ಫಿಲಿಪ್ಪಿ 1:13 - ಕೊಡವ ಬೈಬಲ್

¹³ ನಾನ್ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಎಣ್ಣ್‌ನಗುಂಡ್ ಕೈದಿಯಾಯಿತ್ ಉಳ್ಳ್‌ಂದ್, ಮುಕ್ಯವಾಯಿತ್ ಇಲ್ಲಿ ವಾಸ ಮಾಡಿಯಂಡುಳ್ಳ ಅರಮನೆರ ಎಲ್ಲಾ ಸೇವಕಂಗಕ್ ಪಿಂಞ ಇಲ್ಲಿಯತ್‍ರ ಜನಕ್ ಚಾಯಿತೆ ಗೊತ್ತುಂಡ್.

ಫಿಲಿಪ್ಪಿ 1:13 Cross References

ಅಪೊಸ್ತಲ 26:29

ಅದ್ಂಗ್ ಪೌಲ: ಚೆನ್ನ ಪ್ರಯತ್ನನತ್ಂಜ ಆಡ್, ಅಥವ ದುಂಬ ಪ್ರಯತ್ನನತ್ಂಜ ಆಡ್, ನಿಂಗ ಮಾತ್ರ ಅಲ್ಲತೆ, ಇಂದ್ ನಾಡ ಈ ಸತ್ಯತ್‍ನ ಕ್‍ೕಪಯಿಂಗೆಲ್ಲಾರು, ನಾಡ ಮೇಲೆ ಉಳ್ಳ ಈ ಕೈದಿರ ಸರ್ಪಣಿನ ಬುಟ್ಟಿತ್, ಪೂರ್ತಿಯಾಯಿತ್ ನನ್ನನೆಕೆ ಆಂಡೂಂದ್ ದೇವಡ ಪಕ್ಕ ಪ್ರಾರ್ಥನೆ ಮಾಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 26:31

ಅಲ್ಲಿಯಿಂಜ ಪೋಯಂಡಿಪ್ಪಕ, ಈ ಮನುಷ್ಯ ಮರಣ ಶಿಕ್ಷೆಕಾಡ್, ಜೈಲ್‍ಲ್ ಇಡ್‍ವಕಾಡ್ ತಕ್ಕಂತ ಒರ್ ಕುತ್ತವು ಮಾಡಿತ್‌ಲ್ಲೇಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 28:17

ಮೂಂದ್ ದಿವಸ ಕಯಿಂಜ ಪಿಂಞ, ಪೌಲ ಯೆಹೂದ್ಯ ಜನಡಡೆಲ್ ಮುಕ್ಯಪಟ್ಟಯಿಂಗಳ ತಾಂಡ ಪಕ್ಕ ಕಾಕ್‌ಚಿಟ್ಟತ್. ಅಯಿಂಗೆಲ್ಲಾರು ಸಬೇಕೂಡ್‌ನ ಪಿಂಞ, ಅಂವೊ ಅಯಿಂಗಳ ನೋಟಿತ್: ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಜನಕ್, ನಂಗಡ ಅಜ್ಜಂಗಡ ಆಚಾರಕ್ ವಿರೋದವಾಯಿತ್ ಒಂದು ಮಾಡತೆ ಪೋಚೇಂಗಿಯು, ಯೆರೂಸಲೇಮ್‍ಲ್ ರೋಮ್ ರಾಜ್ಯತ್‍ರ ಜನಡ ಕೈಕ್ ಕೈದಿಯಾಯಿತ್ ನನ್ನ ಒಪ್ಪ್‌ಚಿಟ್ಟತ್.

ಅಪೊಸ್ತಲ 28:20

ಈ ಕಾರಣಕಾಯಿತೇ ನಾನ್ ನಿಂಗಳ ಕಂಡಿತ್ ತಕ್ಕ್ ಪರಿಯಂಡೂಂದ್ ಕಾಕ್‍ಚಿಟ್ಟಿಯೇ. ಇಸ್ರಾಯೇಲ್ ಜನಡ ನಂಬಿಕೇರ ನಿರೀಕ್ಷೆಕಾಯಿತ್ ಮಾತ್ರ ನಾನ್ ಇನ್ನನೆ ಸರ್ಪಣಿಲ್ ಕೈದಿಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಅಪೊಸ್ತಲ 28:30

ಅಲ್ಲಿಂಜ ಅಂವೊ ತಾನ್ ಮಾಡ್‍ನ ಬಾಡಿಗೆ ಮನೆಲ್, ದಂಡ್ ಕಾಲ ಇಂಜಿತ್, ತಾಂಡ ಪಕ್ಕ ಬಪ್ಪಯಿಂಗಳೆಲ್ಲಾ ಸ್ವೀಕಾರ ಮಾಡ್‍ಚಿ.

