ಫಿಲಿಪ್ಪಿ 3:10 - ಕೊಡವ ಬೈಬಲ್

¹⁰ ನಾಡ ಬಲ್ಯ ಆಸೆ ಎಂತ ಎಣ್ಣ್‌ಚೇಂಗಿ ಕ್ರಿಸ್ತನ ಇಂಞು ಚಾಯಿ ನಾಕ್ ಗೊತ್ತಾಂಡು. ಅಂವೊ ಚಾವ್‍ಯಿಂಜ ಜೀವತ್‍ಲ್ ಪುನಃ ಬಪ್ಪಕ್ ಮಾಡ್‍ನ ಆ ಜೀವತ್‍ರ ಶಕ್ತಿನ ನಾನ್ ಎಕ್ಕಾಲು ನಾಡ ಬದ್‍ಕ್‍ಲ್ ಅನುಬವಿಚಿಟ್ಟಿತ್, ಕ್ರಿಸ್ತ, ದೇವಡ ಚಿತ್ತ ಮಾಡ್‌ವಕ್ ಎಚ್ಚಕ್ ನೊಂಬಲತ್‍ನ ಎಡ್‍ತತೋ, ಅದೇ ತರ ನಾನ್ ಸಹ ನೊಂಬಲತ್‍ನ ಎಡ್‌ಕಂಡು, ಅಂವೊ ಕಷ್ಟಪಟ್ಟಿತ್ ಚತ್ತನೆಕೆ ನಾನ್ ಸಹ ಕಷ್ಟಪಟ್ಟಿತ್ ಚಾವಂಡು.

ಫಿಲಿಪ್ಪಿ 3:10 Cross References

ಮತ್ತಾಯ 20:23

ಅಯಿಂಗಕ್ ಯೇಸು: ನಿಂಗ ನೇರಾಯಿತು ನಾನ್ ಕುಡಿಪ ಕಷ್ಟತ್‍ರ ಪಾತ್ರತ್‍ನ ಕುಡಿಪಿರ. ಆಚೇಂಗಿ ನಾಡ ಬಲ್‌ತೆ ಬರಿಲ್ ಪಿಂಞ ಎಡ್‍ತೆ ಬರಿಲ್ ದಾರ್ ಅಳ್‍ಕಂಡೂಂದ್ ಎಣ್ಣ್‌ವಕ್ ನಾಕ್ ಅದಿಕಾರ ಇಲ್ಲೆ. ಆ ಜಾಗತ್‍ನ ದಾರ್‌ಕ್ ನಾಡ ಅಪ್ಪ ಆಯ್ಕೆ ಮಾಡಿತುಂಡೋ ಅಯಿಂಗಕಾಯಿತ್ ಬೆಚ್ಚಿತುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 10:18

ನಾಡ ಜೀವತ್‍ನ ನನ್ನಿಂಜ ದಾರೂ ಎಡ್‌ತೊಲೆ; ನಾಕ್ ಮಾತ್ರ ನಾಡ ಜೀವತ್‍ನ ಕೊಡ್‍ಪಕ್ ಅದಿಕಾರ ಉಂಡ್, ಅದ್‍ನ ಬಯ್ಯಕ್ ಎಡ್‍ಪಕು ನಾಕ್ ಎಲ್ಲಾ ಅದಿಕಾರವು ಉಂಡ್. ಈ ಆಜ್ಞೆ ನಾಕ್ ನಾಡ ಅಪ್ಪಂಡಿಂಜ ಕ್‍ಟ್ಟ್‌ಚಿ.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ರೋಮ್ 8:17

ಇಕ್ಕ, ನಂಗ ಮಕ್ಕಾಳಾಯಿತ್ಂಜತೇಂಗಿ ಬಾದ್ಯೆತೆಕಾರಂಗಳಾಯಿತ್ ಉಂಡ್, ದೇವಡ ಹಕ್ಕ್‌ದಾರಂಗಳು, ಕ್ರಿಸ್ತಂಡ ಕೂಡೆ ಹಕ್ಕ್‌ದಾರಂಗಳಾಯಿತುಂಡ್, ಕ್ರಿಸ್ತಂಡ ಕೂಡೆ ಕಷ್ಟಪಟ್ಟತೇಂಗಿ, ಅಂವೊಂಡ ಕೂಡೆ ನಂಗಳು ಸಹ ಮಹಿಮೆನ ಪಡೆಯುವ.

ರೋಮ್ 8:29

ದೇವ ತಾಂಡ ದುಂಬ ಮಕ್ಕಡಲ್ಲಿ ತಾಂಡ ಮೋಂವೊ ಆದ್ಯಂವೊನಾಯಿತಿಪ್ಪಕಾಯಿತ್, ದೇವ ದಾರ್‌ನ ಮಿಂಞಲೇ ಗೊತ್ತ್ ಮಾಡ್‍ಚೋ, ಅಯಿಂಗಳ ತಾಂಡ ಮೋಂವೊಂಡ ರೂಪತ್‍ರನೆಕೆ ಇಪ್ಪಕಾಯಿತ್ ಮಿಂಞಲೇ ತೀರ್ಮಾನ ಮಾಡ್‍ಚಿ.

