ಫಿಲಿಪ್ಪಿ 3:8 - ಕೊಡವ ಬೈಬಲ್

⁸ ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

ಫಿಲಿಪ್ಪಿ 3:8 Cross References

ಮಲಾಕಿ 2:3

ಚಾಯಿ ಕೆಮಿ ಕೊಡ್‌ತಿತ್‌ ಕ್‍ೕಳಿ, ನಿಂಗಡ ಸಂತಾನಕ್‌ ದಂಡನೆ ತಪ್ಪಿ; ನಿಂಗಡ ನಮ್ಮೆಳ್‌ ಬಲಿ ಕೊಡ್‌ಪ ಪ್ರಾಣಿಯಡ ಚಾಣತ್‌ನ ನಿಂಗಡ ಮೂಡ್‌ಕ್‌ ಪರ್‌ತ್‌ವಿ. ಆ ಚಾಣ ಗುಡ್ಡೆರ ಕೂಡೆ ನಿಂಗಳ ಎಡ್‌ತಂಡ್‌ ಪೋಯಿರ್ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:43

ನಾಡ ಒಡೆಯಂಡ ಅವ್ವ ನಾಡ ಪಕ್ಕ ಬಪ್ಪಚ್ಚಕ್ ಬಾಗ್ಯ ನಾಕ್ ಎನ್ನನೆ ಕ್‍ಟ್ಟ್‌ಚಿ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:20

ನಾನ್ ದೇವಡ ಶಕ್ತಿಲ್ ಕೂಳಿಯಳ ಬುಡ್‌ತಿಯಂಡುಂಡೇಂಗಿ, ದೇವಡ ರಾಜ್ಯ ಇಕ್ಕಲೆ ನಿಂಗಡಲ್ಲಿ ಬಂದಿತುಂಡ್‍ೕಂದ್ ಗೊತ್ತಾಪ.

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 14:7

ನಿಂಗಕ್ ನನ್ನ ಗೊತ್ತ್‌ಂಜತೇಂಗಿ, ನಾಡ ಅಪ್ಪನ ಸಹ ನಿಂಗಕ್ ಗೊತ್ತಿಪ್ಪ; ಇಕ್ಕಯಿಂಜ, ನಿಂಗಕ್ ಅಂವೊನ ಗೊತ್ತುಂಡ್; ಅಂವೊನ ನಿಂಗ ಕಂಡಿತು ಉಳ್ಳಿರಲ್ಲಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 16:3

ಅಯಿಂಗಕ್ ನನ್ನ, ನಾಡ ಅಪ್ಪನ ಗೊತ್ತಿಲ್ಲತಗುಂಡ್ ಇದ್‍ನೆಲ್ಲಾ ನಿಂಗಕ್ ಮಾಡ್‌ವ.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ಯೋಹಾನ 17:8

ನೀನ್ ನಾಕ್ ಕೊಡ್‍ತಿತುಳ್ಳ ಸತ್ಯತ್‍ನ ನಾನ್ ಅಯಿಂಗಕ್ ಕೊಡ್‌ತಿಯೆ; ಅಯಿಂಗ ಅದ್‍ನ ಸ್ವೀಕಾರ ಮಾಡಿತ್, ನಾನ್ ನೀಡಯಿಂಜ ಪೊರಟಿತ್ ಬಾತ್‍ೕಂದ್ ದೃಡವಾಯಿತ್ ಗೊತ್ತಾಯಿತ್, ನೀನೇ ನನ್ನ ಲೋಕಕ್ ಅಯಿಚತ್‍ೕಂದ್ ನಂಬಿಯಂಡುಂಡ್.

