ಫಿಲಿಪ್ಪಿ 2:2 - ಕೊಡವ ಬೈಬಲ್

² ಅಂದಕ ನಿಂಗ ಎಲ್ಲಾರು ಒರೇ ಗೇನ ಉಳ್ಳಯಿಂಗಳಾಯಿತ್, ಒರೇ ತರ ಪ್ರೀತಿ ಉಳ್ಳಯಿಂಗಳಾಯಿತ್, ಒರೇ ಮನೆಸ್ಸ್‌ಲ್ ಪಿಂಞ ಕಾರ್ಯತ್‍ಲ್ ಒಂದಾಯಿತ್ ನಾಡ ಕುಶೀನ ಪೂರ್ತಿ ಮಾಡಿ.

ಫಿಲಿಪ್ಪಿ 2:2 Cross References

ಯೋಹಾನ 3:29

ಮಂಗಲಕರ್ತಿ ಉಳ್ಳಂವೊನೇ ಮಂಗಲಕಾರ ಆಪ. ಆಚೇಂಗಿ ಮಂಗಲಕಾರಂಡ ಕೂಟ್‍ಕಾರ ಮಂಗಲಕಾರಂಡ ಪಕ್ಕತ್‍ಲ್ ನಿಂದಿತ್ ಅಂವೊಂಡ ತಕ್ಕ್‌ನ ಕ್‍ೕಪ, ಮಂಗಲಕಾರಂಡ ದ್ವನಿ ಕ್‍ೕಟಿತ್ ದುಂಬ ಕುಶಿ ಪಡುವ. ಅನ್ನನೆ ನಾಕ್ ಆ ಕುಶಿ ಕ್‍ಟ್ಟಿತ್, ನಾಡ ಕುಶಿ ಪೂರ್ತಿ ಆಚಿ.

ಅಪೊಸ್ತಲ 1:14

ಅಲ್ಲಿ ಈಂಗ ಎಲ್ಲಾರು ಒಟ್ಟ್ ಕೂಡಿತ್ ಒರೇ ಮನಸ್ಸ್‌ಲ್ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಂಜತ್. ಅಯಿಂಗಡ ಕೂಡೆ ಪೊಣ್ಣಾಳುವ, ಯೇಸುರ ಅವ್ವ ಮರಿಯ ಪಿಂಞ ಯೇಸುರ ತಮ್ಮಣಂಗಳು ಇಂಜತ್.

ಅಪೊಸ್ತಲ 2:1

ಐಂಬದ್ ನಾಳ್‌ರ ಪಂಚಾಶತ್ತಮ ಎಣ್ಣುವ ನಮ್ಮೆರ ದಿವಸ ಬಪ್ಪಕ, ಅಯಿಂಗೆಲ್ಲಾ ಒರ್ ಜಾಗಕ್ ಬಂತ್ ಒಟ್ಟ್ ಕೂಡ್‍ಚಿ.

ಅಪೊಸ್ತಲ 2:46

ಅಯಿಂಗ ದಿನಾಲು ಒರೇ ಮನಸ್ಸ್‌ಲ್ ದೇವಾಲಯತ್‍ಲ್ ಕೂಡಿಯಂಡ್, ಮನೆ ಮನೆಲ್ ಒಟ್ಟಿ ಪೊಳಿಚಿತ್, ಕುಶೀಲ್ ಉಂಡಂಡ್ ಪಿಂಞ ನೇರಾನಯಿಂಗಳಾಯಿತ್ ಇಂಜತ್.

ಅಪೊಸ್ತಲ 5:12

ಇದ್‍ಲ್ಲತೆ, ಅಪೊಸ್ತಲಂಗಡ ಕೈಯಿಂಜ ದುಂಬ ಗುರ್‌ತ್ ಕಾರ್ಯ ಪಿಂಞ ಆಶ್ಚರ್ಯ ಕಾರ್ಯ ಜನಡ ಮದ್ಯತ್‍ಲ್ ನಡ್ಂದಡಿಂಜತ್. ಅಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಸೊಲೊಮೋನಂಡ ಮಂಟಪತ್‌ಲ್ ಇಪ್ಪಯಿಂಜತ್.

