ಫಿಲಿಪ್ಪಿ 1:27 - ಕೊಡವ ಬೈಬಲ್

²⁷ ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 1:27 Cross References

ಜ್ಞಾನತ್‌ರ ಪಡಿಮ 22:23

ಎನ್ನಂಗೆಣ್ಣ್‌ಚೇಂಗಿ ಯೆಹೋವ ಅಯಿಂಗಕಾಯಿತ್‌ ವಾದ ಮಾಡಿತ್, ಅಯಿಂಗಳ ನಾಶ ಮಾಡ್‌ನಯಿಂಗಡ ಜೀವತ್‌ನ ನಾಶ ಮಾಡಿರುವ.

ಮತ್ತಾಯ 12:25

ಫರಿಸಾಯಂಗ ಎಂತ ಗೇನ ಮಾಡಿಯಂಡುಂಡ್‍ೕಂದ್ ಗೊತ್ತಾನಗುಂಡ್, ಯೇಸು ಇನ್ನನೆ ಎಣ್ಣ್‌ಚಿ: ಒರ್ ರಾಜ್ಯತ್‍ರ ಜನ ಅಯಿಂಗಯಿಂಗಳೇ ಜಗಳ ಮಾಡಿಯಂಡ್ ಬೋರೆ ಬೋರೆ ಆಯಿತ್ಂಜತೇಂಗಿ, ಆ ರಾಜ್ಯ ಪಾಳಾಯಿ ಪೋಪ. ಒರ್ ಪಟ್ಟಣ ಅಥವ ಒರ್ ಮನೆಲ್ ಉಳ್ಳ ಜನ ಅಯಿಂಗಯಿಂಗಳೇ ಜಗಳ ಮಾಡಿಯಂಡಿಂಜತೇಂಗಿ, ಆ ಪಟ್ಟಣವು, ಮನೆಯು ಒರೇ ಗುಂಪಾಯಿತ್ ನಿಪ್ಪದಿಲ್ಲೆ.

ಅಪೊಸ್ತಲ 2:46

ಅಯಿಂಗ ದಿನಾಲು ಒರೇ ಮನಸ್ಸ್‌ಲ್ ದೇವಾಲಯತ್‍ಲ್ ಕೂಡಿಯಂಡ್, ಮನೆ ಮನೆಲ್ ಒಟ್ಟಿ ಪೊಳಿಚಿತ್, ಕುಶೀಲ್ ಉಂಡಂಡ್ ಪಿಂಞ ನೇರಾನಯಿಂಗಳಾಯಿತ್ ಇಂಜತ್.

ಅಪೊಸ್ತಲ 24:24

ಚೆನ್ನ ದಿನ ಆನ ಪಿಂಞ ಫೇಲಿಕ್ಸ, ಯೆಹೂದ್ಯಳಾನ ದ್ರೂಸಿಲ್ಲ ಎಣ್ಣುವ ಅಂವೊಂಡ ಪೊಣ್ಣ್‌ರ ಕೂಡೆ ಬಾತ್. ಅಂವೊ ಪೌಲನ ಕಾಕಿತ್, ಯೇಸು ಕ್ರಿಸ್ತನ ನಂಬುವ ವಿಷಯತ್‍ಲ್ ಅಂವೊ ಎಣ್ಣ್‌ನ ತಕ್ಕ್‌ನ ಕ್‍ೕಟತ್.

ಅಪೊಸ್ತಲ 4:32

ಯೇಸುನ ನಂಬ್‍ನಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಒರೇ ಹೃದಯತ್‍ಲ್ ಬದ್‍ಕಿಯಂಡಿಂಜತ್. ಒಬ್ಬ ಸಹ ತಾಂಡ ವಸ್ತುನ ಅಂವೊಂಗ್ ಮಾತ್ರಾಂದ್ ಎಣ್ಣಿಯಂಡಿಂಜಿಲೆ; ಅಲ್ಲಿ ಉಳ್ಳ ಎಲ್ಲಾನ ಎಲ್ಲಾರ್‌ಕು ಕೂಡನದಾಯಿತ್ಂಜತ್.

