ಫಿಲಿಪ್ಪಿ 3:18 - ಕೊಡವ ಬೈಬಲ್

¹⁸ ಎನ್ನಂಗೆಣ್ಣ್‌ಚೇಂಗಿ, ದುಂಬ ಜನ ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗೆಲ್ಲಾ ಕ್ರಿಸ್ತಂಡ ಶಿಲುಬೇರ ಬೋದನೆಕ್ ವಿರೋದವಾಯಿತ್ ಬದ್‍ಕಿಯಂಡುಂಡ್. ಅಯಿಂಗಡ ವಿಷಯ ನಾನ್ ನಿಂಗಕ್ ಮಿಂಞಲೇ ದುಂಬ ಎಣ್ಣಿತುಂಡ್. ಇಕ್ಕ ಪುನಃ ನಾನ್ ನಿಂಗಕ್ ಮೊರಟಂಡ್ ಎಣ್ಣ್‌ವಿ.

ಫಿಲಿಪ್ಪಿ 3:18 Cross References

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:41

ಪಟ್ಟಣತ್‍ರ ಪಕ್ಕ ಬಪ್ಪಕ, ಯೆರೂಸಲೇಮ್‍ನ ನೋಟ್‌ವಕಾಪಕ, ಅದ್ಂಗಾಯಿತ್ ಯೇಸು ಮೊರಟತ್.

ಅಪೊಸ್ತಲ 20:19

ನಾನ್ ದುಂಬ ತಾಳ್ಮೆಲ್, ದುಂಬ ಕನಿಕರತ್‌ಲ್ ಒಡೆಯಂಗಾಯಿತ್ ಸೇವೆ ಮಾಡಿಯೆ. ಇದ್‍ಲ್ಲತೆ ಯೆಹೂದ್ಯಂಗಡ ಮೂಲಕ ನಾಕ್ ಬಂದ ಎಲ್ಲಾ ಮೋಸವಾನ ಯೋಚನೆರ ಬಲ್ಯ ಸೋದನೆ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡ್.

ರೋಮ್ 9:2

ನಾಡ ಹೃದಯತ್‍ಲ್, ನಾನ್ ಬಲ್ಯ ಬೇಜಾರತ್‍ಲ್ ಪಿಂಞ ಎಡಬುಡತೆ ಕಷ್ಟಪಟ್ಟಂಡುಳ್ಳ್‌ಂದ್ ನಾಡ ಮನಸಾಕ್ಷಿಯು ಪವಿತ್ರಾತ್ಮಂಡಲ್ಲಿ ಸಾಕ್ಷಿಯಾಯಿತ್ ಉಂಡ್.

1 ಕೊರಿಂಥ 1:18

ಯೇಸು ಶಿಲುಬೇಲ್ ಚತ್ತತ್‍ೕಂದ್ ಎಣ್ಣುವ ಸುದ್ದಿ, ನಾಶವಾಯಿತ್ ಪೋಯಂಡುಳ್ಳ ಜನಕ್ ಪುಚ್ಚಿ ತಕ್ಕ್‌ರನೆಕೆ ಉಂಡ್, ಆಚೇಂಗಿ ರಕ್ಷಣೆ ಕ್‍ಟ್ಟಿತುಳ್ಳ ನಂಗಕ್ ಆ ಸುದ್ದಿ ದೇವಡ ಶಕ್ತಿಯಾಯಿತುಂಡ್.

