ಫಿಲಿಪ್ಪಿ 1:7 - ಕೊಡವ ಬೈಬಲ್

⁷ ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಫಿಲಿಪ್ಪಿ 1:7 Cross References

ಅಪೊಸ್ತಲ 20:23

ನಾನ್ ಪೋಪ ಜಾಗತ್‍ಲೆಲ್ಲ ಜನ ನನ್ನ ಪೊಜ್ಜಿತ್ ಜೈಲ್‌ಕ್ ಇಟ್ಟಿತ್, ತೊಂದರೆ ಮಾಡ್‌ವಾಂದ್ ಪವಿತ್ರಾತ್ಮ ಎಣ್ಣಿಯಂಡುಳ್ಳದ್ ಮಾತ್ರ ನಾಕ್ ಎಲ್ಲಾ ಜಾಗತ್‍ಲು ಗೊತ್ತಾಯಂಡುಂಡ್.

ಅಪೊಸ್ತಲ 21:33

ಅಕ್ಕ ಸೇನೆರ ಅದಿಪತಿ ಪೌಲಂಡ ಪಕ್ಕ ಬಂದಿತ್ ಅಂವೊನ ಪುಡ್‌ಚಿತ್, ಅಂವೊನ ದಂಡ್ ಸರ್ಪಣಿಲ್ ಕೆಟ್ಟ್‌ವಕ್ ಆಜ್ಞೆ ಕೊಡ್‍ತತ್. ಪಿಂಞ ಸೇನೆರ ಅದಿಪತಿ, ಇಂವೊ ದಾರ್? ಇಂವೊ ಎಂತ ಮಾಡ್‍ಚೀಂದ್ ಕ್‍ೕಟತ್.

1 ಕೊರಿಂಥ 13:7

ಪ್ರೀತಿ ಎಲ್ಲಾನ ತಾಂಗುವ, ಎಲ್ಲಾ ವಿಷಯತ್‍ಲು ನಂಬಿಕೆ ಇಡ್‌ವ, ಎಲ್ಲಾ ವಿಷಯತ್ ನಿರಿಕ್ಷೇಲ್ ಇಪ್ಪ, ಎಲ್ಲಾನ ಸಹಿಸುವ.

1 ಕೊರಿಂಥ 9:23

ನಾನ್ ಇದ್‍ನೆಲ್ಲಾ ಎನ್ನಂಗ್ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿನ ದುಂಬ ಜನ ನಂಬುವ. ಆನಗುಂಡ್ ಅದ್ಂಡ ಆಶೀರ್ವಾದತ್‍ಲ್ ನಾನ್ ಪಾಲ್‍ದಾರನಾಯಿತ್‌ಪ್ಪಿ.

2 ಕೊರಿಂಥ 3:2

ನಂಗಡ ಹೃದಯತ್‍ಲ್ ಒಳ್‍ದಿ ಬೆಚ್ಚಿತ್, ಎಲ್ಲಾರ್‌ಕು ಗೊತ್ತಾಯಿತ್ ಪಿಂಞ ಅಯಿಂಗ ಓದಿಯಂಡುಳ್ಳ ನಂಗಡ ಕಾಗದ ನಿಂಗಳೇ.

2 ಕೊರಿಂಥ 7:3

ನಿಂಗಳ ಕುತ್ತ ಪರಿಯುವಕಾಯಿತ್ ನಾನ್ ಇನ್ನನೆ ಎಣ್ಣಿಯಂಡಿಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಕೂಡೆ ಬದ್‌ಕ್‍ವಕು ಚಾವಕು ನಂಗಡ ಹೃದಯತ್‍ಲ್ ನಿಂಗ ಉಳ್ಳಿರಾಂದ್ ಮಿಂಞಲೇ ನಾನ್ ಎಣ್ಣ್‌ನ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 3:1

ಇದ್ಂಗಾಯಿತ್ ಪೌಲನಾನ ನಾನ್, ಯೆಹೂದ್ಯಂಗಲ್ಲತಯಿಂಗಳಾನ ನಿಂಗಳಗುಂಡ್, ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತ್ ಉಳ್ಳ.

