ಫಿಲಿಪ್ಪಿ 2:7 - ಕೊಡವ ಬೈಬಲ್

⁷ ಆಂಡ ಬದ್‍ಲ್ ಅಂವೊ ಅಂವೊಂಡ ದೇವಡ ಪದವಿನ ಬುಟ್ಟಿತ್, ಒರ್ ಅಡಿಯಾಳ್‍ರ ರೂಪತ್‌ಲ್, ಮನುಷ್ಯನಾಯಿತ್ ಈ ಲೋಕತ್‍ಲ್ ಪುಟ್ಟ್‌ಚಿ. ಅನ್ನನೆ ಅಂವೊ ಮನುಷ್ಯಂಡ ರೂಪತ್‌ಲ್ ಬಪ್ಪಕ

ಫಿಲಿಪ್ಪಿ 2:7 Cross References

ಮತ್ತಾಯ 12:18

ಇದಾ, ಇಂವೊ ನಾನ್ ಗೊತ್ತ್ ಮಾಡ್‍ನ ನಾಡ ಸೇವಕ, ನಾಡ ಆತ್ಮತ್‌ನ ಕುಶಿಪಡ್‌ತ್‌ವ ನಾಡ ಕೊದಿರಂವೊ; ನಾಡ ಆತ್ಮತ್‌ನ ಅಂವೊಂಡ ಮೇಲೆ ಅಳ್‌ಪಕ್ ಮಾಡ್‌ವಿ, ಅಂವೊ ನಾಡ ನ್ಯಾಯತ್‍ನ ಎಲ್ಲಾ ಜನಕ್ ಅರಿಚಿಡುವ.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಮಾರ್ಕ 9:12

ಅಕ್ಕು, ಎಲ್ಲಾನೂ ಸರಿಕೂಟ್‌ವಕಾಯಿತ್ ಎಲೀಯ ಮಿಂಞ ಬಪ್ಪ. ಆಚೇಂಗಿ ಮನುಷ್ಯಕುಮಾರ ದುಂಬ ಕಷ್ಟಪಟ್ಟಿತ್, ಎಲ್ಲಾಡಗುಂಡ್ ತ್‍ಕ್ಕಾರ ಆಪಾಂದ್ ಒಳ್‌ದಿತುಂಡಲ್ಲಾ! ಅದ್ ಎನ್ನನೇಂದ್ ಯೇಸು ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:27

ದಾರ್ ಬಲ್ಯಂವೊ? ಉಂಬಕ್ ಅಳ್‍ಪಂವೊನಾ ಅಥವ ಸೇವ ಮಾಡ್‍ವಂವೊನಾ? ಉಂಬಕ್ ಅಳ್‍ಪಂವೊ ತಾನೆ! ಅನ್ನನೆ ಇಂಜಿತು ನಾನ್ ನಿಂಗಡ ಮದ್ಯತ್‍ಲ್ ಪಣಿಕಾರನಾಯಿತ್ ಉಂಡಲ್ಲ!

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ರೋಮ್ 1:3

ಅದ್ ದೇವಡ ಮೋಂವೊನಾನ ಯೇಸುರ ನಲ್ಲ ಸುದ್ದಿರ ವಿಷಯವೇ. ಅಂವೊ ಮನುಷ್ಯನಾಯಿತ್ ನಂಗಡ ಅಜ್ಜನಾನ ದಾವೀದ ರಾಜಂಡ ಸಂತಾನತ್‍ಲ್ ಪುಟ್ಟ್‌ಚಿ.

ರೋಮ್ 15:3

ಕ್ರಿಸ್ತ ಸಹ ಅಂವೊಂಡ ಕುಶಿಕಾಯಿತ್ ನಡ್‍ಕತೆ, ನಿಂಗಳ ದೂಷಣೆ ಮಾಡ್‌ವಯಿಂಗಡ ದೂಷಣೆ ನಾಡ ಮೇಲೆ ಬುದ್ದತ್‍ೕಂದ್ ಒಳ್‍ದಿತುಳ್ಳನೆಕೆ ಬದ್‍ಕ್‍ಚಿ.

ರೋಮ್ 15:8

ದೇವ ನೇರಾನಂವೋಂದ್ ನಿರೂಬಿಚಿಡ್‍ವಕಾಯಿತ್, ದೇವ ನಂಗಡ ಮುತ್ತಜ್ಜಂಗಕ್ ಮಾಡ್‍ನ ವಾಗ್ದಾನತ್‍ನ ನೆರೆವೇರಿಚಿಡುವನೆಕೆ, ಯೇಸು ಕ್ರಿಸ್ತ ಯೆಹೂದ್ಯಂಗಕ್ ಸೇವಕನಾಯಿತ್ ಬಾತ್‍ೕಂದ್ ನಾನ್ ಎಣ್ಣ್‌ವಿ.

