ಫಿಲಿಪ್ಪಿ 3:11 - ಕೊಡವ ಬೈಬಲ್

¹¹ ಇನ್ನನೆ ಆಚೇಂಗಿ, ನಾನ್ ಚತ್ತ್ ಪೋಚೇಂಗಿಯು ಅಂವೊಂಡ ಕೂಡೆ ಬದ್‍ಕ್‍ವಕಾಯಿತ್ ನನ್ನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಡುವ.

ಫಿಲಿಪ್ಪಿ 3:11 Cross References

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:14

ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ನಿನ್ನ ಕಾಕಿತ್ ನೀಕ್ ಬದ್‍ಲ್ ತಪ್ಪಕಯ್ಯುಲೆ. ಅಕ್ಕ ನಿನ್ನ ದೇವ ಆಶೀರ್ವಾದ ಮಾಡ್‌ವ ಪಿಂಞ ನೀತಿವಂತಯಿಂಗ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪ ಕಾಲತ್‍ಲ್ ನೀಕ್ ಬದ್‍ಲ್ ಕ್‍ಟ್ಟ್‌ವ.

ಯೋಹಾನ 11:24

ಅದ್ಂಗ್ ಮಾರ್ಥ: ಕಡೆ ದಿವಸತ್‍ಲ್ ಎಲ್ಲಾರು ಜೀವತ್‍ಲ್ ಎದ್ದಿತ್ ಬಪ್ಪಕ ಇಂವೊನು ಎದ್ದಿತ್ ಬಪ್ಪಾಂದ್ ನಾಕ್ ಗೊತ್ತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 23:6

ಪೌಲ ಅಲ್ಲಿ ಕೂಡಿ ಬಂದಿತ್ಂಜ ಯೆಹೂದ್ಯಂಗಡ ಆಲೋಚನೆ ಸಬೇನ ನೋಟ್‍ವಕ, ಅಲ್ಲಿ ಇಂಜಯಿಂಗ ಚೆನ್ನ ಜನ ಸದ್ದುಕಾಯಂಗಳು, ಇಂಞು ಚೆನ್ನ ಜನ ಫರಿಸಾಯಂಗಳು ಆಯಿತ್ ಉಳ್ಳದ್ ಗೊತ್ತಾಚಿ; ಅಕ್ಕ ಅಂವೊ, ಅಣ್ಣತಮ್ಮಣಂಗಳೇ, ನಾನ್ ಫರಿಸಾಯಂಗಡ ನಂಬಿಕೇಕ್ ಕೂಡ್‍ನಂವೊನು, ಫರಿಸಾಯಂಡ ಮೋಂವೊನು ಆಯಿತುಳ್ಳ. ಚತ್ತಯಿಂಗ ಎಲ್ಲಾರು ಜೀವವಾಯಿತ್ ಎದ್ದಿತ್ ಬಪ್ಪಾಂದ್ ಉಳ್ಳ ನಾಡ ನಿರಿಕ್ಷೇರ ಕಾರಣವಾಯಿತೇ ನನ್ನ ವಿಚಾರಣೆ ಮಾಡಿಯಂಡುಂಡ್‍ೕಂದ್ ಸಬೇಲ್ ಕೂತ್ ಕೊಡ್‍ತತ್.

ಅಪೊಸ್ತಲ 26:7

ಇಂಞು ಎಣ್ಣಂಡು ಎಣ್ಣ್‌ಚೇಂಗಿ, ಆ ವಾಗ್ದಾನ ನೆರವೇರ್‌ವಾಂದ್ ನಿರಿಕ್ಷೇಲ್ ನಂಬಿಯಂಡುಳ್ಳ ಕಾರಣಕಾಯಿತ್ ನಂಗಡ ಪನ್ನೆರಂಡ್ ಕುಲತ್‍ರ ಜನವು, ಬಯಿಟ್ ಪೋಲ್ ನೇರಾಯಿತು ಆರಾದನೆ ಮಾಡಿಯಂಡುಂಡ್. ಅಗ್ರಿಪ್ಪ ರಾಜಾನೇ, ಈ ನಿರಿಕ್ಷೇರ ನಂಬಿಕೆಕಾಯಿತೇ ಯೆಹೂದ್ಯಂಗ ನಾಡ ಮೇಲೆ ಕುತ್ತ ಎಣ್ಣಿತುಂಡ್.

