ಫಿಲಿಪ್ಪಿ 1:14 - ಕೊಡವ ಬೈಬಲ್

¹⁴ ನಾನ್ ಇನ್ನನೆ ಕೈದಿಯಾಯಿತ್ ಉಳ್ಳಗುಂಡ್, ಯೇಸುನ ನಂಬ್‍ನ ಸುಮಾರ್ ಅಣ್ಣತಮ್ಮಣಂಗ ದೇವಡ ವಿಷಯತ್‍ನ ಒರ್ ಪೋಡಿಯು ಇಲ್ಲತೆ ದುಂಬ ನಂಬಿಕೇಲ್ ದೈರ್ಯವಾಯಿತ್ ಎಣ್ಣಿಯಂಡುಂಡ್.

ಫಿಲಿಪ್ಪಿ 1:14 Cross References

ಮಾರ್ಕ 3:3

ಯೇಸು ಆ ಮನುಷ್ಯನ ಎಲ್ಲಾಡ ಮಿಂಞತ್ ಎದ್ದಿತ್ ನಿಪ್ಪಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:74

ಆನಗುಂಡ್ ನಂಗ ಅಂವೊನ ಜೀವವುಳ್ಳ ಕಾಲವೆಲ್ಲಾ ಪೋಡಿಯಿಲ್ಲತೆ ಪವಿತ್ರವಾಯಿತ್,

2 ಕೊರಿಂಥ 3:12

ನಂಗಕ್ ಇಚ್ಚಕ್ ನಿರೀಕ್ಷೆ ಉಳ್ಳಾಂಗ್, ನಂಗ ದುಂಬ ದೈರ್ಯ ಉಳ್ಳಯಿಂಗಳಾಯಿತುಂಡ್.

2 ಕೊರಿಂಥ 7:4

ನಿಂಗಡ ವಿಷಯತ್ ನಾಕ್ ದುಂಬ ದೈರ್ಯ ಉಂಡ್; ನಿಂಗಡ ವಿಷಯತ್ ದುಂಬ ಹೆಮ್ಮೆ ಪಟ್ಟಂಡುಳ್ಳ. ನಾಕ್ ದುಂಬ ಪುರ್‌ಡ್ ಕ್‍ಟ್ಟಿತುಂಡ್, ನಂಗಕ್ ಆನ ಎಲ್ಲಾ ಹಿಂಸೆಲು ನಿಂಗ ನನ್ನ ದುಂಬ ಕುಶಿಪಡ್‍ತಿತುಳ್ಳಿರ.

ಎಫೆಸ 3:13

ಆನಗುಂಡ್, ನಿಂಗಡಗುಂಡ್ ನಾನ್ ಅನುಬವಿಚಿಡುವ ಹಿಂಸೆಕಾಯಿತ್ ನಿಂಗ ತಳ್ಂದ್ ಪೋಕತೆ ಇರಂಡೂಂದ್ ನಾನ್ ನಿಂಗಳ ಬೋಡುವಿ. ಇದೆಲ್ಲ ನಿಂಗಡ ನಲ್ಲದ್‍ಕಾಯಿತೇ ಆಯಂಡುಂಡ್.

ಫಿಲಿಪ್ಪಿ 1:20

ಆನಗುಂಡ್, ನಾನ್ ಆಸೇಲ್ ಪಾರಕಾತಂಡ್ ದೇವಡ ಮೇಲೆ ದುಂಬ ನಂಬಿಕೆ ಬೆಚ್ಚಿತುಳ್ಳಗುಂಡ್, ನಾಕ್ ಇದ್ಂಡ ವಿಷಯತ್‍ಲ್ ಞಾಣ ಆಪುಲೆ, ಅದ್ಂಡ ಬದ್‍ಲ್ ನಾನ್ ಮಿಂಞ ಇಂಜನೆಕೆ ಇಕ್ಕಲು ಯೇಸುರ ವಿಷಯತ್‍ಲ್ ದೈರ್ಯತ್‍ಲ್ ಇಪ್ಪಿ. ನಾನ್ ಬದ್‍ಕ್‍ಚೇಂಗಿಯು ಚತ್ತತೇಂಗಿಯು ಯೇಸು ಕ್ರಿಸ್ತನ ಮಹಿಮೆ ಪಡ್‍ತ್‍ವೀಂದ್ ನಾಕ್ ನಂಬಿಕೆ ಉಂಡ್.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಫಿಲಿಪ್ಪಿ 4:1

ಇದ್ಂಗಾಯಿತ್ ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಇಲ್ಲಿಕತ್ತನೆ ಎಣ್ಣ್‌ನದ್‍ನ ಗೇನ ಮಾಡಿಯಂಡ್ ಒಡೆಯಂಡ ವಿಷಯತ್‍ಲ್ ಸ್ತಿರವಾಯಿತ್ ಇರಿ. ನಾನ್ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‌ವಿ, ನಿಂಗಳ ಕಾಂಗಂಡೂಂದ್ ನಾಕ್ ದುಂಬ ಆಸೆ ಉಂಡ್. ನಿಂಗಳೇ ನಾಡ ಕುಶಿ, ನಿಂಗಳೇ ನಾಡ ಕಷ್ಟಕೆಲ್ಲ ಕ್‍ಟ್ಟ್‌ನ ಕಿರೀಟ.

ಕೊಲೊಸ್ಸೆ 4:4

ನಾನ್ ಅದ್‍ನ ಎನ್ನನೆ ಎಣ್ಣಂಡುವೊ ಅನ್ನನೆ ಚಾಯಿತೆ ಅರಿಚಿಡಂಡೂಂದ್ ಪ್ರಾರ್ಥನೆ ಮಾಡಿ.

ಕೊಲೊಸ್ಸೆ 4:7

ಪ್ರೀತಿರ ತಮ್ಮಣ ತುಖಿಕ, ನಿಂಗಕ್ ನಾಡ ವಿಷಯತ್‌ನೆಲ್ಲ ಎಣ್ಣಿ ತಪ್ಪ. ಅಂವೊ ನಂಬಿಕಸ್ತನಾನ ಸೇವಕನು, ನಂಗಡ ಕೂಡೆ ಒಡೆಯಂಡ ಸೇವೆ ಮಾಡ್‍ವಂವೊನಾಯಿತು ಉಂಡ್.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

2 ತಿಮೊಥೆಯ 2:9

ಈ ನಲ್ಲ ಸುದ್ದಿರಗುಂಡ್, ನನ್ನ ಕೊಲೆಗಾರನೆಕೆ ಸರ್ಪಣಿಲ್ ಕೆಟ್ಟಿತ್, ನಾನ್ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ದೇವಡ ವಾಕ್ಯ ಬಂದನೆ ಆಯಿತ್‌ಲ್ಲೆ.