ರೋಮ್ 1:16

ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

ರೋಮ್ 1:5

ಅಂವೊಂಡ ಮೂಲಕ ಅಂವೊಂಡ ಪೆದಕಾಯಿತ್, ನಂಗ ಯೆಹೂದ್ಯಂಗ ಅಲ್ಲತ ಎಲ್ಲಾ ಜನಡ ಮದ್ಯತ್‍ಲ್ ಪೋಯಿತ್ ದೇವಡ ವಿಷಯತ್‍ನ ಪ್ರಚಾರ ಮಾಡ್‌ವಕ್ ಅಪೊಸ್ತಲಂಗಕಾನ ಅದಿಕಾರವು, ಬಾಗ್ಯವು ದೇವ ನಂಗಕ್ ತಂದಿತುಂಡ್. ಅದ್‍ನಗುಂಡ್ ಅಂವೊನ ನಂಬಿತ್, ಅಂವೊಂಗ್ ಬಗ್ಗಿತ್ ದೇವಕ್ ಮಹಿಮೆ ಕೊಂಡ್ ಬಪ್ಪ.

ರೋಮ್ 1:9

ನಾನ್ ಎಕ್ಕಾಲು ನಿಂಗಕಾಯಿತ್, ಎಚ್ಚಕ್ ಪ್ರಾರ್ಥನೆ ಮಾಡಿಯಂಡುಳ್ಳ್‌ೕಂದ್ ದೇವ ನಾಕ್ ಸಾಕ್ಷಿಯಾಯಿತ್ ಉಂಡ್. ನಾನ್ ಎಣ್ಣುವದ್ ಸತ್ಯಾಂದ್, ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವ ಮೂಲಕ, ನಾನ್ ತ್‍ೕರ ಮನಸ್ಸ್‌ಲ್ ಸೇವೆ ಮಾಡ್‌ವ ದೇವಡ ಪೆದತ್‍ಲ್ ಎಣ್ಣ್‌ವಿ.

ರೋಮ್ 10:8

ಆಚೇಂಗಿ ಅದ್ ಎಂತ ಎಣ್ಣಿಯಂಡ್ ಉಂಡ್? ದೇವಡ ವಾಕ್ಯ ನೀಡ ಪಕ್ಕತ್‍ಲ್, ನೀಡ ಬಾಯಿಲ್ ಪಿಂಞ ನೀಡ ಹೃದಯತ್‍ಲ್ ಉಂಡ್‍ೕಂದ್ ಎಣ್ಣಿಯಂಡುಂಡ್, ಅದ್ ನಂಗ ಬೋದನೆ ಮಾಡ್‌ವ ನಂಬಿಕೇರ ವಾಕ್ಯವೇ.

ರೋಮ್ 15:16

ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಲ್ಲತಯಿಂಗ ಒರ್ ಬಲಿರನೆಕೆ ಪವಿತ್ರಾತ್ಮತ್‍ರಗುಂಡ್ ಶುದ್ದ ಆಯಿತ್, ದೇವಕ್ ಒರ್ ಕುಶೀರ ಬಲಿಯಾಪನೆಕೆ, ನಲ್ಲ ಸುದ್ದಿರ ದೇವಡ ಯಾಜಕನಾಯಿತ್, ಯೇಸು ಕ್ರಿಸ್ತಂಡ ಸೇವಕನಾಯಿತ್ ಯೆಹೂದ್ಯಲ್ಲತಯಿಂಗಕ್ ನಾನ್ ಆನ.

ರೋಮ್ 15:29

ನಾನ್ ನಿಂಗಡ ಪಕ್ಕ ಬಪ್ಪಕ ಕ್ರಿಸ್ತಂಡ ಪೂರ್ತಿ ಆಶೀರ್ವಾದತ್‍ರ ಅಳ್‌ತೆಲ್ ಬಪ್ಪೀಂದ್ ನಾಕ್ ಗೊತ್ತುಂಡ್.

