ಫಿಲಿಪ್ಪಿ 2:11 - ಕೊಡವ ಬೈಬಲ್

¹¹ ಪ್ರತಿ ಒಬ್ಬನು ಯೇಸು ಕ್ರಿಸ್ತನೇ ಒಡೆಯಾಂದ್ ಎಣ್ಣಿತ್ ನಂಗಡ ಅಪ್ಪನಾನ ದೇವನ ಮಹಿಮೆ ಪಡ್‍ತ್‍ವ.

ಫಿಲಿಪ್ಪಿ 2:11 Cross References

ಮತ್ತಾಯ 10:32

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರೆಲ್ಲಾ ಮನುಷ್ಯಂಗಡ ಮಿಂಞತ್, ಅಂವೊ ನಾಡ ಬಕ್ತಾಂದ್ ಎಣ್ಣುವ, ನಾನ್ ಸಹ ಅಂವೊನ ಪರಲೋಕತ್‍ಲ್ ಉಳ್ಳ ನಾಡ ಅಪ್ಪಂಡ ಮಿಂಞತ್‍ಲ್ ನಾಡಂವೋಂದ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:11

ಇಂದ್ ದೇವ ಗೊತ್ತ್ ಮಾಡಿತ್ ಅಯಿಚ ಒಡೆಯನಾನ ಕ್ರಿಸ್ತ ಎಣ್ಣುವ ರಕ್ಷಕ ನಿಂಗಕಾಯಿತ್ ದಾವೀದಂಡ ಊರ್‌ಲ್ ಪುಟ್ಟಿತುಂಡ್.

ಯೋಹಾನ 12:42

ಆಚೇಂಗಿಯು ಸಹ, ಯೆಹೂದ್ಯ ಜನತ್‍ರ ದುಂಬ ಅದಿಕಾರಿಯಂಗ ಯೇಸುನ ನಂಬಿತ್ಂಜತ್. ಆಚೇಂಗಿ, ಅಯಿಂಗಳ ಸಬಾಮಂದಿರಕ್ ಪೊರಮೆ ಇಡತನೆಕೆ, ಫರಿಸಾಯಂಗಕಾಯಿತ್, ಎಲ್ಲಾಡ ಮಿಂಞತ್ ಅಯಿಂಗ ಯೇಸುನ ನಂಬುವಯಿಂಗಾಂದ್ ಅರಿಕೆ ಮಾಡಿತ್‌ಲ್ಲೆ.

ಯೋಹಾನ 13:13

ನಿಂಗ ನನ್ನ ಉಪಾದ್ಯಾಂದ್, ಒಡೆಯನೇಂದ್ ಕಾಕ್‍ವಿರ, ಅಕ್ಕು ನಿಂಗ ಕಾಕ್‌ವದ್ ನೇರ್. ನಾನ್ ನೇರಾಯಿತ್ ಒಡೆಯನಾಯಿತು ಉಪಾದ್ಯನಾಯಿತು ಉಳ್ಳ.

ಯೋಹಾನ 13:14

ಒಡೆಯನು, ಉಪಾದ್ಯನು ಆನ ನಾನ್ ಇನ್ನನೆ ನಿಂಗಡ ಕಾಲ್‌ನ ಕತ್ತಿತುಂಡೇಂಗಿ, ನಿಂಗಳು ಸಹ ಒಬ್ಬೊಬ್ಬಂಗಡ ಕಾಲ್‌ನ ಕತ್ತಂಡು.

ಯೋಹಾನ 14:13

ನಿಂಗ ನಾಡ ಪೆದತ್‍ಲ್ ಏದೆಲ್ಲಾ ಕ್‍ೕಪಿರೋ, ಅದ್‍ನ ನಾನ್ ಮಾಡ್‌ವಿ. ಅನ್ನನೆ ನಾಡ ಮೂಲಕ ಅಪ್ಪಂಗ್ ಮಹಿಮೆ ಕ್‍ಟ್ಟುವ.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 17:1

ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಯೇಸು ಪರಲೋಕತ್‌ನ ನೋಟುವಂಜಿ ಪ್ರಾರ್ಥನೆ ಮಾಡ್‌ವಕ್ ಸುರು ಮಾಡ್‍ಚಿ. ಅಪ್ಪಾ! ಸಮಯ ಬಂದ್‌ರ್‌ತ್, ನೀಡ ಮೋಂವೊಂಗ್ ಮಹಿಮೆ ಬಪ್ಪನೆಕೆ ಮಾಡ್, ಅಕ್ಕ ನೀಡ ಮೋಂವೊ ನೀಕ್ ಮಹಿಮೆ ಬಪ್ಪನೆಕೆ ಮಾಡ್‌ವ.