1 ಕೊರಿಂಥ 6:9

ಅನೀತಿ ಮಾಡ್‌ವಯಿಂಗ ದೇವಡ ರಾಜ್ಯಕ್ ಬಾದ್ಯತೆ ಉಳ್ಳಯಿಂಗಳಾಯಿತ್ ಇಪ್ಪುಲೇಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ನಿಂಗ ಮೋಸ ಪೋಕತಿ; ಕಳ್ಳ ಸಂಬಂದ ಉಳ್ಳಯಿಂಗ, ವಿಗ್ರಹ ಆರಾದನೆ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವಯಿಂಗ, ವ್ಯಬಿಚಾರ ಮಾಡ್‌ವ ಆಣಾಳ್‌ಂಗ, ಆಣ್-ಆಣ್, ಪೊಣ್ಣಾಳ್-ಪೊಣ್ಣಾಳ್ ವ್ಯಬಿಚಾರ ಮಾಡ್‌ವಯಿಂಗ,

2 ಕೊರಿಂಥ 11:13

ಅನ್ನನೆ ಉಳ್ಳಯಿಂಗ ಕಳ್ಳ ಅಪೊಸ್ತಲಂಗ, ಕಪಟಿಯಾನ ಸೇವಕಂಗ, ಕ್ರಿಸ್ತಂಡ ಅಪೊಸ್ತಲಂಗಡ ವೇಷತ್‍ನ ಇಟ್ಟಂಡುಂಡ್.

2 ಕೊರಿಂಥ 11:29

ಒಬ್ಬ ಬಲ ಇಲ್ಲತಂವೊನಾಚೇಂಗಿ, ನಾನ್ ಸಹ ಬಲ ಇಲ್ಲತಂವೊನಾಯಿತ್ ಪೋಪಿಯಲ್ಲಾ? ಒಬ್ಬ ಬಟ್ಟೆ ತಪ್ಪಿ ಪೋಚೇಂಗಿ, ನಾಡ ಮನಸ್ಸ್ ಕಷ್ಟಪಡತೆ ಇಪ್ಪಕಯ್ಯುವಾ?

2 ಕೊರಿಂಥ 2:4

ಅದಲ್ಲತೆ, ನಿಂಗ ದುಃಖ ಪಡಂಡೂಂದ್ ನಾನ್ ಒಳ್‍ದಿತ್‌ಲ್ಲೆ, ನಿಂಗಡ ಮೇಲೆ ನಾಕ್ ಉಳ್ಳ ಬಲ್ಯ ಪ್ರೀತಿನ ನಿಂಗ ಅರಿಯಂಡೂಂದ್ ನಾನ್ ದುಂಬ ದುಃಖತ್ಂಜಲು, ಹೃದಯತ್‍ರ ನೊಂಬಲತ್ಂಜಲು, ದುಂಬ ಕಣ್ಣೀರಿಂಜಲು ನಿಂಗಕ್ ಒಳ್‍ದಿಯೆ.

ಗಲಾತ್ಯ 1:7

ಆಚೇಂಗಿ ಇದ್‍ನ ಬುಟ್ಟಿತ್ ಬೋರೆ ನಲ್ಲ ಸುದ್ದಿ ಏದ್ ಉಂಡ್? ಚೆನ್ನ ಜನ, ನಿಂಗಡ ಮನಸ್ಸ್‌ನ ಕಲ್‍ಕಿತ್ ಕ್ರಿಸ್ತಂಡ ನಲ್ಲ ಸುದ್ದಿನ ತಿರ್‌ಕ್‍ವಕ್ ಪ್ರಯತ್ನ ಪಟ್ಟಂಡುಳ್ಳದಲ್ಲತೆ ಬೋರೆ ಒಂದು ಮಾಡಿಯಂಡಿಲ್ಲೆ.

ಗಲಾತ್ಯ 2:14

ಅಯಿಂಗ ಇನ್ನನೆ ನಲ್ಲ ಸುದ್ದಿರ ಸತ್ಯಕ್ ಸರಿಯಾನ ರೀತಿಲ್ ಮಾಡತದ್‍ನ ನಾನ್ ಕಾಂಬಕ, ಎಲ್ಲಾಡ ಮಿಂಞತ್ ನಾನ್ ಪೇತ್ರನ ನೋಟಿತ್, ಇನ್ನನೆ ಎಣ್ಣ್‌ನ: ಯೆಹೂದ್ಯನಾಯಿತುಳ್ಳ ನೀನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಕತೆ ಇಂಜಂಡ್, ಯೆಹೂದ್ಯರಲ್ಲತ ಜನ ಯೆಹೂದ್ಯ ಪದ್ದತಿರನೆಕೆ ನಡ್‍ಕಂಡೂಂದ್ ಎನ್ನನೆ ಒತ್ತಾಯ ಮಾಡ್‌ವಕ್ ಕಯ್ಯು?

