ಫಿಲಿಪ್ಪಿ 2:10 - ಕೊಡವ ಬೈಬಲ್

¹⁰ ಆಂಗ್ ಪರಲೋಕ, ಬೂಲೋಕ ಪಿಂಞ ಪಾತಾಳತ್‍ಲ್ ಉಳ್ಳ ಎಲ್ಲಾರು ಯೇಸುರ ಪೆದಕ್ ಅಡ್ಡ ಬುದ್ದಿತ್,

ಫಿಲಿಪ್ಪಿ 2:10 Cross References

ಆದ್ಯತ್‌ರ ಪುಸ್ತಕ 41:43

ಅಂವೊನ ತಾಂಡ ದಂಡನೆ ತೇರ್‌ರ ಮೇಲೆ ಪತ್ತ್‌ಚಿಟ್ಟಿತ್, ಪಿಂಞ ತಾಂಡ ಅದಿಕಾರಿಯಂಗಕ್‌ ಹುಕುಮ್‌ ಅಂವೊನ ಮರ್ಯಾತೆ ಮಾಡಂಡುಂದ್‌ ಜೋರಾಯಿತ್‌ ಎಣ್ಣುವಕ್‌ ಕೊಡ್‌ತ್ತತ್. ಅನ್ನನೆ ಇಗುಪ್ತ ರಾಜ್ಯಕ್‌ ಅಲ್ಲಾ ಪ್ರದಾನಿಯಾಯಿತ್‌ ಮಾಡ್‌ಚಿ.

ಮತ್ತಾಯ 12:40

ಯೋನ ಪ್ರವಾದಿ ಮೂಂದ್ ಬಯಿಟ್ ಮೂಂದ್ ಪೋಲ್ ಬಲ್ಯ ಮೀನ್‌ರ ಕೆಲತ್‌ಲ್ ಇಂಜನೆಕೆ, ಮನುಷ್ಯಕುಮಾರನು ಮೂಂದ್ ಬಯಿಟ್ ಮೂಂದ್ ಪೋಲ್ ಬೂಮಿರ ಅಡಿಲ್ ಇಪ್ಪ.

ಮತ್ತಾಯ 27:29

ಪಿಂಞ ಒರ್ ಮುಳ್ಳ್ ಕಿರೀಟತ್‍ನ ಮಾಡ್‌ವಂಜಿ ಅಂವೊಂಡ ಮಂಡೆಕ್ ಇಟ್ಟಿತ್, ಬಲ್‌ತೆ ಕೈಯಿಕ್ ಒರ್ ಕೋಲ್ ಕೊಡ್‌ಪಂಜಿ ಅಂವೊಂಡ ಮಿಂಞತ್‍ಲ್ ಮೊಣಕಾಲ್ ಇಟ್ಟಿತ್: ಯೆಹೂದ್ಯಂಗಡ ರಾಜನೇ ಕಾಲಕಾಲಕ್ ಬದ್‌ಕ್‍ೕಂದ್, ಅಂವೊನ ಹಿಯಾಳ್‌ಚಿಟ್ಟತ್.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ರೋಮ್ 11:4

ದೇವ ಅಂವೊಂಗ್ ಎಂತ ಉತ್ತರ ಕೊಡ್‌ತತ್‍ೕಂದ್ ಗೊತ್ತುಂಡಲ್ಲ? ಬಾಳಂಡ ವಿಗ್ರಹಕ್ ಮೊಣಕಾಲ್ ಇಡತ ಏಳಾಯಿರ ಜನತ್‍ನ ನಾಕಾಯಿತ್ ಬಾಕಿ ಬೆಚ್ಚಿಯೇಂದ್ ಎಣ್ಣ್‌ಚಿ.