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

ಎಫೆಸ 6:20

ದೇವಡ ನಲ್ಲ ಸುದ್ದಿರ ಗುಟ್ಟ್‌ನ ಎಣ್ಣುವಕ್ ಸರಿಯಾನ ಬಾಕ್ ನಾಕ್ ಕ್‍ಟ್ಟ್‌ವಕಾಯಿತ್‌ ಪ್ರಾರ್ಥನೆ ಮಾಡಿ.

ಫಿಲಿಪ್ಪಿ 1:12

ನಾಡ ಅಣ್ಣತಮ್ಮಣಂಗಳೇ, ನಾಕ್ ಆನ ಈ ಎಲ್ಲಾ ಕಷ್ಟನಷ್ಟವು, ದೇವಡ ನಲ್ಲ ಸುದ್ದಿ ಎಲ್ಲಾ ಜಾಗತ್‍ಲ್ ಪಬ್ಬ್‌ವಕ್ ಬಟ್ಟೆ ಮಾಡಿ ತಾತ್‍ೕಂದ್ ಉಳ್ಳ ವಿಷಯ ನಿಂಗಕ್ ಗೊತ್ತಾಂಡೂಂದ್ ನಾನ್ ಆಸೆ ಪಟ್ಟಂಡುಳ್ಳ.

ಫಿಲಿಪ್ಪಿ 1:13

ನಾನ್ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಎಣ್ಣ್‌ನಗುಂಡ್ ಕೈದಿಯಾಯಿತ್ ಉಳ್ಳ್‌ಂದ್, ಮುಕ್ಯವಾಯಿತ್ ಇಲ್ಲಿ ವಾಸ ಮಾಡಿಯಂಡುಳ್ಳ ಅರಮನೆರ ಎಲ್ಲಾ ಸೇವಕಂಗಕ್ ಪಿಂಞ ಇಲ್ಲಿಯತ್‍ರ ಜನಕ್ ಚಾಯಿತೆ ಗೊತ್ತುಂಡ್.

ಫಿಲಿಪ್ಪಿ 1:14

ನಾನ್ ಇನ್ನನೆ ಕೈದಿಯಾಯಿತ್ ಉಳ್ಳಗುಂಡ್, ಯೇಸುನ ನಂಬ್‍ನ ಸುಮಾರ್ ಅಣ್ಣತಮ್ಮಣಂಗ ದೇವಡ ವಿಷಯತ್‍ನ ಒರ್ ಪೋಡಿಯು ಇಲ್ಲತೆ ದುಂಬ ನಂಬಿಕೇಲ್ ದೈರ್ಯವಾಯಿತ್ ಎಣ್ಣಿಯಂಡುಂಡ್.

ಫಿಲಿಪ್ಪಿ 1:5

ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವ ವಿಷಯತ್‍ಲ್ ನಿಂಗ ಅಂವೊನ ನಂಬ್‍ನ ದಿನತ್ಂಜ ಇಲ್ಲಿಕತ್ತನೆ ನಿಂಗ ನಾಡ ಕೂಡೆ ಪಾಲ್‍ದಾರಂಗಳಾಯಿತುಳ್ಳಿರ.

ಫಿಲಿಪ್ಪಿ 2:22

ನಿಂಗಕ್ ಗೊತ್ತುಳ್ಳನೆಕೆ ಅಪ್ಪಂಡ ಕೂಡೆ ಒರ್ ಮೋಂವೊ ಸೇವೆ ಮಾಡ್‌ವನೆಕೆ ದೇವಡ ನಲ್ಲ ಸುದ್ದಿರ ವಿಷಯತ್‍ಲ್ ದೇವಡ ಬೋದನೆನ ಪಬ್ಬ್‌ಚಿಡ್‌ವಕ್ ಅಂವೊ ನಾಕ್ ದುಂಬ ಸಹಾಯ ಮಾಡ್‍ಚೀಂದ್ ಅಂವೊಂಡ ನಂಬಿಕಸ್ತ ಗುಣ ನಿಂಗಕ್ ಗೊತ್ತುಂಡ್.