ಗಲಾತ್ಯ 2:21

ನಾನ್ ದೇವಡ ಕೃಪೇನ ಮುಂಡತೆ ಪಾಳ್ ಮಾಡಿಯಂಡಿಪಂವೊ ಅಲ್ಲ; ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪದಿಂಜ ನಂಗ ನೀತಿವಂತಯಿಂಗಳಾಪದಾಚೇಂಗಿ, ಕ್ರಿಸ್ತ ಚತ್ತಾಂಗ್ ಅರ್ಥ ಇಲ್ಲೆ.

ಗಲಾತ್ಯ 5:21

ಪೊರಾಮೆ, ಕುಡಿ, ಕೂಟ್‌ಕಳಿ ಪಿಂಞ ಬೋರೆ ಬೋರೆ ಕೆಟ್ಟ ಕಾರ್ಯ. ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ. ಈ ತರ ಮಾಡ್‌ವಯಿಂಗಕ್, ದೇವ ಅಂವೊಂಡ ಮಕ್ಕಕ್ ಕೊಡ್‍ಪಾಂದ್ ಎಣ್ಣ್‌ನ ದೇವಡ ರಾಜ್ಯತ್‍ನ ಕೊಡ್‍ಪ್‍ಲೆ.

ಗಲಾತ್ಯ 6:12

ಅಯಿಂಗಡ ವಿಷಯತ್ ಎಲ್ಲಾರು ಚಾಯಿ ಎಣ್ಣಂಡೂಂದ್ ಗೇನಮಾಡ್‌ವಯಿಂಗಳೇ ನಿಂಗಳ ಸುನ್ನತಿ ಮಾಡಂಡೂಂದ್ ಒತ್ತಾಯ ಮಾಡ್‌ವ. ಅಯಿಂಗ ಕ್ರಿಸ್ತಂಡ ಶಿಲುಬೇರಗುಂಡ್ ಬಪ್ಪ ಕಷ್ಟತ್ಂಜ ತಪ್ಪ್‌ಚಿಡುವಕಾಯಿತ್ ಅನ್ನನೆ ಮಾಡ್‌ವ.

ಗಲಾತ್ಯ 6:14

ಆಚೇಂಗಿ, ನಾಕ್ ಕ್ರಿಸ್ತಂಡ ಶಿಲುಬೇರ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುವದ್ ಬೋಂಡ; ಈ ಲೋಕ ಅಂವೊನಗುಂಡ್ ನಾಕಾಯಿತ್ ಶಿಲುಬೇಲ್ ಉಂಡ್, ನಾನ್ ಸಹ ಈ ಲೋಕತ್‍ರ ಆಸೆಕೆಲ್ಲಾ ನನ್ನ ಶಿಲುಬೇಕ್ ಇಟ್ಟಿಯೆ.

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

ಫಿಲಿಪ್ಪಿ 1:4

ನಾನ್ ಅನ್ನನೆ ಎಕ್ಕಾಲು ನಿಂಗಕಾಯಿತ್ ಬೋಡ್‌ವಕ ನಾನ್ ಅಚ್ಚಕ್ ಕುಶೀಲ್ ನಿಂಗ ಎಲ್ಲಾರ್‍ಕಾಯಿತ್ ಪ್ರಾರ್ಥನೆ ಮಾಡಿಯಂಡುಳ್ಳ.