ಎಫೆಸ 1:10

ಅದ್ ಎಂತ ಎಣ್ಣ್‌ಚೇಂಗಿ, ಅಂವೊ ತೀರ್ಮಾನ ಮಾಡ್‍ನ ಕಾಲ ನೆರವೇರುವಕ, ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾನ ಕೂಟಿತ್, ಕ್ರಿಸ್ತಂಡ ಅದಿಕಾರತ್‍ರ ಅಡಿಕ್ ಕೊಂಡ್ ಬರಂಡೂಂದ್ ಉಳ್ಳದ್‍ನ ದೇವ ಪೂರ್ತಿ ಮಾಡ್‌ವ.

ಎಫೆಸ 3:14

ಈ ಕಾರಣಕಾಯಿತ್, ನಾನ್ ಪರಲೋಕತ್‍ಲ್ ಪಿಂಞ ಬೂಲೋಕತ್‍ಲ್ ಉಳ್ಳ ಎಲ್ಲಾ ಕುಟುಂಬಕ್ ಪೆದ ಕ್‍ಟ್ಟುವಕ್ ಕಾರಣವಾಯಿತುಳ್ಳ,

ಎಫೆಸ 4:9

ಅಂವೊ ಪರಲೋಕಕ್ ಪತ್ತ್‌ಚೀಂದ್ ಎಣ್ಣುವಕ, ಅದ್ಂಗ್ ಮಿಂಞ ಅಂವೊ ಬೂಮಿರ ಅಡಿಕ್ ಇಳಿಂಜ್‍ತ್‍ೕಂದ್ ಅರ್ಥ ಆಪ ಅಲ್ಲ?

ಇಬ್ರಿಯ 1:6

ಇಂಞು, ದೇವ ತಾಂಡ ಆದ್ಯ ಮೋಂವೊನ ಈ ಲೋಕತ್‍ಲ್ ಅಯಿಪಕ, ದೇವದೂತಂಗ ಎಲ್ಲಾರು ಅಂವೊನ ಆರಾದನೆ ಮಾಡಂಡೂಂದ್ ಎಣ್ಣ್‌ಚಿ.

ಪ್ರಕಟನೆ 20:13

ಸಮುದ್ರ ತಾಂಡಲ್ಲಿ ಇಂಜ ಚತ್ತಯಿಂಗಳ ಒಪ್ಪ್‌ಚಿಟ್ಟತ್. ಚಾವೂ, ಪಾತಾಳವೂ ತಾಂಡಲ್ಲಿ ಇಂಜ ಚತ್ತಯಿಂಗಳ ಒಪ್ಪ್‌ಚಿಟ್ಟತ್. ಎಲ್ಲಾರ್‌ಕು ಅಯಿಂಗಯಿಂಗ ಮಾಡ್‍ನ ಕ್ರಿಯೇಕ್ ತಕ್ಕಂತ ನ್ಯಾಯತೀರ್ಪ್ ಕ್‍ಟ್ಟ್‌ಚಿ.

ಪ್ರಕಟನೆ 4:10

ಅಕ್ಕ ಇರುವತ ನಾಲ್ ಪೆರಿಯಯಿಂಗಳು, ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊಂಡ ಮಿಂಞತ್ ಅಡ್ಡ ಬುದ್ದಿತ್, ಎಕ್ಕಾಲು ಬದ್‍ಕಿಯಂಡುಳ್ಳಂವೊನ ಆರಾದನೆ ಮಾಡಿತ್, ಅಯಿಂಗಡ ಕಿರೀಟತ್‍ನ ಸಿಂಹಾಸನತ್‍ರ ಮಿಂಞ ಬೆಚ್ಚಿತ್,

ಪ್ರಕಟನೆ 5:3

ಆ ಪುಸ್ತಕತ್‍ನ ತೊರ್‌ಪಕು, ನೋಟ್‍ವಕು, ಪರಲೋಕತ್‍ಲಾಡ್, ಬೂಮಿಯಿಲಾಡ್, ಅಲ್ಲತೆ ಬೂಮಿರ ಅಡಿಲಾಡ್ ದಾರ್‌ಕು ಕಯಿಂಜಿತ್‌ಲ್ಲೆ.