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

ಗಲಾತ್ಯ 1:7

ಆಚೇಂಗಿ ಇದ್‍ನ ಬುಟ್ಟಿತ್ ಬೋರೆ ನಲ್ಲ ಸುದ್ದಿ ಏದ್ ಉಂಡ್? ಚೆನ್ನ ಜನ, ನಿಂಗಡ ಮನಸ್ಸ್‌ನ ಕಲ್‍ಕಿತ್ ಕ್ರಿಸ್ತಂಡ ನಲ್ಲ ಸುದ್ದಿನ ತಿರ್‌ಕ್‍ವಕ್ ಪ್ರಯತ್ನ ಪಟ್ಟಂಡುಳ್ಳದಲ್ಲತೆ ಬೋರೆ ಒಂದು ಮಾಡಿಯಂಡಿಲ್ಲೆ.

ಎಫೆಸ 1:13

ನಿಂಗಕ್ ರಕ್ಷಣೆ ತಪ್ಪ ಕ್ರಿಸ್ತಂಡ ನೇರಾನ ನಲ್ಲ ಸುದ್ದಿ ನಿಂಗಡ ಪಕ್ಕ ಬಪ್ಪಕ, ಅದ್‍ನ ಕ್‍ೕಟಿತ್ ನಿಂಗಳು ಸಹ ನಂಬಿತುಳ್ಳಿರ. ಅದ್‍ನ ನಿಂಗ ನಂಬ್‌ವಕ, ಅಂವೊ ವಾಗ್ದಾನ ಮಾಡ್‍ನ ಪವಿತ್ರಾತ್ಮತ್‍ರಗುಂಡ್, ಅಂವೊಂಡಲ್ಲಿ ನಿಂಗ ಅಂವೊಂಗ್ ಸ್ವಂತವಾನಯಿಂಗಾಂದ್ ಉಳ್ಳ ಮುದ್ರೆನ ಪಡ್ಂದಿತುಳ್ಳಿರ.

ಎಫೆಸ 1:15

ಇದ್ಂಗಾಯಿತ್, ಒಡೆಯನಾನ ಯೇಸುರಲ್ಲಿ ನಿಂಗ ಬೆಚ್ಚಿತುಳ್ಳ ನಂಬಿಕೆ ಪಿಂಞ ದೇವಡ ಮಕ್ಕಡ ಮೇಲೆ ಬೆಚ್ಚಿತುಳ್ಳ ಪ್ರೀತಿನ ನಾನ್‌ ಕ್‍ೕಟ ದಿವಸತ್ಂಜ,

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

ಫಿಲಿಪ್ಪಿ 1:5

ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವ ವಿಷಯತ್‍ಲ್ ನಿಂಗ ಅಂವೊನ ನಂಬ್‍ನ ದಿನತ್ಂಜ ಇಲ್ಲಿಕತ್ತನೆ ನಿಂಗ ನಾಡ ಕೂಡೆ ಪಾಲ್‍ದಾರಂಗಳಾಯಿತುಳ್ಳಿರ.

ಫಿಲಿಪ್ಪಿ 2:12

ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಫಿಲಿಪ್ಪಿ 2:24

ನಾನೇ ನಿಂಗಡ ಪಕ್ಕ ಬೆರಿಯ ಬಪ್ಪೀಂದ್ ಒಡೆಯಂಡ ಮೇಲೆ ನಾಕ್ ನಂಬಿಕೆ ಉಂಡ್.

ಫಿಲಿಪ್ಪಿ 3:18

ಎನ್ನಂಗೆಣ್ಣ್‌ಚೇಂಗಿ, ದುಂಬ ಜನ ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗೆಲ್ಲಾ ಕ್ರಿಸ್ತಂಡ ಶಿಲುಬೇರ ಬೋದನೆಕ್ ವಿರೋದವಾಯಿತ್ ಬದ್‍ಕಿಯಂಡುಂಡ್. ಅಯಿಂಗಡ ವಿಷಯ ನಾನ್ ನಿಂಗಕ್ ಮಿಂಞಲೇ ದುಂಬ ಎಣ್ಣಿತುಂಡ್. ಇಕ್ಕ ಪುನಃ ನಾನ್ ನಿಂಗಕ್ ಮೊರಟಂಡ್ ಎಣ್ಣ್‌ವಿ.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