ಅಪೊಸ್ತಲ 27:12

ಆ ಹಡಗ್ ನಿಪ್ಪ್‌ಚಿಡುವ ಸ್ತಾನ, ಕುಳ್‌ರ್ ಕಾಲತ್‍ಲ್ ಒಳಿಯುವಕ್ ಅನುಕೂಲವಾಯಿತ್ ಇಲ್ಲತೆಗುಂಡ್, ಆ ಜಾಗತ್‍ನ ಬುಟ್ಟಿತ್, ಅಲ್ಲಿಂಜ ಫೊಯಿನಿಕೆ ಎಣ್ಣುವ ಜಾಗಕ್ ಪೋಪಕ್ ಕಯ್ಯುವೇಂಗಿ ಅಲ್ಲಿಕ್ ಎತ್ತಿತ್ ಅಲ್ಲಿ ಒಳಿಯಂಡೂಂದ್ ದುಂಬ ಜನ ಎಣ್ಣ್‌ನಗುಂಡ್ ಅನ್ನನೆ ತೀರ್ಮಾನ ಮಾಡ್‍ಚಿ. ಆ ಜಾಗ ತೆಕ್ಕ್-ಪಡ್‍ಞಾರ್ ದಿಕ್ಕ್ ಪಿಂಞ ಬಡಕ್-ಪಡ್‍ಞಾರ್ ದಿಕ್ಕ್‌ನ ನೋಟಿತ್ ಇಂಜ ಕ್ರೇತ ದ್ವೀಪತ್‍ರ ಒರ್ ಹಡಗ್ ಸ್ತಾನವಾಯಿತ್ಂಜತ್.

ರೋಮ್ 11:14

ಅನ್ನನೆ ಆಚೇಂಗಿಯು, ನಾಡ ಜನವಾಯಿತುಳ್ಳ ಯೆಹೂದ್ಯಂಗಕ್ ಒಟ್ಟೆಕಿಚ್ಚ್ ಬಪ್ಪನೆಕೆ ಮಾಡಿತ್, ಚೆನ್ನ ಜನಕ್ ರಕ್ಷಣೆ ಕ್‍ಟ್ಟ್‌ವನೆಕೆ ಆಡ್.

1 ಕೊರಿಂಥ 15:23

ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪದ್, ಕ್ರಮವಾಯಿತ್ ಆಪ, ನಂಗೆಲ್ಲಾ ಅಯಿಂಗಯಿಂಗಡ ಕ್ರಮತ್‍ಲ್ ಒಬ್ಬಂಗ್ ಬಯ್ಯ ಒಬ್ಬನಾಯಿತ್ ಏವ, ಈ ವಿಷಯತ್‍ಲ್ ದೇವ, ಕ್ರಿಸ್ತನ ಆದ್ಯವಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಅನ್ನನೆ ಕ್ರಿಸ್ತ ಪುನಃ ಬಪ್ಪಕ, ದೇವ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತ್ ಪೋನಯಿಂಗಳ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಡುವ.

1 ಕೊರಿಂಥ 9:22

ದೇವಡ ನಂಬಿಕೇಲ್ ಬಲಹೀನಯಿಂಗಳಾಯಿತ್ ಉಳ್ಳಯಿಂಗ, ದೇವಡ ಮೇಲೆ ನಂಬಿಕೆ ಇಡ್‌ವಕಾಯಿತ್, ಒರ್ ತಡೆಯು ಮಾಡತಂವೊನಾಯಿತ್ ಆನ. ಎನ್ನನೆ ಆಚೇಂಗಿಯು, ಚೆನ್ನ ಜನಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ನಾನ್ ಎಂತೆಲ್ಲಾ ಆಪಕ್ ಕಯ್ಯುವೋ ಅನ್ನನೆಲ್ಲಾ ಆನ.