ರೋಮ್ 8:36

ಒಳ್‍ದಿತುಳ್ಳನೆಕೆ, ನೀಡಗುಂಡ್ ಜನ ನಂಗಳ ಕೊಲ್ಲುವಕ್ ಎಕ್ಕಾಲು ಬಂದಂಡುಂಡ್; ಕೊಲ್ಲುವಕ್ ಕಾಕಿಯಂಡ್ ಪೋಪ ಆಡ್‍ರನೆಕೆ ನಂಗಳ ನೋಟಿಯಂಡುಂಡ್‍ೕಂದ್ ಆಚಿ.

2 ಕೊರಿಂಥ 1:10

ಅಂಥಾ ಒರ್ ಚಾವ್‍ಯಿಂಜ ಅಂವೊ ನಂಗಳ ಕಾಪಾಡ್‍ಚಿ. ಇಕ್ಕಲು ನಂಗಳ ಕಾಪಾಡಿಯಂಡುಂಡ್, ಇಂಞು ಮಿಂಞಕು ಅಂವೊ ನಂಗಳ ಕಾಪಾಡ್‌ವಾಂದ್ ಅಂವೊಂಡ ಮೇಲೆ ನಿರೀಕ್ಷೆ ಬಿಚ್ಚಿತುಂಡ್.

2 ಕೊರಿಂಥ 1:5

ಅದ್ ಎನ್ನನೆ ಎಣ್ಣ್‌ಚೇಂಗಿ, ಕ್ರಿಸ್ತಂಡ ಕಷ್ಟ ನಂಗಡಲ್ಲಿ ಎನ್ನನೆ ಜಾಸ್ತಿ ಆಯಂಡುಂಡೊ ಅನ್ನನೆ ಕ್ರಿಸ್ತನಗುಂಡ್ ನಂಗಕ್ ಸುಕವೂ ಜಾಸ್ತಿ ಆಯಂಡುಂಡ್.

2 ಕೊರಿಂಥ 13:4

ಅಂವೊನ ಬಲ ಇಲ್ಲತಂವೊನಾಯಿತ್ ಶಿಲುಬೇಲ್ ಇಟ್ಟತೇಂಗಿಯು, ದೇವಡ ಶಕ್ತಿರಗುಂಡ್ ಬದ್‍ಕಿಯಂಡುಂಡ್; ಅನ್ನನೆ ನಂಗಳು ಅಂವೊಂಡಲ್ಲಿ ಬಲ ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ನಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವಡ ಶಕ್ತಿರಗುಂಡ್ ಅಂವೊಂಡಲ್ಲಿ ನಂಗ ಬದ್‍ಕಿಯಂಡಿಪ್ಪ.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಗಲಾತ್ಯ 6:17

ಕಡೇಕ್ ಇನ್ನನೆ ಎಣ್ಣ್‌ವಿ: ಇಂಞು ಮಿಂಞಕ್ ನಾಕ್ ದಾರೂ ತೊಂದರೆ ತರಂಡ, ಎನ್ನಂಗೆಣ್ಣ್‌ಚೇಂಗಿ ನಾಡ ಮೇಲ್‌ಲ್ ಉಳ್ಳ ಗಾಯ ನಾನ್ ಯೇಸುರ ಆಳ್‍ೕಂದ್ ಕಾಟ್‍ವ.

ಎಫೆಸ 4:13

ಅಕ್ಕ, ನಂಗ ಎಲ್ಲಾರು ದೇವಡ ಮೋಂವೊಂಡ ಮೇಲೆ ಇಟ್ಟಿತುಳ್ಳ ನಂಬಿಕೇಲ್ ಪಿಂಞ ಬುದ್ದಿಲ್ ಒಂದಾಯಿತ್, ಕ್ರಿಸ್ತಂಡ ಪೂರ್ತಿ ಅಳ್‌ತೆಕ್ ಬೊಳ್ಂದಿತ್ ಪೂರ್ತಿ ಮನುಷ್ಯಂಗಳಾಯಿತ್ ಬೊಳಿವಕಯ್ಯು.