ಎಫೆಸ 3:1

ಇದ್ಂಗಾಯಿತ್ ಪೌಲನಾನ ನಾನ್, ಯೆಹೂದ್ಯಂಗಲ್ಲತಯಿಂಗಳಾನ ನಿಂಗಳಗುಂಡ್, ಕ್ರಿಸ್ತ ಯೇಸುಕಾಯಿತ್ ಕೈದಿಯಾಯಿತ್ ಉಳ್ಳ.

ಎಫೆಸ 4:1

ಆನಗುಂಡ್, ದೇವ ನಿಂಗಳ ಕಾಕ್‍ನನೆಕೆ, ನಿಂಗ ಅದ್ಂಗ್ ಯೋಗ್ಯವಾನ ಬದ್‍ಕ್‍ನ ಬಾಳಡೂಂದ್ ಒಡೆಯಂಗಾಯಿತ್ ಕೈದಿಯಾಯಿತ್ ಉಳ್ಳ ನಾನ್, ನಿಂಗಳ ಬೋಡುವಿ.

ಎಫೆಸ 6:20

ದೇವಡ ನಲ್ಲ ಸುದ್ದಿರ ಗುಟ್ಟ್‌ನ ಎಣ್ಣುವಕ್ ಸರಿಯಾನ ಬಾಕ್ ನಾಕ್ ಕ್‍ಟ್ಟ್‌ವಕಾಯಿತ್‌ ಪ್ರಾರ್ಥನೆ ಮಾಡಿ.

ಫಿಲಿಪ್ಪಿ 1:30

ಈ ಪೋರಾಟತ್‍ಲ್ ನಂಗೆಲ್ಲಾರು ಕೂಡೆ ಉಂಡ್. ನಾಕ್ ಇಂಜ ಪೋರಾಟತ್‍ನ ನಿಂಗ ಕಂಡಿತುಳ್ಳಿರ, ಇಕ್ಕಲು ನಾನ್ ಅದ್ಂಡ ಮದ್ಯತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತುಂಡ್.

ಫಿಲಿಪ್ಪಿ 1:7

ನಿಂಗ ನಾಡ ಹೃದಯತ್‍ಲ್ ಎಕ್ಕಾಲು ವಾಸಮಾಡಿಯಂಡುಳ್ಳಗುಂಡ್, ನಿಂಗ ಎಲ್ಲಾಡ ವಿಷಯತ್‍ಲ್ ನಾನ್ ಇನ್ನನೆ ಎಣ್ಣ್‌ವದ್ ನಾಕ್ ಚಾಯೀಂದ್ ಕಾಂಬ. ದೇವ ನಾಡ ಮೇಲೆ ಕಾಂಬ್‍ಚಿಟ್ಟ ವಿಶೇಷವಾನ ಕೃಪೇರ ವಿಷಯತ್‍ಲ್, ನಾನ್ ಜೈಲ್‍ಲ್ ಇಪ್ಪಕಲು, ನಲ್ಲ ಸುದ್ದಿರ ವಿಷಯತ್‍ಲ್ ಜವಾಬ್ ಕೊಡ್‌ತಂಡ್ ಸ್ತಾಪನೆ ಮಾಡ್‌ವಕಲು, ನಾಡ ಕೂಡೆ ಪಾಲ್‍ದಾರಂಗಳಾಯಿತ್ ಉಳ್ಳಿರ.

ಫಿಲಿಪ್ಪಿ 4:22

ಯೇಸುನ ನಂಬ್‍ನ ಇಲ್ಲಿಯತ್‍ರ ಎಲ್ಲಾ ಅಣ್ಣತಮ್ಮಣಂಗಳು ನಿಂಗಕ್ ವಂದನೆ ಎಣ್ಣಿಯಂಡುಂಡ್, ಮುಕ್ಯವಾಯಿತ್ ಇಲ್ಲಿಯತ್‍ರ ಕೈಸರಂಡ ಅರಮನೇಲ್ ಸೇವೆ ಮಾಡಿಯಂಡುಳ್ಳ ದೇವಡ ಮಕ್ಕ ವಂದನೆ ಎಣ್ಣಿಯಂಡುಂಡ್.

2 ತಿಮೊಥೆಯ 2:9

ಈ ನಲ್ಲ ಸುದ್ದಿರಗುಂಡ್, ನನ್ನ ಕೊಲೆಗಾರನೆಕೆ ಸರ್ಪಣಿಲ್ ಕೆಟ್ಟಿತ್, ನಾನ್ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ದೇವಡ ವಾಕ್ಯ ಬಂದನೆ ಆಯಿತ್‌ಲ್ಲೆ.