ಯೋಹಾನ 20:13

ಅಯಿಂಗ ಅವಳ ನೋಟಿತ್: ಅವ್ವ, ನೀನ್ ಎನ್ನಂಗ್ ಮೊರಟಂಡ್ ಉಳ್ಳಿಯಾಂದ್ ಕ್‍ೕಟತ್. ಅಯಿಂಗಕ್ ಅವ: ನಾಡ ಒಡೆಯನ ದಾರೋ ಎಡ್‍ತಂಡ್ ಪೋಯಿರ್‌ತ್, ಅಯಿಂಗ ಎಲ್ಲಿ ಇಟ್ಟತೋ ನಾಕ್ ಗೊತ್ತಿಲ್ಲೇಂದ್ ಅವ ಎಣ್ಣ್‌ಚಿ.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ರೋಮ್ 8:18

ಆನಗುಂಡ್, ಮಿಂಞಕ್ ನಂಗಕ್ ಕ್‍ಟ್ಟ್‌ವಕುಳ್ಳ ಮಹಿಮೆನ ಗೇನ ಮಾಡ್‍ಚೇಂಗಿ, ಇಕ್ಕತ್‍ರ ಕಷ್ಟವೆಲ್ಲ ಅದ್ಂಡಕೂಡೆ ಹೋಲಿಕೆ ಮಾಡ್‌ವಕ್ ಕಯ್ಯುಲೇಂದ್ ಗೇನ ಮಾಡ್‌ವಿ.

ರೋಮ್ 8:39

ನನ್ನ ಕೊಡಿಕ್ ಕೊಂಡ್ ಪೋಪದಾಚೇಂಗಿಯು, ನನ್ನ ಅಡಿಕ್ ತಳ್ಳ್‌ವದಾಚೇಂಗಿಯು, ಬೋರೆ ಏದ್ ಸೃಷ್ಟಿಯಾಚೇಂಗಿಯು, ನಂಗಡ ಒಡೆಯನಾನ ಕ್ರಿಸ್ತ ಯೇಸುರ ಮೇಲೆ ಬೆಚ್ಚಿತುಳ್ಳ ದೇವಡ ಪ್ರೀತಿಯಿಂಜ ನಂಗಳ ಬೋರೆ ಮಾಡ್‌ವಕ್ ಕಯ್ಯುಲೇಂದ್ ನಿಶ್ಚಯವಾಯಿತ್ ನಂಬಿಯಂಡುಂಡ್.

1 ಕೊರಿಂಥ 2:2

ಎನ್ನಂಗೆಣ್ಣ್‌ಚೇಂಗಿ, ನಾನ್ ನಿಂಗಡ ಕೂಡೆ ಇಪ್ಪಕ ಯೇಸು ಕ್ರಿಸ್ತನ ಪಿಂಞ ಅಂವೊ ಶಿಲುಬೇಲ್ ಚತ್ತದ್‍ನ ಬುಟ್ಟಿತ್ ಬೋರೆ ಒಂದು ನಿಂಗಕ್ ಗೊತ್ತಾಪದ್ ಬೋಂಡಾಂದ್ ನಾನ್ ತೀರ್ಮಾನ ಮಾಡಿಯೆ.

1 ಕೊರಿಂಥ 9:10

ಅಥವ, ದೇವ, ನೇರಾಯಿತು ನಂಗಳ ಗೇನ ಮಾಡಿತ್ ಎಣ್ಣ್‌ಚಾ? ಬೇಲ್‍ನ ಉಪ್ಪವಂವೊನು, ಒಕ್ಕ್ ಪಣಿ ಮಾಡ್‌ವಂವೊನು, ಅಯಿಂಗಡ ಪಾಲ್‍ಕ್ ಫಲ ಕ್‍ಟ್ಟ್‌ವಾಂದ್ ಗೇನ ಮಾಡ್‌ವಲ್ಲ? ಆನಗುಂಡ್, ಅದ್‍ನ ನಂಗಕಾಯಿತೇ ಒಳ್‍ದ್‍ಚಿ.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.

ಎಫೆಸ 4:13

ಅಕ್ಕ, ನಂಗ ಎಲ್ಲಾರು ದೇವಡ ಮೋಂವೊಂಡ ಮೇಲೆ ಇಟ್ಟಿತುಳ್ಳ ನಂಬಿಕೇಲ್ ಪಿಂಞ ಬುದ್ದಿಲ್ ಒಂದಾಯಿತ್, ಕ್ರಿಸ್ತಂಡ ಪೂರ್ತಿ ಅಳ್‌ತೆಕ್ ಬೊಳ್ಂದಿತ್ ಪೂರ್ತಿ ಮನುಷ್ಯಂಗಳಾಯಿತ್ ಬೊಳಿವಕಯ್ಯು.

