ಫಿಲಿಪ್ಪಿ 1:19 - ಕೊಡವ ಬೈಬಲ್

¹⁹ ನಿಂಗಡ ಪ್ರಾರ್ಥನೆ ಪಿಂಞ ಯೇಸು ಕ್ರಿಸ್ತಂಡ ಆತ್ಮತ್‍ರ ಸಹಾಯತ್‍ಲ್ ನಾಡ ಬುಡ್‌ಗಡೆಕ್‌ ಬಟ್ಟೆ ಆಪಾಂದ್ ನಾಕ್ ಗೊತ್ತುಂಡ್.

ಫಿಲಿಪ್ಪಿ 1:19 Cross References

ಅಪೊಸ್ತಲ 16:7

ಅಯಿಂಗ ಮೂಸ್ಯ ಸೀಮೆರ ಪಕ್ಕ ಬಂದಿತ್ ಅಲ್ಲಿಂಜ ಬಿಥೂನ್ಯ ಎಣ್ಣುವ ಪಟ್ಟಣಕ್ ಪೋಪಕ್ ಪ್ರಯತ್ನಪಟ್ಟತ್. ಅಲ್ಲಿಯು ಸಹ ಯೇಸುರ ಆತ್ಮ ಅಯಿಂಗಳ ಪೋಪಕ್ ಬುಟ್ಟಿತ್‌ಲ್ಲೆ.

ರೋಮ್ 8:28

ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್.

ರೋಮ್ 8:9

ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

1 ಕೊರಿಂಥ 4:17

ಇದ್ಂಗಾಯಿತೇ ನಾನ್ ನಾಡ ಪ್ರೀತಿರ ಮೋಂವೊನು, ಒಡೆಯಂಗ್ ಸತ್ಯವುಳ್ಳಂವೊನು ಆಯಿತುಳ್ಳ ತಿಮೊಥೆಯನ ನಿಂಗಡ ಪಕ್ಕ ಅಯಿಚಂಡುಳ್ಳ. ನಾನ್ ಎಲ್ಲಾ ಜಾಗತ್‍ಲ್ ಎಲ್ಲಾ ಸಬೇಲ್ ಬೋದನೆ ಮಾಡ್‌ವನೆಕೆ, ಕ್ರಿಸ್ತ ಯೇಸುರಲ್ಲಿ ಉಳ್ಳ ನಾಡ ಬದ್‍ಕ್‍ರ ವಿಷಯತ್‍ನ ನಿಂಗಕ್ ಜ್ಞಾಪಕ ಮಾಡ್‌ವಿ.

2 ಕೊರಿಂಥ 1:11

ನಿಂಗ ನಿಂಗಡ ಪ್ರಾರ್ಥನೆರ ಮೂಲಕ ನಂಗಕ್ ಸಹಾಯ ಮಾಡಂಡು. ಅಕ್ಕ, ನಂಗಡ ಬದ್ರತೆಕಾಯಿತ್ ಮಾಡ್‍ನ ಪ್ರಾರ್ಥನೆಕ್ ದೇವ ಉತ್ತರ ಕೊಡ್‌ತಿತ್ ನಂಗಳ ಆಶೀರ್ವಾದ ಮಾಡ್‍ಚೇಂದ್ ದುಂಬ ಜನ ನಂಗಕಾಯಿತ್ ವಂದನೆ ಎಣ್ಣುವ.

ಗಲಾತ್ಯ 3:5

ಅದಲ್ಲತೆ, ನಿಂಗಕ್ ಪವಿತ್ರಾತ್ಮತ್‍ನ ತಂದಿತ್, ನಿಂಗಡ ಮದ್ಯತ್‍ಲ್ ಅದ್ಬುತ ಕಾರ್ಯತ್‍ನ ಮಾಡ್‍ಚಿ. ನಿಂಗ ನ್ಯಾಯಪ್ರಮಾಣಕ್ ಬಗ್ಗಿತ್ ನಡ್‍ಪಗುಂಡ್ ಅನ್ನನೆ ಮಾಡ್‍ಚಾ? ಅನ್ನನೆ ಅಲ್ಲ. ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಕ್‍ೕಟಿತ್ ಅದ್‍ನ ನಂಬ್‍ನಗುಂಡ್ ಮಾತ್ರ ಅನ್ನನೆ ಮಾಡ್‍ಚಿ.

ಗಲಾತ್ಯ 4:6

ನಂಗ ದೇವಡ ಮಕ್ಕಳಾನಗುಂಡ್, ದೇವ ಅಂವೊಂಡ ಮೋಂವೊಂಡ ಆತ್ಮತ್‌ನ ನಂಗಡ ಹೃದಯತ್‍ಲ್ ಅಯಿಚಿತ್, ಅಂವೊನ ಪ್ರೀತಿರ ಅಪ್ಪಾ ಪಪ್ಪಾಂದ್ ಕಾಕ್‍ವನೆಕೆ ಮಾಡ್‍ಚಿ.

ಫಿಲಿಪ್ಪಿ 1:18

ನಲ್ಲ ಮನಸ್ಸ್‌ಲ್ ಆಡ್, ಕೆಟ್ಟ ಮನಸ್ಸ್‌ಲ್ ಆಡ್ ಎನ್ನನಾಚೇಂಗಿಯು ಕ್ರಿಸ್ತಂಡ ನಲ್ಲ ಸುದ್ದಿ ಪ್ರಾಚಾರ ಆಯಂಡುಳ್ಳಗುಂಡ್ ನಾಕ್ ದುಂಬ ಕುಶಿ ಆಯಂಡುಂಡ್. ಇಂಞು ಈ ವಿಷಯತ್ ನಾನ್ ಕುಶಿ ಪಡುವಿ.

1 ಪೇತ್ರ 1:11

ಅಯಿಂಗಡಲ್ಲಿ ಇಂಜ ಕ್ರಿಸ್ತಂಡ ಆತ್ಮ, ಕ್ರಿಸ್ತಂಗ್ ಬಪ್ಪಕುಳ್ಳ ಕಷ್ಟತ್‍ನ ಪಿಂಞ ಅದ್‍ನಗುಂಡ್ ಬಯ್ಯ ಬಪ್ಪ ಮಹಿಮೆನ ಮಿಂಞಲೇ ಎಣ್ಣುವಕ, ಏದ್ ಕಾಲತ್‍ಲ್ ಇನ್ನನೆಲ್ಲ ಆಪಾ, ಆ ಕಾಲತ್‍ಲ್ ಎಂತೆಲ್ಲಾ ಆಪಾಂದ್ ಸಹ ಪಡಿಚಂಡಿಂಜತ್.