ಫಿಲಿಪ್ಪಿ 1:16 - ಕೊಡವ ಬೈಬಲ್

¹⁶ ಅನ್ನನೆ ಮಾಡ್‌ವಯಿಂಗ ನಾನ್‌ ಕ್ರಿಸ್ತಂಡ ನಲ್ಲ ಸುದ್ದಿನ ಎಣ್ಣ್‌ವಕ್ ದೇವ ನನ್ನ ನೇಮಿಚಿಟ್ಟಿತುಂಡ್‍ೕಂದ್ ಗೊತ್ತಾನಗುಂಡ್ ಪ್ರೀತಿಲ್ ಎಣ್ಣಿಯಂಡುಂಡ್

ಫಿಲಿಪ್ಪಿ 1:16 Cross References

1 ಕೊರಿಂಥ 9:17

ನಾನ್ ನಾಡ ಕುಶೀಲ್ ಈ ಸೇವೇನ ಮಾಡ್‍ಚೇಂಗಿ, ನಾಕ್ ಫಲ ಉಂಡ್; ಆಚೇಂಗಿ ಇದ್‍ನ ಮಾಡಂಡೂಂದ್ ನಾನ್ ತೀರ್ಮಾನ ಮಾಡಿತ್ತ್‌ಲ್ಲೆ. ನನ್ನ ನಂಬಿತ್, ಈ ಜವಾಬ್ದಾರಿನ ದೇವ ನಾಕ್ ಕೊಡ್‌ತಿತುಂಡ್. ನಾನ್ ಇದ್‍ಯಿಂಜ ತಪ್ಪಿಚಿಡ್‌ವಕ್ ಕಯ್ಯುಲೆ.

2 ಕೊರಿಂಥ 2:17

ದುಂಬ ಜನತ್‍ರನೆಕೆ, ನಂಗಕ್ ಲಾಬ ಕ್‍ಟ್ಟ್‌ವಕಾಯಿತ್ ದೇವಡ ವಾಕ್ಯತ್‍ನ ಕಲಪ್‍ಲ್ ಬೋದನೆ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್, ನಂಬಿಕಸ್ತಂಗಳಾಯಿತ್, ದೇವ ಅಯಿಚಯಿಂಗಳಾಯಿತ್, ದೇವಡ ಮಿಂಞತ್‍ಲ್ ತಕ್ಕ್ ಪರ್ಂದಂಡುಂಡ್.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

ಫಿಲಿಪ್ಪಿ 1:12

ನಾಡ ಅಣ್ಣತಮ್ಮಣಂಗಳೇ, ನಾಕ್ ಆನ ಈ ಎಲ್ಲಾ ಕಷ್ಟನಷ್ಟವು, ದೇವಡ ನಲ್ಲ ಸುದ್ದಿ ಎಲ್ಲಾ ಜಾಗತ್‍ಲ್ ಪಬ್ಬ್‌ವಕ್ ಬಟ್ಟೆ ಮಾಡಿ ತಾತ್‍ೕಂದ್ ಉಳ್ಳ ವಿಷಯ ನಿಂಗಕ್ ಗೊತ್ತಾಂಡೂಂದ್ ನಾನ್ ಆಸೆ ಪಟ್ಟಂಡುಳ್ಳ.

ಫಿಲಿಪ್ಪಿ 1:5

ಎನ್ನಂಗೆಣ್ಣ್‌ಚೇಂಗಿ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವ ವಿಷಯತ್‍ಲ್ ನಿಂಗ ಅಂವೊನ ನಂಬ್‍ನ ದಿನತ್ಂಜ ಇಲ್ಲಿಕತ್ತನೆ ನಿಂಗ ನಾಡ ಕೂಡೆ ಪಾಲ್‍ದಾರಂಗಳಾಯಿತುಳ್ಳಿರ.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಫಿಲಿಪ್ಪಿ 2:22

ನಿಂಗಕ್ ಗೊತ್ತುಳ್ಳನೆಕೆ ಅಪ್ಪಂಡ ಕೂಡೆ ಒರ್ ಮೋಂವೊ ಸೇವೆ ಮಾಡ್‌ವನೆಕೆ ದೇವಡ ನಲ್ಲ ಸುದ್ದಿರ ವಿಷಯತ್‍ಲ್ ದೇವಡ ಬೋದನೆನ ಪಬ್ಬ್‌ಚಿಡ್‌ವಕ್ ಅಂವೊ ನಾಕ್ ದುಂಬ ಸಹಾಯ ಮಾಡ್‍ಚೀಂದ್ ಅಂವೊಂಡ ನಂಬಿಕಸ್ತ ಗುಣ ನಿಂಗಕ್ ಗೊತ್ತುಂಡ್.

ಫಿಲಿಪ್ಪಿ 4:15

ಫಿಲಿಪ್ಪಿ ಪಟ್ಟಣತ್‍ರ ದೇವಡ ಮಕ್ಕಳೇ, ದೇವಡ ನಲ್ಲ ಸುದ್ದಿನ ನಾನ್ ಮಕೆದೋನ್ಯತ್ಂಜ ಎಣ್ಣಿಯಂಡ್ ಪೋಪಕ ಪಣ ಸಹಾಯ ಮಾಡ್‌ವ ವಿಷಯತ್‍ಲ್ ನಿಂಗ ಮಾತ್ರ ನಾಕ್ ಅಯಿಚದಲ್ಲತೆ ಬೋರೆ ಏದ್ ಸಬೇಯು ಅಯಿಚಿತ್‌ಲ್ಲೇಂದ್ ನಿಂಗಕೇ ಗೊತ್ತುಂಡ್.

ಫಿಲಿಪ್ಪಿ 4:3

ನಾಡ ಕೂಡೆ ಸೇವೇಲ್ ಇಂಜ ಸತ್ಯತ್‍ರ ಕೂಟಾಳಿಯೇ, ಈ ದಂಡ್ ಪೊಣ್ಣಾಳ್‍ವಳ ಸಮಾದಾನತ್‍ಲ್ ಇಪ್ಪಕ್ ಸಹಾಯ ಮಾಡ್‍ೕಂದ್ ನಿನ್ನ ಬೋಡುವಿ. ಎನ್ನಂಗೆಣ್ಣ್‌ಚೇಂಗಿ, ಕ್ಲೇಮೆನ್ಸ್ ಪಿಂಞ ಬೋರೆ ನಾಡ ಕೂಡೆ ಸೇವೆ ಮಾಡ್‌ವಯಿಂಗ ಕ್ರಿಸ್ತಂಡ ನಲ್ಲ ಸುದ್ದಿನ ನೇರಾಯಿತು ಎಣ್ಣ್‌ವಕ್ ದುಂಬ ಕಷ್ಟಪಟ್ಟತ್, ಅಯಿಂಗಡ ಪೆದಯೆಲ್ಲಾ ಜೀವ ಪುಸ್ತಕತ್‍ಲ್ ಒಳ್‍ದಿತ್ ಉಂಡ್.