ಫಿಲಿಪ್ಪಿ 1:1

ಯೇಸು ಕ್ರಿಸ್ತಂಡ ಸೇವಕನಾನ ಪೌಲ ಪಿಂಞ ತಿಮೊಥೆಯ, ಫಿಲಿಪ್ಪಿ ಪಟ್ಟಣತ್‍ಲ್ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‍ಲ್ ದೇವಡ ಮಕ್ಕಳಾಯಿತುಳ್ಳ ಎಲ್ಲಾ ಜನಕು, ನಿಂಗಡ ಮೇಲೆ ಜವಾಬ್ದಾರಿಯಾಯಿತುಳ್ಳ ಸಬೆರ ಪೆರಿಯಯಿಂಗಕು ಪಿಂಞ ಅಯಿಂಗಕ್ ಸಹಾಯ ಮಾಡ್‌ವ ಪೆರಿಯಯಿಂಗಕು ಒಳ್‍ದ್‍ವ ಕಾಗದ ಇದ್.

ಫಿಲಿಪ್ಪಿ 3:10

ನಾಡ ಬಲ್ಯ ಆಸೆ ಎಂತ ಎಣ್ಣ್‌ಚೇಂಗಿ ಕ್ರಿಸ್ತನ ಇಂಞು ಚಾಯಿ ನಾಕ್ ಗೊತ್ತಾಂಡು. ಅಂವೊ ಚಾವ್‍ಯಿಂಜ ಜೀವತ್‍ಲ್ ಪುನಃ ಬಪ್ಪಕ್ ಮಾಡ್‍ನ ಆ ಜೀವತ್‍ರ ಶಕ್ತಿನ ನಾನ್ ಎಕ್ಕಾಲು ನಾಡ ಬದ್‍ಕ್‍ಲ್ ಅನುಬವಿಚಿಟ್ಟಿತ್, ಕ್ರಿಸ್ತ, ದೇವಡ ಚಿತ್ತ ಮಾಡ್‌ವಕ್ ಎಚ್ಚಕ್ ನೊಂಬಲತ್‍ನ ಎಡ್‍ತತೋ, ಅದೇ ತರ ನಾನ್ ಸಹ ನೊಂಬಲತ್‍ನ ಎಡ್‌ಕಂಡು, ಅಂವೊ ಕಷ್ಟಪಟ್ಟಿತ್ ಚತ್ತನೆಕೆ ನಾನ್ ಸಹ ಕಷ್ಟಪಟ್ಟಿತ್ ಚಾವಂಡು.

ಫಿಲಿಪ್ಪಿ 3:12

ಇಕ್ಕ ನಾಕ್ ಎಲ್ಲಾ ಕ್‌ಟ್ಟಿಪೋಚಿ, ನಾಕ್ ಎಲ್ಲಾ ಗೊತ್ತಾಚಿ, ಪೂರ್ತಿಯಾಯಿತ್ ಬದ್‍ಕಿಯಂಡುಳ್ಳ್‌ಂದ್ ಗೇನ ಮಾಡತೆ, ಕ್ರಿಸ್ತ ಯೇಸು ನನ್ನ ಎನ್ನಂಗಾಯಿತ್ ಕಾಕ್‌ಚೋ, ಅದ್‍ನ ಪುಡಿಪಕ್ ಕುಶೀಲ್ ಓಡಿಯಂಡುಳ್ಳ.

ಫಿಲಿಪ್ಪಿ 3:7

ಆಚೇಂಗಿಯು, ನಾಕ್ ಲಾಬಾವಾಯಿತ್‌ಂಜದೆಲ್ಲ, ಯೇಸು ಕ್ರಿಸ್ತಂಗಾಯಿತ್ ನಷ್ಟಾಂದ್ ಗೇನ ಮಾಡ್‍ನ.