ಫಿಲಿಪ್ಪಿ 4:1

ಇದ್ಂಗಾಯಿತ್ ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಇಲ್ಲಿಕತ್ತನೆ ಎಣ್ಣ್‌ನದ್‍ನ ಗೇನ ಮಾಡಿಯಂಡ್ ಒಡೆಯಂಡ ವಿಷಯತ್‍ಲ್ ಸ್ತಿರವಾಯಿತ್ ಇರಿ. ನಾನ್ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‌ವಿ, ನಿಂಗಳ ಕಾಂಗಂಡೂಂದ್ ನಾಕ್ ದುಂಬ ಆಸೆ ಉಂಡ್. ನಿಂಗಳೇ ನಾಡ ಕುಶಿ, ನಿಂಗಳೇ ನಾಡ ಕಷ್ಟಕೆಲ್ಲ ಕ್‍ಟ್ಟ್‌ನ ಕಿರೀಟ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

ಕೊಲೊಸ್ಸೆ 1:4

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ನಿಂಗಕ್ ಉಳ್ಳ ನಂಬಿಕೆ ಪಿಂಞ ದೇವಡ ಮಕ್ಕಡ ಮೇಲೆ ಉಳ್ಳ ನಿಂಗಡ ಪ್ರೀತಿನ ನಂಗ ಕ್‍ೕಟತ್.

1 ಥೆಸಲೊನೀಕ 3:6

ಇಕ್ಕ ತಿಮೊಥೆಯ ನಿಂಗಡಲ್ಲಿಂಜ ನಂಗಡ ಪಕ್ಕ ಬಂದಿತ್, ನಿಂಗ ನಂಬಿಕೇಲ್ ಸ್ತಿರವಾಯಿತ್ ಇಪ್ಪಾನ ಪಿಂಞ ಒಬ್ಬೊಬ್ಬಂಡ ಮೇಲೆ ಉಳ್ಳ ನಿಂಗಡ ಪ್ರೀತಿನ, ನಲ್ಲರಿಕೆಯಾಯಿತ್ ನಂಗಕ್ ಎಣ್ಣ್‌ಚಿ. ನಿಂಗ ನಂಗಳ ಎಕ್ಕಾಲು ಕುಶೀಲ್ ಗೇನ ಮಾಡಿಯಂಡ್, ನಂಗ ನಿಂಗಳ ಕಾಂಗಂಡೂಂದ್ ಆಸೇಲ್ ಗೇನ ಮಾಡ್‌ವನೆಕೆ, ನಿಂಗಳು ನಂಗಳ ಕಾಂಗಂಡೂಂದ್ ಆಸೆಯಾಯಿತ್ ಉಳ್ಳಿರಾಂದ್ ಅಂವೊ ನಂಗಕ್ ಎಣ್ಣ್‌ಚಿ.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

1 ತಿಮೊಥೆಯ 1:11

ಆಶೀರ್ವಾದತ್‍ರ ದೇವಡ ಮಹಿಮೆಯಾನ ನಲ್ಲ ಸುದ್ದಿರನೆಕೆ ನಾಕ್ ತಂದ ನಲ್ಲ ಬೋದನೆಕ್ ವಿರೋದವಾಯಿತ್ ಮಾಡ್‌ವಯಿಂಗಕೇ ಅದ್‍ನ ಕೊಡ್‍ತತ್.

1 ತಿಮೊಥೆಯ 1:19

ನೀನ್ ನಂಬಿಕೆಯು, ನಲ್ಲ ಮನಸಾಕ್ಷಿಯು ಉಳ್ಳಂವೊನಾಯಿತಿರ್. ಚೆನ್ನ ಜನ ಈ ನಲ್ಲ ಮನಸಾಕ್ಷಿನ ಕ್‍ೕಕತೆ, ಕ್ರಿಸ್ತಂಡ ಮೇಲೆ ಉಳ್ಳ ನಂಬಿಕೇನ, ಒಡಂದ್ ಪೋನ ಹಡ್‍ಗ್‍ರನೆಕೆ ಮಾಡಿತ್‌ಪ್ಪ.

