀನ್ ಯೇಸು ಕ್ರಿಸ್ತಂಡ ಕೃಪೇಲ್ ಬಲಪಡ್.

ಇಬ್ರಿಯ 10:23

ನಂಗಡ ನಂಬಿಕೇನ ಅರಿಕೆ ಮಾಡ್‌ವದ್‍ಲ್ ದೈರ್ಯತ್‍ಲ್ ಸ್ತಿರವಾಯಿತ್ ನಿಕ್ಕಂಡು, ಎನ್ನಂಗೆಣ್ಣ್‌ಚೇಂಗಿ ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೊನಾಯತುಂಡ್.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

ಇಬ್ರಿಯ 4:14

ಬಾನತ್‍ರ ಮೂಲಕ ಪರಲೋಕಕ್ ಪೋಯಿತುಳ್ಳ ದೇವಡ ಮೋಂವೊನಾನ ಯೇಸು ಎಣ್ಣುವ ಮಹಾ ಯಾಜಕ ನಂಗಕ್ ಉಳ್ಳಗುಂಡ್, ನಂಗ ಮಾಡ್‍ನ ನಂಬಿಕೇರ ಅರಿಕೇನ ಗಟ್ಟಿಯಾಯಿತ್ ಪುಡ್‍ಚಂಡ್ ಬದ್‍ಕಂಡು.

2 ಪೇತ್ರ 3:17

ಆನಗುಂಡ್, ನಾಡ ಪ್ರೀತಿರ ಜನಳೇ, ಇನ್ನತಾನದೆಲ್ಲ, ನಿಂಗಕ್ ಮಿಂಞಲೇ ಗೊತ್ತಾನಗುಂಡ್, ದುಷ್ಟಂಗಡ ವಂಚನೆಲ್ ನಿಂಗ ಜಾರಿತ್, ನಿಂಗಡ ಸ್ತಿರವಾನ ಸ್ತಾನತ್ಂಜ ಬುದ್ದಿತ್ ಪೋಕತನೆಕೆ ಎಚ್ಚರತ್‍ಲ್ ಇರಿ.