ಫಿಲಿಪ್ಪಿ 2:14 - ಕೊಡವ ಬೈಬಲ್

¹⁴ ಎಲ್ಲಾನ ಏದ್ ಕುತ್ತವು ಪರಿಯತೆ, ಬೋಂಡತ ಚರ್ಚೆ ಮಾಡತೆ ಮಾಡಿಯಂಡಿರಿ.

ಫಿಲಿಪ್ಪಿ 2:14 Cross References

ಜ್ಞಾನತ್‌ರ ಪಡಿಮ 13:10

ಆಂಗಾರ ಮಾತ್‌ರ ಜಗಳಕ್‌ ಕಾರಣ ಆಪ. ಆಲೋಚನೆಕ್‌ ಕೆಮಿ ಕೊಡ್‌ಪಂವೊಂಡ ಪಕ್ಕ ಜ್ಞಾನ ಇಪ್ಪ.

ಮತ್ತಾಯ 20:11

ಅಯಿಂಗ ಆ ದುಡ್ಡ್‌ನ ಎಡ್‍ತಂಡ್ ಎಜಮಾನಂಗ್:

ಮಾರ್ಕ 14:5

ಈ ತೈಲತ್‌ನ ಮುನ್ನೂರ್ ಬೊಳ್ಳಿರ ದುಡ್ಡ್‌ಕಿಂಜ ಜಾಸ್ತಿಕ್ ಮಾರಿತ್, ಆ ದುಡ್ಡ್‌ನ ಗರೀಬಂಗಕ್ ಕೊಡಕಲಿಂಜತಲ್ಲ ಎಣ್ಣಿಯಂಡ್ ಅವಳ ಅಯಿಂಗಯಿಂಗಳೇ ಗೊಣಗಿಯಂಡಿಂಜತ್. ಅದ್ಂಗ್ ಯೇಸು: ಅವಳ ತೊಂದರೆ ಮಾಡತಿ.

ಮಾರ್ಕ 9:14

ಪಿಂಞ ಅಯಿಂಗ ಕುಂದ್‌ರ ಅಡಿಕ್ ಬಪ್ಪಕ ಬಾಕಿ ಶಿಷ್ಯಂಗಡ ಕೂಡೆ ದುಂಬ ಜನ ಕೂಡಿತ್ಂಜತ್. ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಅಯಿಂಗಡ ಪಕ್ಕ ತರ್ಕ ಮಾಡ್‌ವಾನ ಕಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:30

ಚೆನ್ನ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ, ಯೇಸುರ ಶಿಷ್ಯಂಗಡ ಪಕ್ಕ ಬಂತ್: ನಿಂಗ ಎನ್ನಂಗ್ ಕಂದಾಯ ಎಡ್‍ಪಯಿಂಗ ಪಿಂಞ ಸಮಾಜ ಪಾಪಿಯಿಂಗಾಂದ್ ಎಣ್ಣುವ ಜನಡ ಕೂಡೆ ಉಂಡಂಡ್ ಕುಡಿಚಂಡ್ ಉಂಡ್‍ೕಂದ್ ಕ್‍ೕಟತ್.

ಅಪೊಸ್ತಲ 15:2

ಅಕ್ಕ, ಅಯಿಂಗಕು ಪಿಂಞ ಪೌಲ ಬಾರ್ನಬಂಗಕು ಬಲ್ಯ ತರ್ಕ ಆಚಿ. ಈ ವಿಷಯಕಾಯಿತ್, ಅಲ್ಲಿಂಜ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಡೆ ಇಂಞು ಚೆನ್ನ ಜನಳ ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಪಕ್ ಅಯಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 15:39

ಈ ವಿಷಯತ್‍ಲ್ ಅಯಿಂಗ ದಂಡಾಳು ಬಲ್ಯ ತರ್ಕ ಮಾಡಿತ್ ಒತ್ತಂಡಿತ್‌ಲ್ಲೆ. ಅನ್ನನೆ ಅಯಿಂಗ ಒಬ್ಬನೊಬ್ಬನ ಬುಟ್ಟಿತ್ ಪೋಚಿ. ಬಾರ್ನಬ ಮಾರ್ಕನ ಕಾಕಿಯಂಡ್ ಸಮುದ್ರತ್‍ರ ಮಾರ್ಗವಾಯಿತ್ ಕುಪ್ರ ದ್ವೀಪಕ್ ಪೋಚಿ.