ರೋಮ್ 12:16

ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

2 ಕೊರಿಂಥ 2:3

ಅಕ್ಕ ನಾನ್ ನಿಂಗಡ ಪಕ್ಕ ಬಪ್ಪಕ, ನನ್ನ ಕುಶಿಪಡ್‌ತ್‌ವಯಿಂಗಡಗುಂಡ್ ದುಃಖ ಪಡ್‍ವಕ್ ಆಗಾಂದು ಪಿಂಞ ನಾಡ ಕುಶಿ ನಿಂಗ ಎಲ್ಲಾರ್‌ಕು ಕುಶಿಯಾಯಿತಿಕ್ಕಂಡೂಂದು, ನಿಂಗ ಎಲ್ಲಾಡ ವಿಷಯತ್ ನಂಬಿಕೆಯಾಯಿತೇ, ನಿಂಗಡ ಪಕ್ಕ ಬಂದಿತ್ ನಿಂಗಳ ಕಾಂಬಕ್ ಮಿಂಞಲೇ ಅನ್ನನೆ ನಾನ್ ನಿಂಗಕ್ ಈ ಕಾಗದತ್‍ನ ಒಳ್‍ದಿಯೆ.

2 ಕೊರಿಂಥ 7:7

ಅಂವೊ ನಂಗಡ ಪಕ್ಕ ಬಂದಗುಂಡ್ ಮಾತ್ರ ಅಲ್ಲತೆ, ನಿಂಗ ಅಂವೊಂಗ್ ಪುರ್‌ಡ್ ಕೊಡ್‍ತದ್‍ನ ನಾಕ್ ಎಣ್ಣ್‌ಚಿ. ನಿಂಗ ನಂಗಡ ಮೇಲೆ ಬೆಚ್ಚಿತುಳ್ಳ ಆಸೇನ, ನಿಂಗಡ ದುಃಖತ್‍ನ, ನಾಡ ವಿಷಯತ್ ನಿಂಗಡ ಬಲ್ಯ ಕನಿಕರತ್‍ನ ಅಂವೊ ಎಣ್ಣುವಕ, ನಾಡ ಕುಶಿ ಇಂಞು ಜಾಸ್ತಿ ಆಚಿ.

ಫಿಲಿಪ್ಪಿ 1:4

ನಾನ್ ಅನ್ನನೆ ಎಕ್ಕಾಲು ನಿಂಗಕಾಯಿತ್ ಬೋಡ್‌ವಕ ನಾನ್ ಅಚ್ಚಕ್ ಕುಶೀಲ್ ನಿಂಗ ಎಲ್ಲಾರ್‍ಕಾಯಿತ್ ಪ್ರಾರ್ಥನೆ ಮಾಡಿಯಂಡುಳ್ಳ.

ಫಿಲಿಪ್ಪಿ 2:16

ಜೀವ ತಪ್ಪ ದೇವಡ ತಕ್ಕ್‌ನ ಗಟ್ಟಿಯಾಯಿತ್ ಪುಡ್‍ಚೊಳಿ! ಯೇಸು ಕ್ರಿಸ್ತ ತಿರಿತ್ ಬಪ್ಪ ದಿವಸತ್‍ಲ್ ನಾಕ್ ನಿಂಗಡ ಮದ್ಯತ್‍ಲ್ ಕ್‍ಟ್ಟ್‌ನ ಕಷ್ಟನಷ್ಟ ಒಂದು ಪಾಳಾಯಿ ಪೋಯಿತ್‌ಲ್ಲೇಂದ್ ನಾಕ್ ಕುಶಿ ಆಪ.

ಫಿಲಿಪ್ಪಿ 2:20

ನಾಕ್ ತಿಮೊಥೆಯನ ಬುಟ್ಟತೇಂಗಿ ನಿಂಗಳ ಇಚ್ಚಕ್ ಚಾಯಿತೆ ನೋಟ್‍ವಕ್ ನಾಡ ಮನಸ್ಸ್‌ರನೆಕೆ ಉಳ್ಳಯಿಂಗ ಬೋರೆ ದಾರೂ ಇಲ್ಲೆ.

ಫಿಲಿಪ್ಪಿ 4:2

ಯುವೊದ್ಯಳ ಪಿಂಞ ಸಂತುಕೆಯಳ, ಒಡೆಯಂಡ ಐಕ್ಯತ್‍ಲ್ ಒಂದಾಯಿತ್ ಇರೀಂದ್ ಕಂಡಿತವಾಯಿತ್ ಎಣ್ಣ್‌ವಿ.