2 ತಿಮೊಥೆಯ 4:7

ನಾನ್ ನಲ್ಲ ಪೋರಾಟತ್‍ನ ಪೋರಾಡ್‍ನ, ಓಟತ್‍ನ ಪೂರ್ತಿ ಮಾಡ್‍ನ, ನಾಡ ನಂಬಿಕೇನ ಕಾಪಾಡ್‍ನ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:10

ಎಜಮಾನಂಡ ಮನೆಲ್ ಒಂದು ಕಳ್ಳತ್ತನ ಮಾಡತೆ, ಎಲ್ಲಾ ವಿಷಯತ್‍ಲು ಎಜಮಾನಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಅಯಿಂಗಕ್ ಬುದ್ದಿ ಎಣ್ಣ್. ಅನ್ನನೆ ಇಂಜತೇಂಗಿ, ನಂಗಡ ರಕ್ಷಕನಾನ ದೇವಡ ಬೋದನೆನ ಕ್‍ೕಪಯಿಂಗ ಎಲ್ಲಾರು ಅದ್ಂಗ್ ಕೆಮಿ ಕೊಡ್‌ತಿತ್ ಮರ್ಯಾದೆ ತಪ್ಪ.

ಯಾಕೋಬ 3:18

ಸಮಾದಾನ ಮಾಡ್‌ವಯಿಂಗ ಸಮಾದಾನತ್‍ಲ್ ಬಿತ್ತುವ ಕುರು, ನೀತಿರ ಪಣ್ಣ್‌ನ ತಪ್ಪ.

2 ಪೇತ್ರ 3:11

ಎಲ್ಲಾ ಇನ್ನನೆ ನಾಶ ಆಯಿ ಪೋಪಗುಂಡ್, ನಿಂಗ ಎನ್ನನೆ ಉಳ್ಳಯಿಂಗಳಾಯಿತ್ ಇಕ್ಕಂಡು? ನಿಂಗ ಪವಿತ್ರವಾಯಿತ್, ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕಂಡು.

2 ಪೇತ್ರ 3:14

ಆನಗುಂಡ್ ನಾಡ ಪ್ರೀತಿರ ಜನಳೇ, ಇನ್ನತದೆಲ್ಲ ಬಪ್ಪಾಂದ್ ಪಾರಕಾತಂಡ್ ಉಳ್ಳಾಂಗ್, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ಕುತ್ತ ಇಲ್ಲತಯಿಂಗಳಾಯಿತು, ಅಂವೊಂಡ ಕೂಡೆ ಸಮಾದಾನತ್‍ಲ್ ಇಪ್ಪಯಿಂಗಳಾಯಿತ್ ಎಚ್ಚರತ್‍ಲ್ ಇರಂಡು.

ಯೂದ ಒಳ್‍ದ್‍ನ ಕಾಗದ 1:3

ನಾಡ ಪ್ರೀತಿರ ಜನಳೇ, ನಂಗಕೆಲ್ಲಾರ್‌ಕು ಕ್‍ಟ್ಟ್‌ನ ರಕ್ಷಣೆರ ವಿಷಯತ್‍ನ ನೇರಾಯಿತ್ ಒಳ್‍ದ್‍ವಕ್ ಇಂಜ, ಆಚೇಂಗಿ ಇಕ್ಕ, ದೇವ ಅಂವೊಂಡ ಮಕ್ಕಳಾಯಿತ್ ಮಾಡ್‍ನಯಿಂಗಕ್ ಒಮ್ಮಕೆ ಒಪ್ಪ್‌ಚಿಟ್ಟ ನಂಬಿಕೆಕಾಯಿತ್ ನಿಂಗ ದೈರ್ಯತ್‍ಲ್ ಪೊರಾಡಂಡೂಂದ್ ಎಚ್ಚರ ಮಾಡಿತ್ ಒಳ್‍ದ್‍ವಕ್ ಅವಸ್ಯ ಉಂಡ್‍ೕಂದ್ ನಾಕ್ ತೋಂದ್‍ಚಿ.