ಅಪೊಸ್ತಲ 15:7

ದುಂಬ ತರ್ಕ ಆಪಕ, ಪೇತ್ರ ಎದ್ದಿತ್ ನಿಪ್ಪಂಜಿ ಅಯಿಂಗಳ ನೋಟಿತ್, ಅಣ್ಣತಮ್ಮಣಂಗಳೇ, ನಿಂಗಕ್ ಗೊತ್ತುಳ್ಳನೆಕೆ, ಯೆಹೂದ್ಯಂಗ ಅಲ್ಲತ ಬೋರೆ ಜನ, ನಾಡ ಬಾಯಿಂಜ ನಲ್ಲ ಸುದ್ದಿನ ಕ್‍ೕಟಿತ್ ನಂಬಂಡೂಂದ್, ದೇವ ದುಂಬ ದಿವಸಕ್ ಮಿಂಞಲೇ, ನಿಂಗಡಡೆಲ್ ಒಬ್ಬನಾನ ನನ್ನ ಗೊತ್ತ್ ಮಾಡ್‍ಚಿ.

ಅಪೊಸ್ತಲ 6:1

ಇನ್ನನೆ ಆಯಂಡಿಂಜ ಕಾಲತ್‍ಲ್, ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಬಲ್ಯದಾಯಂಡಿಪ್ಪಕ, ಅಯಿಂಗಡ ಕೂಟ್‌ಲ್ ಗ್ರೀಕ್ ತಕ್ಕ್ ಪರಿಯುವಯಿಂಗ, ಇಬ್ರಿಯ ತಕ್ಕ್ ಪರಿಯುವಯಿಂಗಕ್ ವಿರೋದವಾಯಿತ್ ಗುಣುಗುಟ್ಟಿಯಂಡ್ ಇಂಜತ್. ಗ್ರೀಕ್ ತಕ್ಕ್ ಪರಿಯುವ ಜನ, ಅಯಿಂಗಡ ವಿದವೆಯಂಗಕ್ ದಿನದಿನಕ್ ಬೋಂಡಿಯಾನ ಆಹಾರತ್‍ರ ವಿಷಯತ್‍ಲ್ ಸರಿಯಾಯಿತ್ ನೋಟಿಯಂಡಿಲ್ಲೇಂದ್ ಎಣ್ಣ್‌ಚಿ.

ರೋಮ್ 12:18

ಕಯ್ಯುವಚ್ಚಕ್, ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರಿ.

ರೋಮ್ 14:1

ನಂಬಿಕೇಲ್ ಸ್ತಿರಯಿಲ್ಲತಯಿಂಗಳ ಕೂಟಿಯೊಳಿ; ಆಚೇಂಗಿಯು ಅಯಿಂಗಡ ಅನುಮಾನತ್‍ನ ಕುತ್ತ ಪರಿಯತಿರಿ.

ರೋಮ್ 16:17

ಅದಲ್ಲತೆ, ನಾಡ ಅಣ್ಣತಮ್ಮಣಂಗಳೇ, ನಿಂಗ ಪಡಿಚಿತುಳ್ಳ ಬೋದನೆಕ್ ವಿರೋದವಾಯಿತ್ ವಿಂಗಡ ಮಾಡ್‌ವಯಿಂಗಡ ಕೂಡೆಯು ಪಿಂಞ ಬೊಳ್‍ತ್‍ವಕ್ ತಡೆ ಮಾಡ್‌ವಯಿಂಗಡ ಕೂಡೆಯು ಎಚ್ಚರತ್‍ಲ್ ಇರೀಂದ್ ನಿಂಗಳ ಬೋಡುವಿ. ಅಯಿಂಗಳ ದೂರ ಮಾಡಂಡೂಂದ್ ನಿಂಗಳ ಬೋಡುವಿ.