2 ತಿಮೊಥೆಯ 4:6

ಎನ್ನಂಗೆಣ್ಣ್‌ಚೇಂಗಿ, ನಾಡ ಬದ್‍ಕ್‍ನ ದೇವಕ್ ಬಲಿ ಕೊಡ್‍ಪಕ್ ನಾನ್ ತಯಾರಾಯಿತುಳ್ಳ. ನಾನ್ ಈ ಲೋಕತ್‍ನ ಬುಟ್ಟಿತ್ ಪೋಪಕುಳ್ಳ ಸಮಯ ಪಕ್ಕ ಬಾತ್.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

1 ಪೇತ್ರ 2:7

ಆನಗುಂಡ್, ಅದ್ಂಡಮೇಲೆ ನಂಬಿಕೆ ಬೆಪ್ಪ ನಿಂಗಕ್ ಅದ್ ಅಮುಲ್ಯವಾನದ್, ಆಚೇಂಗಿ, ಅದ್‍ನ ನಂಬತಯಿಂಗಕ್, ಅದ್: ಮನೆ ಕೆಟ್ಟ್‌ವಯಿಂಗ ಬೋಂಡಾಂದ್ ತಿರಸ್ಕಾರ ಮಾಡ್‍ನ ಆ ಕಲ್ಲೇ, ಮನೆರ ಮುಕ್ಯವಾನ ಕಲ್ಲಾಚಿ

2 ಪೇತ್ರ 1:2

ದೇವನ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತನ ಅರಿಂಜಿತುಳ್ಳ ಬುದ್ದಿರಗುಂಡ್ ನಿಂಗಕ್ ದುಂಬ್‍ನ ಕೃಪೆಯು ಸಮಾದಾನವು ಕ್‍ಟ್ಟಡ್.

2 ಪೇತ್ರ 1:3

ದೇವಡ ಶಕ್ತಿ ನಂಗಡ ಈ ಬದ್‍ಕ್‍ಕ್ ಬೋಂಡಿಯಾನ ಎಲ್ಲಾನ ತಂದಿತ್, ದೇವಡ ಬಕ್ತಿಲ್ ಬದ್‍ಕ್‍ವಕ್ ಮಾಡಿಯಂಡುಂಡ್. ಅಂವೊಂಡ ಮಹಿಮೇರಗುಂಡ್ ಪಿಂಞ ನಲ್ಲ ಗುಣತ್‍ರಗುಂಡ್ ನಂಗಳ ಕಾಕ್‍ನಂವೊನ ಗೊತ್ತಾನಗುಂಡ್ ಇದೆಲ್ಲ ನಂಗಕ್ ಕ್‍ಟ್ಟ್‌ಚಿ.

2 ಪೇತ್ರ 1:8

ಈ ಗುಣವೆಲ್ಲ ನಿಂಗಕ್ ಇಂಜಿತ್, ಬೊಳ್‌ಂದತೇಂಗಿ, ನಿಂಗ ನಂಗಡ ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತುಳ್ಳ ಬುದ್ದಿಲ್ ಪ್ರಯೋಜನ ಇಲ್ಲತಯಿಂಗಳು, ಫಲ ಕೊಡ್‍ಪಕ್ ಕಯ್ಯತಯಿಂಗಳು ಆಯಿತ್ ಇಪ್ಪಕ್ ಬುಡುಲೆ.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

1 ಯೋಹಾನ 1:3

ಅಪ್ಪಂಡ ಪಿಂಞ ಮೋಂವೊನಾನ ಯೇಸು ಕ್ರಿಸ್ತಂಡಲ್ಲಿ ನಂಗಕ್ ಉಳ್ಳ ಐಕ್ಯತ್‍ಲ್ ನಿಂಗಳು ಕೂಡಂಡೂಂದ್ ನಂಗ ಕಂಡಾನ ಕ್‍ೕಟಾನ ನಿಂಗಕ್ ಎಣ್ಣಿ ತಪ್ಪ.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.