ಕೊಲೊಸ್ಸೆ 2:5

ನಾನ್ ನಿಂಗಡ ಕೂಡೆ ತಡೀಲ್ ಇಲ್ಲತ ಪೋಚೇಂಗಿಯು, ನಾಡ ಆತ್ಮತ್‍ಲ್ ನಿಂಗಡ ಕೂಡೆ ಉಳ್ಳ. ನಿಂಗ ಎನ್ನನೆ ಬದ್‍ಕಂಡುವೊ ಅನ್ನನೆ ನಿಂಗ ಬದ್‍ಕಿಯಂಡ್ ಉಳ್ಳಾಂಗು, ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಂಬಿಕೆ ದೃಡವಾಯಿತ್ ಉಳ್ಳಾಂಗು ನಾನ್ ದುಂಬ ಕುಶಿಪಟ್ಟಂಡುಳ್ಳ.

2 ಥೆಸಲೊನೀಕ 2:13

ಒಡೆಯಂಡ ಪ್ರೀತಿರ ಅಣ್ಣತಮ್ಮಣಂಗಳೇ, ದೇವ ನಿಂಗಳ ಪವಿತ್ರಾತ್ಮತ್‍ರ ಶಕ್ತಿರಗುಂಡ್ ಬೋರೆ ಮಾಡಿತ್, ಶುದ್ದ ಮಾಡ್‍ನಗುಂಡ್ ಪಿಂಞ ನಿಂಗ ಸತ್ಯತ್‍ನ ನಂಬ್‍ನಗುಂಡ್ ನಿಂಗಕ್ ರಕ್ಷಣೆ ಕ್‍ಟ್ಟುವನೆಕೆ ಅಂವೊ ಮಾಡ್‍ಚಿ. ಅನ್ನನೆ ಅಂವೊ ಈ ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನಿಂಗಳ ಗೊತ್ತ್ ಮಾಡ್‍ನಗುಂಡ್, ನಿಂಗಕಾಯಿತ್ ದೇವಕ್ ನಂಗ ಎಕ್ಕಾಲು ವಂದನೆ ಮಾಡ್‌ವಕ್ ನಂಗ ಜವಾಬ್ದಾರಂಗಳಾಯಿತ್ ಉಂಡ್.

2 ತಿಮೊಥೆಯ 1:4

ನೀನ್ ಕಣ್ಣೀರ್ ಇಟ್ಟದ್ ನಾಕ್ ಇಂಞು ಗೇನ ಉಳ್ಳಗುಂಡ್, ನಿನ್ನ ಕಾಂಗಂಡೂಂದ್ ನಾನ್ ದುಂಬ ಆಸೇಲ್ ಉಳ್ಳ. ಅನ್ನನೆ, ನಿನ್ನ ಕಂಡತೇಂಗಿ ನಾಕ್ ದುಂಬ ಕುಶಿ ಆಪ.

ಫಿಲೆಮೋನ 1:20

ಅಕ್ಕು, ಪ್ರೀತಿರ ಫಿಲೆಮೋನನೇ, ಕ್ರಿಸ್ತಂಡಗುಂಡ್ ನೀಡಲ್ಲಿ ನಾಕ್ ಸಮಾದಾನ ಆಡ್. ಕ್ರಿಸ್ತಂಗಾಯಿತ್ ನಾಡ ಹೃದಯತ್‍ನ ನೀನ್ ಕುಶಿಪಡ್‍ತ್.

2 ಯೋಹಾನ 1:4

ಅಪ್ಪ ನಂಗಕ್ ಆಜ್ಞೆ ತಂದನೆಕೆ, ನೀಡ ಮಕ್ಕಡಲ್ಲಿ ಚೆನ್ನ ಮಕ್ಕ ಸತ್ಯತ್‍ಲ್ ಬದ್‍ಕಿಯಂಡುಂಡ್‍ೕಂದ್ ಗೊತ್ತಾನಗುಂಡ್ ನಾಕ್ ದುಂಬ ಕುಶಿ ಆಚಿ.

3 ಯೋಹಾನ 1:4

ನಾಡ ಮಕ್ಕ ಸತ್ಯತ್‍ಲ್ ನಡ್‍ದಂಡುಂಡ್‍ೕಂದ್ ಕ್‍ೕಪಕಿಂಜ ಬಲ್ಯ ಕುಶಿ ನಾಕ್ ಬೋರೆ ಏದು ಇಲ್ಲೆ.