ಫಿಲಿಪ್ಪಿ 2:22 - ಕೊಡವ ಬೈಬಲ್

²² ನಿಂಗಕ್ ಗೊತ್ತುಳ್ಳನೆಕೆ ಅಪ್ಪಂಡ ಕೂಡೆ ಒರ್ ಮೋಂವೊ ಸೇವೆ ಮಾಡ್‌ವನೆಕೆ ದೇವಡ ನಲ್ಲ ಸುದ್ದಿರ ವಿಷಯತ್‍ಲ್ ದೇವಡ ಬೋದನೆನ ಪಬ್ಬ್‌ಚಿಡ್‌ವಕ್ ಅಂವೊ ನಾಕ್ ದುಂಬ ಸಹಾಯ ಮಾಡ್‍ಚೀಂದ್ ಅಂವೊಂಡ ನಂಬಿಕಸ್ತ ಗುಣ ನಿಂಗಕ್ ಗೊತ್ತುಂಡ್.

ಫಿಲಿಪ್ಪಿ 2:22 Cross References

ಅಪೊಸ್ತಲ 16:2

ಲುಸ್ತ್ರ ಪಿಂಞ ಇಕೋನ್ಯ ಪಟ್ಟಣತ್‍ರ ಯೇಸುನ ನಂಬ್‍ನ ಅಣ್ಣತಮ್ಮಣಂಗ ತಿಮೊಥೆಯಂಗ್ ನಲ್ಲ ಸಾಕ್ಷಿ ಕೊಡ್‌ತಿತ್ಂಜತ್.

ರೋಮ್ 5:4

ನಂಗಕ್ ಬಪ್ಪ ಕಷ್ಟತ್‍ಲ್ ಸಹ ನಂಗ ಹೊಗಳಿಯಂಡುಂಡ್.

1 ಕೊರಿಂಥ 16:10

ತಿಮೊಥೆಯ ನಿಂಗಡ ಪಕ್ಕ ಬಾತೇಂಗಿ, ಅಂವೊ ನಿಂಗಡ ಕೂಡೆ ದೈರ್ಯತ್‍ಲ್ ಇಪ್ಪಕ್ ಸಹಾಯ ಮಾಡಿ, ಅಂವೊ ನಾಡನೆಕೆ ದೇವಡ ಸೇವೆ ಮಾಡಿಯಂಡುಂಡ್.

1 ಕೊರಿಂಥ 4:17

ಇದ್ಂಗಾಯಿತೇ ನಾನ್ ನಾಡ ಪ್ರೀತಿರ ಮೋಂವೊನು, ಒಡೆಯಂಗ್ ಸತ್ಯವುಳ್ಳಂವೊನು ಆಯಿತುಳ್ಳ ತಿಮೊಥೆಯನ ನಿಂಗಡ ಪಕ್ಕ ಅಯಿಚಂಡುಳ್ಳ. ನಾನ್ ಎಲ್ಲಾ ಜಾಗತ್‍ಲ್ ಎಲ್ಲಾ ಸಬೇಲ್ ಬೋದನೆ ಮಾಡ್‌ವನೆಕೆ, ಕ್ರಿಸ್ತ ಯೇಸುರಲ್ಲಿ ಉಳ್ಳ ನಾಡ ಬದ್‍ಕ್‍ರ ವಿಷಯತ್‍ನ ನಿಂಗಕ್ ಜ್ಞಾಪಕ ಮಾಡ್‌ವಿ.

2 ಕೊರಿಂಥ 2:9

ನಿಂಗ ಎಲ್ಲಾ ವಿಷಯತ್‍ಲು ತಗ್ಗಿತ್ ನಡ್ಂದಂಡುಳ್ಳಿರಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಅನ್ನನೆ ಒಳ್‍ದಿಯೆ.

