ಫಿಲಿಪ್ಪಿ 2:20 - ಕೊಡವ ಬೈಬಲ್

²⁰ ನಾಕ್ ತಿಮೊಥೆಯನ ಬುಟ್ಟತೇಂಗಿ ನಿಂಗಳ ಇಚ್ಚಕ್ ಚಾಯಿತೆ ನೋಟ್‍ವಕ್ ನಾಡ ಮನಸ್ಸ್‌ರನೆಕೆ ಉಳ್ಳಯಿಂಗ ಬೋರೆ ದಾರೂ ಇಲ್ಲೆ.

ಫಿಲಿಪ್ಪಿ 2:20 Cross References

ಜ್ಞಾನತ್‌ರ ಪಡಿಮ 31:29

ಸುಮಾರ್‌ ಪೊಣ್ಣಾಳುವ ನಲ್ಲ ಗುಣವುಳ್ಳಯಿಂಗಳಾಯಿತ್‌ ನಡ್‌ಂದಿತ್‌ ಉಂಡ್. ಆಚೇಂಗಿ, ಅಯಿಂಗ ಎಲ್ಲಾಂಕಿಂಜಿ ನೀನೇ ಮೇಲಾನವ ಎಣ್ಣಿಯಂಡ್‌ ಅವಡ ವಡಿಯ ಅವಳ ಹೊಗಳುವ.

ಯೋಹಾನ 10:13

ಆಳ್‍ವ ಬರಿ ಕೂಲಿಕ್ ಬಂದಿತ್ ಕೊರಿಯಳ ನೋಟ್‌ವಗುಂಡ್, ಓಡಿ ಪೋಪ, ಕೊರಿಯಕ್ ಎಂತಾಪಾಂದ್ ಅಂವೊ ಬೇಜಾರ್ ಮಾಡುಲೆ.

ಯೋಹಾನ 12:6

ಅಂವೊ, ನೇರಾಯಿತು ಗರೀಬಂಗಡ ಮೇಲೆ ಕನಿಕರ ಇಂಜಗುಂಡ್ ಅನ್ನನೆ ಎಣ್ಣಿತ್‌ಲ್ಲೆ. ಅಂವೊ ಕಳ್ಳನಾಯಿತ್ ಇಂಜತ್. ದುಡ್ಡ್‌ರ ಚೀಲ ಅಂವೊಂಡ ಪಕ್ಕ ಇಂಜತ್, ಅಲ್ಲಿಂಜ ಅಂವೊ ಎಡ್‍ಪಕಿಂಜತ್.

ರೋಮ್ 15:5

ನಂಗಕ್ ಪೊರುಮೆ ಪಿಂಞ ಪುರ್‌ಡ್ ಕೊಡ್‍ಪ ದೇವ, ಕ್ರಿಸ್ತ ಯೇಸುಕ್ ತಗ್ಗಿತ್ ನಡ್ಂದಂಡ್ ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್ ಇಪ್ಪಕ್ ನಿಂಗಕ್ ಸಹಾಯ ಮಾಡಡ್.

1 ಕೊರಿಂಥ 16:10

ತಿಮೊಥೆಯ ನಿಂಗಡ ಪಕ್ಕ ಬಾತೇಂಗಿ, ಅಂವೊ ನಿಂಗಡ ಕೂಡೆ ದೈರ್ಯತ್‍ಲ್ ಇಪ್ಪಕ್ ಸಹಾಯ ಮಾಡಿ, ಅಂವೊ ನಾಡನೆಕೆ ದೇವಡ ಸೇವೆ ಮಾಡಿಯಂಡುಂಡ್.

ಫಿಲಿಪ್ಪಿ 2:2

ಅಂದಕ ನಿಂಗ ಎಲ್ಲಾರು ಒರೇ ಗೇನ ಉಳ್ಳಯಿಂಗಳಾಯಿತ್, ಒರೇ ತರ ಪ್ರೀತಿ ಉಳ್ಳಯಿಂಗಳಾಯಿತ್, ಒರೇ ಮನೆಸ್ಸ್‌ಲ್ ಪಿಂಞ ಕಾರ್ಯತ್‍ಲ್ ಒಂದಾಯಿತ್ ನಾಡ ಕುಶೀನ ಪೂರ್ತಿ ಮಾಡಿ.