1 ಥೆಸಲೊನೀಕ 4:6

ಈ ವಿಷಯತ್‍ಲ್ ಯೇಸುನ ನಂಬ್‍ನ ನಿಂಗಡ ಅಣ್ಣತಮ್ಮಣಂಗಳ ವಂಚನೆ ಮಾಡ್‌ವಕ್ಕಾಗ; ಮಿಂಞಲೇ ನಂಗ ನಿಂಗಕ್ ಎಣ್ಣಿತ್ ಸಾಕ್ಷಿಯಾಯಿತ್ ಎಚ್ಚರ ಮಾಡ್‍ನನೆಕೆ, ಇನ್ನನೆ ಮಾಡ್‌ವಯಿಂಗಕ್ ದೇವ ಕಂಡಿತವಾಯಿತ್ ಶಿಕ್ಷೆ ತಪ್ಪ.

2 ಥೆಸಲೊನೀಕ 3:11

ನಿಂಗಡಲ್ಲಿ, ಯೇಸುನ ನಂಬ್‍ನ ಚೆನ್ನ ಜನ, ಒರ್ ಕೆಲಸವು ಮಾಡತೆ, ಕಾಲ ಕಳಂದಂಡ್, ಬೋರೆಯಿಂಗಡ ಕೆಲಸತ್‍ಲ್ ನುಗ್ಗಿಯಂಡ್ ಉಂಡ್‍ೕಂದ್ ನಂಗಡ ಕೆಮಿಕ್ ಸುದ್ದಿ ಬಾತ್.

2 ಪೇತ್ರ 2:10

ಎಲ್ಲಾಕಿಂಜ, ಅಯಿಂಗಡ ಸ್ವಂತ ಮೋಸವಾನ ಲೈಂಗಿಕ ಪಾಪತ್‍ರ ಗುಣತ್‍ರ ಆಸೆರನೆಕೆ ಬದ್‍ಕ್‍ವಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡ್, ಒಡೆಯಂಡ ಅದಿಕಾರತ್‍ನ ಅಲ್ಲಗೆಳೆಯುವಯಿಂಗಕ್ ಕಂಡಿತವಾಯಿತ್ ಇನ್ನನೆ ಮಾಡ್‌ವ. ಈಂಗ, ದಾರ್ ಎಣ್ಣ್‌ಚೇಂಗಿಯು ತಗ್ಗಿತ್‌ ನಡ್‌ಕತಯಿಂಗಳು, ಆಂಗಾರಿಯಳು, ದೇವಡ ಸನ್ನಿದಾನತ್‍ಲ್ ಪರಲೋಕತ್‍ಲ್ ಮಹಿಮೆ ಪಡ್ಂದಯಿಂಗಳ ದೂಷಣೆ ಮಾಡ್‌ವಕ್ ಪೋಡಿಯಿಲ್ಲತಯಿಂಗಳು ಆಯಿತುಂಡ್.

ಯೂದ ಒಳ್‍ದ್‍ನ ಕಾಗದ 1:13

ಞಾಣ ಆಪನೆಕೆ ಕೆಟ್ಟ ಕಾರ್ಯ ಮಾಡ್‌ವ ಅಯಿಂಗ, ಕಡಲ್‍ರ ಅಲೆ, ಆಲೆ ಈಲೆ ಪೋಯಿತ್ ನೊರೆನ ತಳ್ಳ್‌ವನೆಕೆ ಪಿಂಞ ಎಲ್ಲಿ ಪೋಕಂಡೂಂದ್ ಗೊತ್ತಿಲ್ಲತೆ ಬಟ್ಟೆ ತಪ್ಪಿ ಪೋಯಂಡುಳ್ಳ ನಕ್ಷತ್ರನೆಕೆ ಉಂಡ್. ಈಂಗಕಾಯಿತ್ ಸದಾ ಇರ್‌ಟೇ ನಿತ್ಯವಾಯಿತ್ ಬೆಚ್ಚಿತುಂಡ್.