2 ಕೊರಿಂಥ 8:22

ಈಂಗಡ ಕೂಡೆ ನಂಗಡ ಇಂಞೊಬ್ಬನ ಸಹ ನಂಗ ಅಯಿಚಂಡುಂಡ್. ಅಂವೊ ದುಂಬ ವಿಷಯತ್‍ಲ್ ಜಾಗ್ರತೆಲ್ ಉಳ್ಳಂವೊನಾಯಿತ್ ನಂಗ ದುಂಬ ಸಮಯ ಅಂವೊನ ಕಂಡಿತುಂಡ್. ಇಕ್ಕ ನಿಂಗಡ ಮೇಲೆ ಬೆಚ್ಚಿತುಳ್ಳ ಬಲ್ಯ ನಂಬಿಕೇಲ್ ಇಂಞು ದುಂಬ ಜಾಗ್ರತೆಲ್ ಉಂಡ್.

2 ಕೊರಿಂಥ 8:24

ಆನಗುಂಡ್, ನಿಂಗಡ ಪ್ರೀತಿನ ಪಿಂಞ ನಿಂಗಡ ವಿಷಯವಾಯಿತ್ ನಂಗ ಕೊಂಡಾಡ್‍ನದ್‍ನ, ಸಬೆರ ಮಿಂಞತ್ ಅಯಿಂಗಕ್ ಕಾಂಬ್‍ಚಿಡಿ.

2 ಕೊರಿಂಥ 8:8

ನಾನ್ ಇದ್‍ನ ಆಜ್ಞೆಯಾಯಿತ್ ಎಣ್ಣತೆ, ಬೋರೆಯಿಂಗಡ ಜಾಗ್ರತೆನ ಎಣ್ಣಿತ್, ನಿಂಗ ಪ್ರೀತಿಲ್ ಸತ್ಯವಂತಯಿಂಗಳಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಇನ್ನನೆ ಎಣ್ಣಿಯಂಡುಂಡ್.

ಫಿಲಿಪ್ಪಿ 1:12

ನಾಡ ಅಣ್ಣತಮ್ಮಣಂಗಳೇ, ನಾಕ್ ಆನ ಈ ಎಲ್ಲಾ ಕಷ್ಟನಷ್ಟವು, ದೇವಡ ನಲ್ಲ ಸುದ್ದಿ ಎಲ್ಲಾ ಜಾಗತ್‍ಲ್ ಪಬ್ಬ್‌ವಕ್ ಬಟ್ಟೆ ಮಾಡಿ ತಾತ್‍ೕಂದ್ ಉಳ್ಳ ವಿಷಯ ನಿಂಗಕ್ ಗೊತ್ತಾಂಡೂಂದ್ ನಾನ್ ಆಸೆ ಪಟ್ಟಂಡುಳ್ಳ.

ಫಿಲಿಪ್ಪಿ 1:16

ಅನ್ನನೆ ಮಾಡ್‌ವಯಿಂಗ ನಾನ್‌ ಕ್ರಿಸ್ತಂಡ ನಲ್ಲ ಸುದ್ದಿನ ಎಣ್ಣ್‌ವಕ್ ದೇವ ನನ್ನ ನೇಮಿಚಿಟ್ಟಿತುಂಡ್‍ೕಂದ್ ಗೊತ್ತಾನಗುಂಡ್ ಪ್ರೀತಿಲ್ ಎಣ್ಣಿಯಂಡುಂಡ್

ಫಿಲಿಪ್ಪಿ 1:5

ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವ ವಿಷಯತ್‍ಲ್ ನಿಂಗ ಅಂವೊನ ನಂಬ್‍ನ ದಿನತ್ಂಜ ಇಲ್ಲಿಕತ್ತನೆ ನಿಂಗ ನಾಡ ಕೂಡೆ ಪಾಲ್‍ದಾರಂಗಳಾಯಿತುಳ್ಳಿರ.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಫಿಲಿಪ್ಪಿ 2:20

ನಾಕ್ ತಿಮೊಥೆಯನ ಬುಟ್ಟತೇಂಗಿ ನಿಂಗಳ ಇಚ್ಚಕ್ ಚಾಯಿತೆ ನೋಟ್‍ವಕ್ ನಾಡ ಮನಸ್ಸ್‌ರನೆಕೆ ಉಳ್ಳಯಿಂಗ ಬೋರೆ ದಾರೂ ಇಲ್ಲೆ.