ಫಿಲಿಪ್ಪಿ 2:22

ನಿಂಗಕ್ ಗೊತ್ತುಳ್ಳನೆಕೆ ಅಪ್ಪಂಡ ಕೂಡೆ ಒರ್ ಮೋಂವೊ ಸೇವೆ ಮಾಡ್‌ವನೆಕೆ ದೇವಡ ನಲ್ಲ ಸುದ್ದಿರ ವಿಷಯತ್‍ಲ್ ದೇವಡ ಬೋದನೆನ ಪಬ್ಬ್‌ಚಿಡ್‌ವಕ್ ಅಂವೊ ನಾಕ್ ದುಂಬ ಸಹಾಯ ಮಾಡ್‍ಚೀಂದ್ ಅಂವೊಂಡ ನಂಬಿಕಸ್ತ ಗುಣ ನಿಂಗಕ್ ಗೊತ್ತುಂಡ್.

ಕೊಲೊಸ್ಸೆ 4:11

ಯೇಸೂಂದ್ ಪೆದ ಉಳ್ಳ ಯೂಸ್ತ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಯೆಹೂದ್ಯಂಗಡಡೆ‍ಲ್ ಈಂಗ ಮಾತ್ರ ನಾಡ ಕೂಡೆ ದೇವಡ ರಾಜ್ಯತ್‍ರ ಸೇವೇನ ಮಾಡಿಯಂಡ್, ನಾಕ್ ದುಂಬ ಒತ್ತಾಸೆ ತಂದಂಡುಂಡ್.

1 ತಿಮೊಥೆಯ 1:2

ದೇವಡ ನಂಬಿಕೇಲ್ ನಾಡ ನೇರಾನ ಮೋಂವೊನಾನ ತಿಮೊಥೆಯಂಗ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡಯಿಂಜಲು, ನಂಗಡ ಒಡೆಯನಾನ ಯೇಸು ಕ್ರಿಸ್ತಡಿಂಜಲು ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

1 ತಿಮೊಥೆಯ 4:6

ನೀನ್ ಇದ್‍ನೆಲ್ಲ ಯೇಸುನ ನಂಬ್‍ನಯಿಂಗಕ್ ಬೋದನೆ ಮಾಡಿಯಂಡ್ ಬಾತೇಂಗಿ, ನಂಬಿಕೇಕ್ ಉಳ್ಳ ತಕ್ಕ್‌ಲು ನೀನ್ ಮಾಡಿಯಂಡುಳ್ಳ ನಲ್ಲ ಬೋದನೆಲು ಬೊಳ್ಂದಿತ್, ಯೇಸು ಕ್ರಿಸ್ತಂಗ್ ನಲ್ಲ ಸೇವಕನಾಯಿತ್ ಇಪ್ಪಿಯ.

2 ತಿಮೊಥೆಯ 1:5

ನೀನ್ ದೇವಡ ಮೇಲೆ ಬೆಚ್ಚಿತುಳ್ಳ ಕಪಟ ಇಲ್ಲತ ನೇರಾನ ನಂಬಿಕೇನ ನಾನ್ ಇಕ್ಕ ಗೇನ ಮಾಡ್‌ವಿ. ಆ ನಂಬಿಕೆ ಆದ್ಯವಾಯಿತ್ ನೀಡ ಅವ್ವಯ್ಯ ಲೋವಿರ ಕೂಡೆ ಪಿಂಞ ನೀಡ ಅವ್ವ ಯೂನೀಕೆರ ಕೂಡೆಯು ಇಂಜತ್. ಅದ್ ನೀಕ್ ಸಹ ಉಂಡ್‍ೕಂದ್ ನಾನ್ ದೃಡವಾಯಿತ್ ನಂಬುವಿ.

2 ತಿಮೊಥೆಯ 3:10

ಆಚೇಂಗಿ ತಿಮೊಥೆಯ, ನಾಡ ಬೋದನೆ, ಬದ್‍ಕ್‍ರ ಬಟ್ಟೆ, ನಾಡ ಬದ್‍ಕ್‍ರ ನೋಕ, ನಾಡ ನಂಬಿಕೆ, ದೀರ್ಗ ಸಮಾದಾನ, ಪ್ರೀತಿ, ಪೊರುಮೆನ,