ಯೋಹಾನ 20:28

ಅಕ್ಕ ತೋಮ: ನಾಡ ಒಡೆಯನೇ ನಾಡ ದೇವನೇಂದ್ ಎಣ್ಣ್‌ಚಿ.

ಯೋಹಾನ 5:23

ಮೋಂವೊನ ಗನ ಪಡ್‍ತತಯಿಂಗ, ಅಂವೊನ ಅಯಿಚ ಅಪ್ಪನ ಸಹ ಗನ ಪಡ್‍ತತಯಿಂಗಳಾಯಿತುಂಡ್.

ಯೋಹಾನ 9:22

ಅಂವೊಂಡ ಅಪ್ಪವ್ವ ಯೆಹೂದ್ಯಂಗಡ ಅದಿಕಾರಿಯಂಗಕ್ ದುಂಬ ಬೊತ್ತ್‌ಚಿಟ್ಟಗುಂಡ್ ಇನ್ನನೆ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೇಂಗಿ ಯೇಸುನ ಕ್ರಿಸ್ತಾಂದ್ ಅರಿಕೆ ಮಾಡ್‍ಚೇಂಗಿ, ಅಂವೊನ ಸಬಾಮಂದಿರಕ್ ಪೊರಮೆ ಇಡಂಡೂಂದ್ ಯೆಹೂದ್ಯಂಗ ಅಕ್ಕಲೆ ಎಣ್ಣಿತ್ಂಜತ್.

ಅಪೊಸ್ತಲ 10:36

ಎಲ್ಲಾ ಜನಕು ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ದೇವಡ ಕೂಡೆ ಸಮಾದಾನ ಉಂಡ್‍ೕಂದ್ ಉಳ್ಳ ಸುದ್ದಿನ ಇಸ್ರಾಯೇಲ್ ಜನಕ್ ದೇವ ಅರಿಚಿಟ್ಟ ನಲ್ಲ ಸುದ್ದಿ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 2:36

ಆನಗುಂಡ್ ನಿಂಗ ಶಿಲುಬೇಕ್ ಇಟ್ಟ ಈ ಯೇಸುನ ದೇವ ಒಡೆಯನಾಯಿತು ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನಾಯಿತು ಮಾಡಿತುಂಡ್‍ೕಂದ್ ಇಸ್ರಾಯೇಲ್ ಜನಕೆಲ್ಲ ಕಂಡಿತವಾಯಿತ್ ಗೊತ್ತಿರಂಡೂಂದ್ ಎಣ್ಣ್‌ಚಿ.

ರೋಮ್ 14:11

ಅನ್ನನೆ: ಎಲ್ಲಾ ಜನಳು ನಾಡ ಮಿಂಞ ಮೊಣಕಾಲ್ ಇಡ್‌ವ, ಎಲ್ಲಾರು ಅಯಿಂಗಡ ನಾವ್ಂಜ ನನ್ನ ದೇವಾಂದ್ ಅರಿಕೆ ಮಾಡ್‌ವಾಂದ್ ಎಕ್ಕಾಲು ಜೀವವಾಯಿತುಳ್ಳ ಒಡೆಯನಾನ ನಾನೇ ಎಣ್ಣಿತುಳ್ಳ್‌ಂದ್ ಒಳ್‍ದಿ ಬೆಚ್ಚಿತುಂಡ್.

ರೋಮ್ 14:9

ಚತ್ತಯಿಂಗಕು, ಬದ್‍ಕಿಯಂಡುಳ್ಳಯಿಂಗಕು ಒಡೆಯನಾಯಿತ್‌ಪ್ಪಕಾಯಿತ್ ಕ್ರಿಸ್ತ ಚತ್ತ್ ಎದ್ದಿತ್ ಬದ್‍ಕಿಯಂಡ್ ಉಂಡ್.

ರೋಮ್ 15:9

ಅದಲ್ಲತೆ ಯೆಹೂದ್ಯಂಗಲ್ಲತಯಿಂಗ, ಅಯಿಂಗಕ್ ಕ್‍ಟ್ಟ್‌ನ ದೇವಡ ಕರುಣೆಕಾಯಿತು ದೇವಕ್ ಮಹಿಮೆ ಕೊಡ್‍ಪಕಾಯಿತು ಅಂವೊ ಬಾತ್‍ೕಂದ್ ನಾನ್ ಎಣ್ಣ್‌ವಿ. ಅದ್‍ನೇ, ದೇವಡ ವಾಕ್ಯತ್‍ಲ್: ಇದ್‍ನಗುಂಡ್ ನಾನ್ ಯೆಹೂದ್ಯಂಗ ಅಲ್ಲತಯಿಂಗಡ ಮದ್ಯತ್‍ಲ್ ನಿನ್ನ ತುದಿಚಿತ್, ನೀಡ ಪೆದತ್‍ನ ಎಣ್ಣಿತ್, ನೀಕ್ ಪಾಟ್ ಪಾಡ್‌ವೀಂದ್ ಒಳ್‍ದಿತುಂಡ್.