1 ಕೊರಿಂಥ 10:10

ಅಯಿಂಗಡಲ್ಲಿ ಚೆನ್ನ ಜನ ಗೊಣಗ್‍ಚಿ, ಅಕ್ಕ ನಾಶ ಮಾಡ್‌ವಂವೊನಗುಂಡ್ ಅಯಿಂಗ ಚತ್ತ್ ಪೋಚಿ; ಅನ್ನನೆ ನಂಗಳು ಮಾಡತೆ ಇಕ್ಕನ.

2 ಕೊರಿಂಥ 12:20

ನಾನ್ ಬಪ್ಪಕ, ನಿಂಗ ಎನ್ನನೆ ಇಕ್ಕಂಡೂಂದ್ ನಾನ್ ಗೇನ ಮಾಡಿಯಂಡ್ ಉಂಡೋ ಅನ್ನನೆ ನಿಂಗ ಇಪ್ಪುಲೇಂದು ಪಿಂಞ ನಿಂಗ ಗೇನ ಮಾಡಿಯಂಡುಳ್ಳನೆಕೆ ನಾನ್ ಇಪ್ಪುಲೆಯೋಂದು ನಾಕ್ ಪೋಡಿ ಉಂಡ್. ನಿಂಗಡ ಮದ್ಯತ್‍ಲ್ ಪಗೆ, ವೈರಾಗ್ಯ, ಚೆಡಿ, ತರ್ಕ, ಒಟ್ಟೆಕಿಚ್ಚ್, ಒಬ್ಬಂಡ ಮೇಲೆ ಒಬ್ಬ ಕುತ್ತ ಪರಿವದ್, ಬೋಂಡತ ವೈರಾಗ್ಯ, ಕಲಹ ಇನ್ನತಾನೆಲ್ಲ ಇಪ್ಪಾಂದ್ ನಾಕ್ ಪೋಡಿ ಆಯಂಡುಂಡ್.

ಗಲಾತ್ಯ 5:15

ಆಚೇಂಗಿ, ನಿಂಗ ಕಾಡ್ ಪ್ರಾಣಿಯರನೆಕೆ ಒಬ್ಬೊಬ್ಬನ ಕಡಿಚಂಡ್ ತಿಂದಂಡೇ ಉಂಡೇಂಗಿ, ನೋಟಿಯಂಡಿರಿ, ಎಚ್ಚರತ್‍ಲ್ ಇರಿ, ಇಲ್ಲತಪೋನಕ ನಿಂಗ ಒಬ್ಬೊಬ್ಬಂಡಗುಂಡ್ ಪಾಳಾಯಿ ಪೋಪಿರ.

ಗಲಾತ್ಯ 5:26

ಆನಗುಂಡ್ ನಂಗ ಆಂಗಾರತ್‍ಲ್ ಇಪ್ಪಕ್ಕಾಗ, ಒಬ್ಬಂಗ್ ಒಬ್ಬ ಕಷ್ಟಕೊಡ್‌ಪಕ್ಕಾಗ, ದಾಡಮೇಲು ಒಟ್ಟೆಕಿಚ್ಚ್‌ಲ್ ಇಪ್ಪಕ್ಕಾಗ.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

1 ಥೆಸಲೊನೀಕ 5:13

ಅಯಿಂಗಡ ಸೇವೆಕಾಯಿತ್ ನಿಂಗ, ಅಯಿಂಗಡ ಮೇಲೆ ಪ್ರೀತಿಲ್ ಬಲ್ಯ ಮರ್ಯಾದೆ ಕೊಡ್‌ತಂಡ್ ಇರಂಡೂಂದ್ ನಂಗ ಬೋಡುವ. ನಿಂಗ ಒಬ್ಬೊಬ್ಬಂಡ ಕೂಡೆಯು ಶಾಂತಿಲ್, ಸಮಾದಾನತ್‍ಲ್ ಇಕ್ಕಂಡು.