ಫಿಲಿಪ್ಪಿ 4:14

ಆಚೇಂಗಿಯು, ನಿಂಗ ನಾಡ ಕಷ್ಟತ್‍ಲ್ ಕೂಡೆ ಇಂಜಿತ್ ಸಹಾಯ ಮಾಡ್‍ನದ್ ನಲ್ಲದ್.

ಫಿಲಿಪ್ಪಿ 4:15

ಫಿಲಿಪ್ಪಿ ಪಟ್ಟಣತ್‍ರ ದೇವಡ ಮಕ್ಕಳೇ, ದೇವಡ ನಲ್ಲ ಸುದ್ದಿನ ನಾನ್ ಮಕೆದೋನ್ಯತ್ಂಜ ಎಣ್ಣಿಯಂಡ್ ಪೋಪಕ ಪಣ ಸಹಾಯ ಮಾಡ್‌ವ ವಿಷಯತ್‍ಲ್ ನಿಂಗ ಮಾತ್ರ ನಾಕ್ ಅಯಿಚದಲ್ಲತೆ ಬೋರೆ ಏದ್ ಸಬೇಯು ಅಯಿಚಿತ್‌ಲ್ಲೇಂದ್ ನಿಂಗಕೇ ಗೊತ್ತುಂಡ್.

ಫಿಲಿಪ್ಪಿ 4:3

ನಾಡ ಕೂಡೆ ಸೇವೇಲ್ ಇಂಜ ಸತ್ಯತ್‍ರ ಕೂಟಾಳಿಯೇ, ಈ ದಂಡ್ ಪೊಣ್ಣಾಳ್‍ವಳ ಸಮಾದಾನತ್‍ಲ್ ಇಪ್ಪಕ್ ಸಹಾಯ ಮಾಡ್‍ೕಂದ್ ನಿನ್ನ ಬೋಡುವಿ. ಎನ್ನಂಗೆಣ್ಣ್‌ಚೇಂಗಿ, ಕ್ಲೇಮೆನ್ಸ್ ಪಿಂಞ ಬೋರೆ ನಾಡ ಕೂಡೆ ಸೇವೆ ಮಾಡ್‌ವಯಿಂಗ ಕ್ರಿಸ್ತಂಡ ನಲ್ಲ ಸುದ್ದಿನ ನೇರಾಯಿತು ಎಣ್ಣ್‌ವಕ್ ದುಂಬ ಕಷ್ಟಪಟ್ಟತ್, ಅಯಿಂಗಡ ಪೆದಯೆಲ್ಲಾ ಜೀವ ಪುಸ್ತಕತ್‍ಲ್ ಒಳ್‍ದಿತ್ ಉಂಡ್.

ಕೊಲೊಸ್ಸೆ 4:18

ಪೌಲನಾನ ನಾನ್, ನಾಡ ಕೈಯಿಂಜಲೇ ಒಳ್‍ದಿತ್ ನಿಂಗಕ್ ಈ ವಂದನೆ ಎಣ್ಣ್‌ವಿ. ನಾನ್ ಸೆರಮನೇಲ್ ಕೈದಿಯಾಯಿತ್ ಕೆಟ್ಟ್‌ಲ್ ಇಪ್ಪದ್‍ನ ಗೇನ ಬೆಚ್ಚೊಳಿ. ಕೃಪೆ ನಿಂಗಡ ಕೂಡೆ ಇರಡ್.

ಕೊಲೊಸ್ಸೆ 4:3

ನಂಗ ಕ್ರಿಸ್ತಂಡ ಗುಟ್ಟ್‌ನ ಅರಿಚಿಡ್‍ವಕಾಯಿತ್ ದೇವ ಪಡಿ ತೊರ್‌ಕಂಡೂಂದ್ ನಂಗಕ್ ಸಹ ಪ್ರಾರ್ಥನೆ ಮಾಡಿ. ಅದ್‍ನ ಎಣ್ಣ್‌ನ ಕಾರಣಕಾಯಿತೇ ಇಕ್ಕ ನಾನ್ ಕೈದಿಯಾಯಿತ್ ಜೈಲ್‍ಲ್ ಉಳ್ಳ.