1 ತಿಮೊಥೆಯ 1:18

ನಾಡ ಮೋಂವೊನಾನ ತಿಮೊಥೆಯ, ನೀಡ ವಿಷಯತ್, ಪ್ರವಾದಿಯಂಗ ಮಿಂಞಲೇ ಎಣ್ಣ್‌ನ ಪ್ರವಾದನೆನ ಗೇನ ಮಾಡಿತ್ ಈ ಆಜ್ಞೆನ ನೀಡ ಮಿಂಞತ್ ಬೆಪ್ಪಿ. ಆನಗುಂಡ್, ಈ ಆಜ್ಞೆರನೆಕೆ ನೀನ್ ಮಾಡ್‍ಚೇಂಗಿ, ದೇವಡ ಪಡೆಲ್ ನೀನ್ ಚಾಯಿತೆ ಪೋರಾಡ್‍ವಕ್ ಸಹಾಯ ಆಪ.

1 ತಿಮೊಥೆಯ 1:2

ದೇವಡ ನಂಬಿಕೇಲ್ ನಾಡ ನೇರಾನ ಮೋಂವೊನಾನ ತಿಮೊಥೆಯಂಗ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡಯಿಂಜಲು, ನಂಗಡ ಒಡೆಯನಾನ ಯೇಸು ಕ್ರಿಸ್ತಡಿಂಜಲು ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

1 ತಿಮೊಥೆಯ 4:6

ನೀನ್ ಇದ್‍ನೆಲ್ಲ ಯೇಸುನ ನಂಬ್‍ನಯಿಂಗಕ್ ಬೋದನೆ ಮಾಡಿಯಂಡ್ ಬಾತೇಂಗಿ, ನಂಬಿಕೇಕ್ ಉಳ್ಳ ತಕ್ಕ್‌ಲು ನೀನ್ ಮಾಡಿಯಂಡುಳ್ಳ ನಲ್ಲ ಬೋದನೆಲು ಬೊಳ್ಂದಿತ್, ಯೇಸು ಕ್ರಿಸ್ತಂಗ್ ನಲ್ಲ ಸೇವಕನಾಯಿತ್ ಇಪ್ಪಿಯ.

2 ತಿಮೊಥೆಯ 1:2

ನಾಡ ಮೋಂವೊನಾನ ತಿಮೊಥೆಯಂಗ್ ಒಳ್‍ದ್‍ವ ಕಾಗದ ಇದ್. ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ನೀಕ್ ಕ್‍ಟ್ಟಡ್.

2 ತಿಮೊಥೆಯ 3:10

ಆಚೇಂಗಿ ತಿಮೊಥೆಯ, ನಾಡ ಬೋದನೆ, ಬದ್‍ಕ್‍ರ ಬಟ್ಟೆ, ನಾಡ ಬದ್‍ಕ್‍ರ ನೋಕ, ನಾಡ ನಂಬಿಕೆ, ದೀರ್ಗ ಸಮಾದಾನ, ಪ್ರೀತಿ, ಪೊರುಮೆನ,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:4

ತಕ್ಕ ಸಮಯತ್‍ಲ್ ನಂಗಡ ರಕ್ಷಕನಾನ ದೇವಡ ಆಜ್ಞೆರ ಪ್ರಕಾರ ನಾಕ್ ಒಪ್ಪ್‌ಚಿಟ್ಟ ಬೋದನೆರಗುಂಡ್ ಅಂವೊಂಡ ತಕ್ಕ್‌ನ ಕಾಂಬ್‍ಚಿಟ್ಟತ್.