1 ಥೆಸಲೊನೀಕ 5:15

ಕೆಟ್ಟದ್ ಮಾಡ್‍ನಯಿಂಗಕ್ ದಾರೂ ಕೆಟ್ಟದ್ ಮಾಡ್‌ವಕ್ ಬುಡತಿ; ನಿಂಗಡ ಮದ್ಯತ್‍ಲ್ ಉಳ್ಳ ಒಬ್ಬೊಬ್ಬಂಗಕು, ಬೋರೆಯಿಂಗಕು ನಲ್ಲದ್ ಮಾಡ್‌ವಕ್ ಪ್ರಯತ್ನ ಪಡಿ.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

ಯಾಕೋಬ 1:20

ನಿಂಗಕ್ ಚೆಡಿ ಬಾತೇಂಗಿ, ದೇವ ನಿಂಗಳಗುಂಡ್ ಮಾಡಂಡೂಂದ್ ಉಳ್ಳ ನೀತಿ ಕೆಲಸತ್‍ನ, ನಿಂಗಡ ಮೂಲಕ ಮಾಡ್‌ವಕ್ ಕಯ್ಯತ ಪೋಪ.

ಯಾಕೋಬ 3:14

ಆಚೇಂಗಿ ನಿಂಗಡ ಹೃದಯತ್‍ಲ್ ನಿಂಗ ಕೆಟ್ಟದ್ ಮಾಡಂಡೂಂದ್ ಗೇನ ಮಾಡಿಯಂಡ್ ಒಟ್ಟೆಕಿಚ್ಚ್‌ಪಟ್ಟಂಡ್, ನಿಂಗ ಬುದ್ದಿವಂತಂಗಾಂದ್ ಕಳಿಕತಿ, ಅದ್ ಎಲ್ಲಾಕಿಂಜಿ ಬಲ್ಯ ಪೊಟ್ಟ್.

ಯಾಕೋಬ 5:9

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನ್ಯಾಯತೀರ್ಪ್ ಕ್‍ಟ್ಟತನೆಕೆ ಅಪ್ಪರ ಇಪ್ಪರ ಗೊಣಗಿಯಂಡ್ ಇಕ್ಕತಿ; ನೋಟಿ, ನ್ಯಾಯದಿಪತಿಯಾನ ಯೇಸು ಪಡಿರ ಪಕ್ಕ ನಿಂದಂಡ್ ಉಂಡ್.

1 ಪೇತ್ರ 3:11

ಕೆಟ್ಟದ್‍ನ ಬುಟ್ಟಿತ್, ನಲ್ಲದ್ ಮಾಡಂಡು; ಸಮಾದಾನತ್‍ನ ತ್‍ೕಡಿತ್ ಅದ್ಂಡ ಬಯ್ಯಕ್ ಪೋಂಡು.

1 ಪೇತ್ರ 4:9

ಗೊಣಗತೆ, ಮನೆಲ್ ಎಲ್ಲಾರ್‌ನ ಚಾಯಿ ಸತ್ಕಾರ ಮಾಡಂಡು.

ಯೂದ ಒಳ್‍ದ್‍ನ ಕಾಗದ 1:16

ಈಂಗ ಗೊಣಗುವಯಿಂಗಳು, ಕುತ್ತಪರಿಯುವಯಿಂಗಳು, ತಂಗಡ ತಂಗಡ ಕೆಟ್ಟ ಆಸೆನೆ ಪೂರ್ತಿ ಮಾಡ್‌ವಯಿಂಗಳಾಯಿತುಂಡ್. ಅಯಿಂಗ ಅಯಿಂಗಳ ಹೊಗಳ್‍ಚಿಟ್ಟಂಡ್, ಅಯಿಂಗಕ್ ಬೋಂಡಿಯಾನದ್ ಕ್‍ಟ್ಟ್‌ವಕಾಯಿತ್ ಬೋರೆಯಿಂಗಳ ಕೊಂಡಾಡುವ.