1 ಕೊರಿಂಥ 12:3

ಆನಗುಂಡ್, ಪವಿತ್ರಾತ್ಮತ್‍ರ ಮೂಲಕ, ತಕ್ಕ್ ಪರಿಯುವ ಏದ್ ಮನುಷ್ಯನು, ಯೇಸುನ, ಅಂವೊ ಶಾಪ ಪಡ್ಂದವೋಂದ್ ಎಣ್ಣ್‌ವದೇ ಇಲ್ಲೆ, ಪವಿತ್ರಾತ್ಮಂಡ ಸಹಾಯ ಇಲ್ಲತೆ, ಯೇಸುನ ಒಡೆಯಾಂದ್ ಎಣ್ಣ್‌ವಕ್ ದಾರ್‌ಕು ಕಯ್ಯುಲೇಂದ್ ನಾನ್ ನಿಂಗಕ್ ಎಣ್ಣ್‌ವಿ.

1 ಕೊರಿಂಥ 15:47

ಆದ್ಯ ಮನುಷ್ಯನಾನ ಆದಾಮ ಮಣ್ಣಿಂಜ ಬಂದಂವೊ, ದಂಡನೆಯಂವೊನಾನ ಕ್ರಿಸ್ತ ಪರಲೋಕತ್ಂಜ ಬಂದಂವೊ.

1 ಕೊರಿಂಥ 8:6

ಆಚೇಂಗಿ, ಎಲ್ಲಾನ ಸೃಷ್ಟಿ ಮಾಡ್‍ನ ಅಪ್ಪನಾನ ದೇವ ಒಬ್ಬನೇ; ನಂಗ ಅಂವೊಂಗಾಯಿತ್ ಬದ್‍ಕಿಯಂಡುಂಡ್. ಯೇಸು ಕ್ರಿಸ್ತ ಎಣ್ಣುವ ಒರೇ ಒರ್ ಒಡೆಯ ನಂಗಕ್ ಉಂಡ್; ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಅಂವೊನಗುಂಡ್ ನಂಗ ಬದ್‍ಕಿಯಂಡುಂಡ್.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.

1 ಯೋಹಾನ 4:15

ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

1 ಯೋಹಾನ 4:2

ಒಬ್ಬ ದೇವಡ ಆತ್ಮತ್‍ಲ್ ತಕ್ಕ್ ಪರ್ಂದಂಡುಂಡ್‍ೕಂದ್ ಎನ್ನನೆ ನಿಂಗಕ್ ಗೊತ್ತಾಪಾಂದ್ ಎಣ್ಣ್‌ಚೇಂಗಿ, ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತನ ಒತ್ತವ ಏದ್ ಆತ್ಮವು ದೇವಡಯಿಂಜ ಬಂದದ್.

2 ಯೋಹಾನ 1:7

ಯೇಸು ಕ್ರಿಸ್ತ ಮನುಷ್ಯ ರೂಪತ್‌ಲ್ ಈ ಬೂಲೋಕಕ್ ಬಾತ್‍ೕಂದ್ ಉಳ್ಳದ್‍ನ ಒತ್ತತೆ, ವಂಚನೆ ಮಾಡ್‌ವಯಿಂಗ ಈ ಲೋಕತ್‍ಲ್ ದುಂಬ ಬಂದಿತುಂಡ್. ಅನ್ನನೆ ಮಾಡ್‌ವಂವೊ ವಂಚನೆ ಮಾಡ್‌ವಂವೊನು, ಕಳ್ಳ ಕ್ರಿಸ್ತನಾಯಿತು ಉಂಡ್.

ಪ್ರಕಟನೆ 3:5

ದಾರೆಲ್ಲ ಗೆಲ್ಲುವ, ಅಂವೊಂಗ್ ಬೊಳ್‍ತ ಬಟ್ಟೆ ಇಡ್‍ವನೆಕೆ ಆಪ; ಅಂವೊಂಡ ಪೆದತ್‍ನ ಜೀವ ಪುಸ್ತಕತ್ಂಜ ಮಾಜ್ ಪೋಪಕ್ ನಾನ್ ಬುಡುಲೆ. ನಾನ್ ನಾಡ ಅಪ್ಪಂಡ ಮಿಂಞತ್ ಪಿಂಞ ಅಂವೊಂಡ ದೂತಂಗಡ ಮಿಂಞತ್ ಅಂವೊ ನಾಡಂವೋಂದ್ ಅರಿಚಿಡುವಿ.