1 ಥೆಸಲೊನೀಕ 5:5

ನಿಂಗೆಲ್ಲಾರು ಬೊಳಿರ ಮಕ್ಕಳಾಯಿತ್, ಪೋಲ್‍ರ ಮಕ್ಕಳಾಯಿತ್ ಉಳ್ಳಿರ; ನಂಗ ಬಯಿಟ್‌ಲ್ ಪಿಂಞ ಇರ್‌ಟ್‌ಲ್ ಬದ್‍ಕ್‍ವಯಿಂಗ ಅಲ್ಲ.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

2 ತಿಮೊಥೆಯ 2:9

ಈ ನಲ್ಲ ಸುದ್ದಿರಗುಂಡ್, ನನ್ನ ಕೊಲೆಗಾರನೆಕೆ ಸರ್ಪಣಿಲ್ ಕೆಟ್ಟಿತ್, ನಾನ್ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ದೇವಡ ವಾಕ್ಯ ಬಂದನೆ ಆಯಿತ್‌ಲ್ಲೆ.

ಫಿಲೆಮೋನ 1:13

ಕ್ರಿಸ್ತಂಡ ನಲ್ಲ ಸುದ್ದಿರಗುಂಡ್ ಕೈದಿಯಾಯಿತುಳ್ಳ ನಾಕ್ ಸೇವೆ ಮಾಡ್‌ವಕಾಯಿತ್ ನೀಕ್ ಬದ್‍ಲಾಯಿತ್ ಅಂವೊನ ನಾಡ ಪಕ್ಕ ಬೆಕ್ಕಂಡೂಂದ್ ನಾಡ ಆಸೆ.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

1 ಪೇತ್ರ 4:13

ಆಚೇಂಗಿ, ಕ್ರಿಸ್ತಂಡ ಕಷ್ಟತ್‍ಲ್ ನಿಂಗ ಪಾಲ್‍ದಾರಂಗಳಾಯಿತ್ ಉಳ್ಳಿರಾಂದ್ ಅದ್‍ಲ್ ಕುಶಿಪಡಿ, ಅಕ್ಕ, ಅಂವೊಂಡ ಮಹಿಮೆ ಎಲ್ಲಾರ್‌ಕು ಕಾಂಬನೆಕೆ ಆಪಕ, ನಿಂಗಕ್ ಬಾರಿ ಕುಶಿ ಆಪ.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

2 ಪೇತ್ರ 1:13

ನಂಗಡ ಒಡೆಯನಾನ ಯೇಸು ಕ್ರಿಸ್ತ ನಾಕ್ ಕಾಂಬ್‌ಚಿಟ್ಟನೆಕೆ, ನಾನ್ ಬೆರಿಯ ಈ ತಡಿಯಿಂಜ ಪೋಪದ್ ಗೊತ್ತಾನಗುಂಡ್, ನಾನ್ ಈ ತಡೀಲ್ ಬದ್‍ಕಿಯಂಡ್ ಇಪ್ಪಕತ್ತನೆ ನಿಂಗಡ ಗೇನಕ್ ಇದ್‍ನೆಲ್ಲಾ ಎಣ್ಣಿಯಂಡ್ ಇಪ್ಪದ್ ಸರಿಯಾಯಿತ್ ಉಂಡ್‍ೕಂದ್ ಗೇನ ಮಾಡ್‌ವಿ.

1 ಯೋಹಾನ 3:14

ನಂಗಡ ಅಣ್ಣತಮ್ಮಣಂಗಳ ಪ್ರೀತಿ ಮಾಡ್‌ವಗೊಂಡ್, ನಂಗ ಮರಣತ್ಂಜ ತಪ್ಪಿ ಪೋಯಿತ್ ನಿತ್ಯ ಜೀವಕ್ ಕೂಡಿತುಂಡ್‍ೕಂದ್ ಗೊತ್ತುಂಡ್. ದಾರ್ ಪ್ರೀತಿ ಮಾಡುಲೆ ಅಂವೊ ಮರಣತ್‌ರ ಅದಿಕಾರತ್‌ಲ್ಲೇ ಉಂಡ್.