ರೋಮ್ 8:3

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡೊಳ್‌ಲ್ ಉಳ್ಳ ಏದು ಮಾಡ್‌ವಕ್ ಕಯ್ಯತ ಪಾಪತ್‍ರ ಗುಣತ್‍ರಗುಂಡ್, ನ್ಯಾಯಪ್ರಮಾಣಕ್ ಏದು ಮಾಡ್‌ವಕ್ ಕಯ್ಯತ ಪೋಚಿ. ಆನಗುಂಡ್ ನ್ಯಾಯಪ್ರಮಾಣ ಮಾಡ್‌ವಕ್ ಕಯ್ಯತದ್‍ನ, ನಂಗಕ್ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನ ಪಾಪತ್‍ರ ಗುಣ ಉಳ್ಳ ನಂಗಡ ತಡಿರನೆಕೆ ಉಳ್ಳ ಶರೀರತ್‍ಲ್ ಪಿಂಞ ಅಂವೊನ ಪಾಪಕ್ ಯಾಗವಾಯಿತ್ ಅಯಿಚತ್. ಅನ್ನನೆ ಅಂವೊ ಪಾಪತ್‍ನ ತಡೀಲ್ ತೀರ್ಪ್ ಮಾಡ್‍ಚಿ.

2 ಕೊರಿಂಥ 13:4

ಅಂವೊನ ಬಲ ಇಲ್ಲತಂವೊನಾಯಿತ್ ಶಿಲುಬೇಲ್ ಇಟ್ಟತೇಂಗಿಯು, ದೇವಡ ಶಕ್ತಿರಗುಂಡ್ ಬದ್‍ಕಿಯಂಡುಂಡ್; ಅನ್ನನೆ ನಂಗಳು ಅಂವೊಂಡಲ್ಲಿ ಬಲ ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ನಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವಡ ಶಕ್ತಿರಗುಂಡ್ ಅಂವೊಂಡಲ್ಲಿ ನಂಗ ಬದ್‍ಕಿಯಂಡಿಪ್ಪ.

2 ಕೊರಿಂಥ 8:9

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ನಿಂಗಕ್ ಗೊತ್ತುಂಡ್; ಅಂವೊ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು, ಅಂವೊಂಡ ಗರೀಬತನತ್‍ರಗುಂಡ್ ನಿಂಗ ಐಶ್ವರ್ಯವಂತಯಿಂಗಳಾಯಿತ್ ಆಪನೆಕೆ ಅಂವೊ ನಿಂಗಕಾಯಿತ್ ಗರೀಬನಾಚಿ.

ಗಲಾತ್ಯ 4:4

ಆಚೇಂಗಿ ಸರಿಯಾನ ಕಾಲ ಬಪ್ಪಕ, ನ್ಯಾಯಪ್ರಮಾಣಕ್ ಒಳಪಟ್ಟಿತ್ಂಜ ಒರ್ ಪೊಣ್ಣಾಳ್‍ರಗುಂಡ್, ದೇವ ಅಂವೊಂಡ ಮೋಂವೊನ ಈ ಲೋಕಕ್ ಅಯಿಚತ್.

ಫಿಲಿಪ್ಪಿ 2:6

ಅಂವೊ ದೇವನಾಯಿತ್ ಇಂಜತೇಂಗಿಯು, ಅಂವೊ ದೇವಡ ಕೂಡೆ ಸಮವಾಯಿತ್ ಇರಂಡೂಂದ್ ಅದ್‍ನ ಪುಡ್‌ಚಂಡೇ ಇಂಜಿತ್‌ಲ್ಲೆ.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 13:3

ಕ್ರಿಸ್ತಂಗಾಯಿತ್ ಕೈದಿಯಾಯಿತ್ ಇಪ್ಪಯಿಂಗಡ ಕೂಡೆ ನಿಂಗಳು ಕೈದಿಯಾಯಿತ್ ಇಪ್ಪನೆಕೆ ಗೇನ ಮಾಡಿಯೊಳಿ; ಅವಮಾನತ್‍ನ ಸಹಿಸಿಯಂಡ್ ಇಪ್ಪಯಿಂಗಳ ಗೇನ ಮಾಡಿತ್ ನಿಂಗಕು ಅನ್ನನೆ ಆನನೆಕೆ ಗೇನ ಮಾಡಿಯೊಳಿ.

ಇಬ್ರಿಯ 4:15

ನಂಗಡ ಬಲಹೀನತ್‍ರ ವಿಷಯತ್ ನಂಗಕಾಯಿತ್ ಬೇಜಾರ್ ಪಡುವಕ್ ಕಯ್ಯತ ಯಾಜಕ ನಂಗಕ್ ಇಲ್ಲತೆ, ಎಲ್ಲಾ ರೀತಿಲ್ ನಂಗಡನೆಕೆ ಸೋದನೆ ಪಟ್ಟಿತು, ಪಾಪ ಇಲ್ಲತಂವೊನಾಯಿತುಳ್ಳ ಮಹಾ ಯಾಜಕನೇ ನಂಗಕ್ ಉಂಡ್.