5 ಕ್ರಿಸ್ತ ಯೇಸುರಲ್ಲಿ ಇಂಜ ಅದೇ ಮನಸ್ಸ್ ನಿಂಗಡಲ್ಲಿ ಇರಡ್.
ನಾನ್ ಶಾಂತವು, ತಾಳ್ಮೆ ಮನಸ್ಸು ಉಳ್ಳಂವೊ. ನಾಡ ನೊಗತ್‌ನ ನಿಂಗ ಎಡ್‍ತಂಡ್, ನಾನ್ ಎಣ್ಣುವಾನ ಪಡಿಚೋಳಿ; ಅಕ್ಕ ನಿಂಗಡ ಆತ್ಮಕ್ ಆರಾಮ್ ಕ್‍ಟ್ಟುವ.
ದಾರ್ ಬಲ್ಯಂವೊ? ಉಂಬಕ್ ಅಳ್‍ಪಂವೊನಾ ಅಥವ ಸೇವ ಮಾಡ್‍ವಂವೊನಾ? ಉಂಬಕ್ ಅಳ್‍ಪಂವೊ ತಾನೆ! ಅನ್ನನೆ ಇಂಜಿತು ನಾನ್ ನಿಂಗಡ ಮದ್ಯತ್‍ಲ್ ಪಣಿಕಾರನಾಯಿತ್ ಉಂಡಲ್ಲ!
ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.
ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.
ನೀನ್ ಉಂಬ ಆಹಾರತ್ಂಜ ನೀಡ ಅಣ್ಣತಮ್ಮಣಂಗಕ್ ನೊಂಬಲ ಆಪದಾಚೇಂಗಿ, ನೀನ್ ಪ್ರೀತಿಲ್ ನಡ್ಂದಂಡಿಲ್ಲೆ; ಅಂವೊನ ನೀಡ ಆಹಾರತ್‍ರಗುಂಡ್ ಪಾಳ್ ಮಾಡತೆ. ಕ್ರಿಸ್ತ ಅಂವೊಂಗಾಯಿತ್ ಸಹ ಜೀವ ಕೊಡ್‍ತಿತುಂಡಲ್ಲ?
ಕ್ರಿಸ್ತ ಸಹ ಅಂವೊಂಡ ಕುಶಿಕಾಯಿತ್ ನಡ್‍ಕತೆ, ನಿಂಗಳ ದೂಷಣೆ ಮಾಡ್‌ವಯಿಂಗಡ ದೂಷಣೆ ನಾಡ ಮೇಲೆ ಬುದ್ದತ್‍ೕಂದ್ ಒಳ್‍ದಿತುಳ್ಳನೆಕೆ ಬದ್‍ಕ್‍ಚಿ.
ನಂಗಕ್ ಪೊರುಮೆ ಪಿಂಞ ಪುರ್‌ಡ್ ಕೊಡ್‍ಪ ದೇವ, ಕ್ರಿಸ್ತ ಯೇಸುಕ್ ತಗ್ಗಿತ್ ನಡ್ಂದಂಡ್ ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್ ಇಪ್ಪಕ್ ನಿಂಗಕ್ ಸಹಾಯ ಮಾಡಡ್.
ನಿಂಗಳು ಯೆಹೂದ್ಯಂಗಕು, ಯೆಹೂದ್ಯರಲ್ಲತಯಿಂಗಕು ಪಿಂಞ ದೇವಡ ಸಬೇಲ್ ಉಳ್ಳಯಿಂಗ ಎಲ್ಲಾರು ರಕ್ಷಣೆ ಆಪಕ್ ತಡೆ ಮಾಡತಯಿಂಗಳಾಯಿತ್ ಇರಿ.
ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.
ಯೇಸು ಕ್ರಿಸ್ತಂಡ ಸೇವಕನಾನ ಪೌಲ ಪಿಂಞ ತಿಮೊಥೆಯ, ಫಿಲಿಪ್ಪಿ ಪಟ್ಟಣತ್‍ಲ್ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‍ಲ್ ದೇವಡ ಮಕ್ಕಳಾಯಿತುಳ್ಳ ಎಲ್ಲಾ ಜನಕು, ನಿಂಗಡ ಮೇಲೆ ಜವಾಬ್ದಾರಿಯಾಯಿತುಳ್ಳ ಸಬೆರ ಪೆರಿಯಯಿಂಗಕು ಪಿಂಞ ಅಯಿಂಗಕ್ ಸಹಾಯ ಮಾಡ್‌ವ ಪೆರಿಯಯಿಂಗಕು ಒಳ್‍ದ್‍ವ ಕಾಗದ ಇದ್.
ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.
ಇನ್ನನೆ ಇಪ್ಪಕ, ಕ್ರಿಸ್ತ ನಂಗಕಾಯಿತ್ ತಡೀಲ್ ಕಷ್ಟಪಟ್ಟಗುಂಡ್ ನಿಂಗಳು ಸಹ ಆ ತರ ಮನಸ್ಸ್‌ನ ನಿಂಗಡ ಆಯುದವಾಯಿತ್ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಅನ್ನನೆ ತಡೀಲ್ ಕಷ್ಟಪಡ್‌ವಂವೊ, ಪಾಪತ್‍ನ ಬುಟ್ಟಿತ್‌ಪ್ಪ.
ದಾರೇಂಗಿ ನಾನ್ ದೇವಡ ಐಕ್ಯತ್‍ಲ್ ಉಳ್ಳ್‌ಂದ್ ಎಣ್ಣ್‌ಚೇಂಗಿ, ಅಂವೊನು ಯೇಸು ಕ್ರಿಸ್ತ ನಡ್ಂದನೆಕೆ ನಡ್‌ಕಂಡು.