ಫಿಲಿಪ್ಪಿ 3:8

ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

ಕೊಲೊಸ್ಸೆ 1:24

ಇಕ್ಕ ನಿಂಗಡಗುಂಡ್ ನಾನ್ ಅನುಬವಿಚಿಟ್ಟಂಡುಳ್ಳ ಕಷ್ಟತ್‍ಲ್ ಕುಶಿಪಟ್ಟಿತ್, ಕ್ರಿಸ್ತಂಡ ಕಷ್ಟತ್‍ಲ್ ಇಂಞು ಮಾಡ್‌ವಕುಳ್ಳದ್‍ನ ಅಂವೊಂಡ ತಡಿಯಾನ ಸಬೇಕಾಯಿತ್ ನಾಡ ತಡೀಲ್ ಪೂರ್ತಿ ಮಾಡಿಯಂಡುಳ್ಳ.

ಕೊಲೊಸ್ಸೆ 2:13

ನಿಂಗ, ನಿಂಗಡ ಪಾಪತ್‍ರಗುಂಡ್ ಪಿಂಞ ನಿಂಗಡ ಪಾಪತ್‍ರ ಗುಣ ನಿಂಗಳ ಬುಟ್ಟಿತ್ ಪೋಕತಗುಂಡ್ ಆತ್ಮೀಯ ಸುನ್ನತಿ ಮಾಡತಯಿಂಗಳಾಯಿತ್ ಚತ್ತ್ ಪೋಯಿತ್ಂಜಿರ. ಆಚೇಂಗಿ, ಕ್ರಿಸ್ತಂಡ ಕೂಡೆ ದೇವ ನಿಂಗಳ ಎಪ್ಪಿತ್ ಬದ್‍ಕ್‍ವಕ್ ಮಾಡಿತ್, ನಿಂಗಡ ಎಲ್ಲಾ ಪಾಪತ್‍ನ ಮನ್ನಿಚಿಟ್ಟಿತ್,

ಕೊಲೊಸ್ಸೆ 3:1

ಆನಗುಂಡ್, ಕ್ರಿಸ್ತಂಡ ಕೂಡೆ ಆತ್ಮೀಯವಾಯಿತ್ ಜೀವತ್‍ಲ್ ಎದ್ದಿತ್ ಉಂಡೇಂಗಿ, ಕ್ರಿಸ್ತ, ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಜಾಗತ್‍ಲ್ ಉಳ್ಳ ಪರಲೋಕತ್‍ರ ವಿಷಯತ್‍ನ ತ್‍ೕಡಂಡು.

1 ಪೇತ್ರ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾನ ದೇವಕ್ ತುದಿ ಆಡ್. ಯೇಸು ಕ್ರಿಸ್ತ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎದ್ದಿತ್ ಬಂದಗುಂಡ್, ಅಂವೊಂಡ ಬಲ್ಯ ಕನಿಕರತ್‍ರನೆಕೆ ನಂಗಕ್ ಪುನಃ ಜೀವ ಕೊಡ್‌ತಿತ್, ಜೀವವಾಯಿತುಳ್ಳ ನಿರಿಕ್ಷೇನ ತಂದಿಯತ್.

2 ಪೇತ್ರ 1:13

ನಂಗಡ ಒಡೆಯನಾನ ಯೇಸು ಕ್ರಿಸ್ತ ನಾಕ್ ಕಾಂಬ್‌ಚಿಟ್ಟನೆಕೆ, ನಾನ್ ಬೆರಿಯ ಈ ತಡಿಯಿಂಜ ಪೋಪದ್ ಗೊತ್ತಾನಗುಂಡ್, ನಾನ್ ಈ ತಡೀಲ್ ಬದ್‍ಕಿಯಂಡ್ ಇಪ್ಪಕತ್ತನೆ ನಿಂಗಡ ಗೇನಕ್ ಇದ್‍ನೆಲ್ಲಾ ಎಣ್ಣಿಯಂಡ್ ಇಪ್ಪದ್ ಸರಿಯಾಯಿತ್ ಉಂಡ್‍ೕಂದ್ ಗೇನ ಮಾಡ್‌ವಿ.

1 ಯೋಹಾನ 2:3

ದೇವಡ ಆಜ್ಞೆನ ಮೀರತೆ ನಡ್ಂದತೇಂಗಿ, ಅಂವೊನ ನಂಗಕ್ ಗುತ್ತುಂಡ್‍ೕಂದ್ ದೃಡವಾಯಿತ್ ನಂಗಕ್ ಗೊತ್ತಾಪ.

1 ಯೋಹಾನ 2:5

ಆಚೇಂಗಿ ದಾರ್ ಅಂವೊಂಡ ತಕ್ಕ್‌ನ ಮೀರತೆ ನಡ್‍ಪ, ನೇರಾಯಿತ್ ಅಂವೊಂಡಲ್ಲಿ ದೇವಡ ಪ್ರೀತಿ ಪೂರ್ತಿಯಾಯಿತ್‌ಪ್ಪ. ಅನ್ನನೆ ಮಾಡ್‍ಚೇಂಗಿ ಮಾತ್ರ ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಗೊತ್ತಾಪ.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.