1 ಕೊರಿಂಥ 9:27

ಬೋರೆಯಿಂಗಕ್ ಬೋದನೆ ಮಾಡ್‌ವ ನನ್ನ, ದೇವ ಅರ್ಹದೆ ಇಲ್ಲೇಂದ್ ಮಾಡತನೆಕೆ, ಒರ್ ಕಳಿಕಾರಂಡನೆಕೆ ನಾನ್ ನಾಡ ತಡೀನ ಶಿಸ್ತ್‌ಲ್ ಅಬ್ಯಾಸ ಮಾಡಿಯಂಡುಂಡ್.

2 ಕೊರಿಂಥ 11:3

ಆಚೇಂಗಿ, ಆದ್ಯ ಪೊಣ್ಣಾಳಾನ ಹವ್ವಳ, ಪಾಂಬ್ ತಾಂಡ ತಂತ್ರತ್‍ನಗುಂಡ್ ಮೋಸ ಮಾಡ್‍ನನೆಕೆ, ಕ್ರಿಸ್ತಂಡ ಸತ್ಯತ್‍ನ ಬುಟ್ಟಿತ್ ಬಟ್ಟೆ ತಪ್ಪಿ ಪೋಪನೆಕೆ ನಿಂಗಡ ಮನಸ್ಸ್ ಸಹ ಆಯಿ ಪೋಪಾಂದ್ ನಾಕ್ ಪೋಡಿ ಆಯಂಡುಂಡ್.

1 ಥೆಸಲೊನೀಕ 3:5

ಆನಗುಂಡ್, ನಿಂಗಡ ವಿಷಯತ್ ನಾಕ್ ಪಾರಕಾತಂಡ್ ಇಪ್ಪಕ್ ಕಯ್ಯತೆ, ಯೇಸುರ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಎನ್ನನೆ ಉಂಡ್‍ೕಂದ್ ಗೊತ್ತಾಪಕಾಯಿತ್ ಅಂವೊನ ನಿಂಗಡ ಪಕ್ಕ ಅಯಿಚಿಯೆ. ನಂಗಳ ಸೋದನೆ ಮಾಡ್‌ವ ಸೈತಾನ ನಿಂಗಳ ಸೋದನೆ ಮಾಡಿತ್, ನಂಗ ಇಲ್ಲಿಕತ್ತನೆ ನಿಂಗಡಲ್ಲಿ ಮಾಡ್‍ನ ದೇವಡ ಸೇವೇಕ್ ಒರ್ ಪ್ರಯೋಜನವು ಇಲ್ಲತ ಪೋಯಿರುವಾಂದ್ ನಾಕ್ ಪೋಡಿ ಆಚಿ.

2 ಥೆಸಲೊನೀಕ 2:3

ಈ ವಿಷಯತ್‍ಲ್ ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್‍ಲ್ ಇರಂಡು; ಎನ್ನಂಗೆಣ್ಣ್‌ಚೇಂಗಿ, ದೇವಕ್ ವಿರೋದ ಮಾಡಿತ್ ಜನ ದಂಗೆ ಮಾಡಿತ್, ಪಾಳಾಯಿ ಪೋಪಕಾಯಿತ್ ಪುಟ್ಟ್‌ನ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕತ್ತನೆ, ಆ ದಿವಸ ಬಪ್ಪುಲೆ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

ಇಬ್ರಿಯ 11:35

ಚತ್ತ್ ಪೋನಯಿಂಗಳ, ಪೊಣ್ಣಾಳುವ ಪುನಃ ಜೀವತ್‍ಲ್ ಪಡ್ಂದತ್; ಬೋರೆ ಚೆನ್ನ ಜನ ಬಲ್ಯ ವಿಶೇಷವಾಯಿತುಳ್ಳ ಜೀವತ್‍ನ ಪಡೆಯುವಕಾಯಿತ್ ಬುಡುಗಡೆ ಆಪಕ್ ಒತ್ತತೆ, ಹಿಂಸೆನೆ ಸಹಿಸಿಯಂಡತ್.

ಪ್ರಕಟನೆ 20:5

ಬಾಕಿ ಚತ್ತಯಿಂಗ ಆಯಿರ ಕಾಲಕತ್ತನೆ ಜೀವವಾಯಿತ್ ಎದ್ದಿತ್‌ಲ್ಲೆ. ಇದೇ ಆದ್ಯವಾಯಿತ್ ಜೀವತ್‍ಲ್ ಬಪ್ಪದ್.