ಫಿಲಿಪ್ಪಿ 1:1 - ಕೊಡವ ಬೈಬಲ್

¹ ಯೇಸು ಕ್ರಿಸ್ತಂಡ ಸೇವಕನಾನ ಪೌಲ ಪಿಂಞ ತಿಮೊಥೆಯ, ಫಿಲಿಪ್ಪಿ ಪಟ್ಟಣತ್‍ಲ್ ಕ್ರಿಸ್ತ ಯೇಸುರ ಕೂಡೆ ಉಳ್ಳ ಐಕ್ಯತ್‍ಲ್ ದೇವಡ ಮಕ್ಕಳಾಯಿತುಳ್ಳ ಎಲ್ಲಾ ಜನಕು, ನಿಂಗಡ ಮೇಲೆ ಜವಾಬ್ದಾರಿಯಾಯಿತುಳ್ಳ ಸಬೆರ ಪೆರಿಯಯಿಂಗಕು ಪಿಂಞ ಅಯಿಂಗಕ್ ಸಹಾಯ ಮಾಡ್‌ವ ಪೆರಿಯಯಿಂಗಕು ಒಳ್‍ದ್‍ವ ಕಾಗದ ಇದ್.

ಫಿಲಿಪ್ಪಿ 1:1 Cross References

ಮಾರ್ಕ 13:34

ಒರ್ ಮನುಷ್ಯ ಅಂವೊಂಡ ಮನೆನ ಬುಟ್ಟಿತ್ ದೂರ ದೇಶಕ್ ಪೋಪಕ, ಅಂವೊಂಡ ಆಳ್ಂಗಕ್ ಅದಿಕಾರ ಕೊಡ್‌ತಿತ್, ಅಯಿಂಗಯಿಂಗಕ್ ಕೆಲಸತ್‍ನ ಪಾಲ್ ಮಾಡಿ ಕೊಡ್‌ತಿತ್, ಎಚ್ಚರತ್‍ಲ್ ಇರ್‍ೕಂದ್ ಮನೆನ ಕಾಪಂವೊಂಗ್ ಎಣ್ಣಿತ್ ಪೋಪ.

ಯೋಹಾನ 12:26

ನಾಕ್ ಸೇವೆ ಮಾಡ್‌ವಕ್ ಕುಶಿಪಡ್‌ವಯಿಂಗ ನಾನ್ ಮಾಡ್‌ವನೆಕೆ ಮಾಡಿತ್ ನಾಡ ಬಯ್ಯಕ್ ಬರಂಡು; ನಾನ್ ಎಲ್ಲಿ ಇಪ್ಪಿ ಅಲ್ಲಿ ಅಂವೊನು ಇಪ್ಪ; ನಾಕ್ ಒಬ್ಬ ಸೇವೆ ಮಾಡ್‍ಚೇಂಗಿ ಅಪ್ಪನಾನ ದೇವ ಅಂವೊನ ಗನಪಡುತುವಾಂದ್ ಎಣ್ಣ್‌ಚಿ.

ಅಪೊಸ್ತಲ 1:20

ದೇವಡ ಪಾಟ್ ಪುಸ್ತಕತ್‍ಲ್: ಅಂವೊಂಡ ಮನೆ ನಾಶ ಆಡ್, ಅಲ್ಲಿ ದಾರೂ ವಾಸ ಮಾಡತೆ ಇರಡ್, ಅಂವೊಂಡ ಪದವಿ ಬೋರೆ ಒಬ್ಬಂಗ್ ಕ್‍ಟ್ಟಡ್‍ೕಂದ್ ಒಳ್‍ದಿ ಬೆಚ್ಚಿತುಂಡ್.

ಅಪೊಸ್ತಲ 20:28

ಆನಗುಂಡ್, ನಿಂಗಡ ವಿಷಯತ್‍ಲ್ ಪಿಂಞ ದೇವ ತಾಂಡ ಸ್ವಂತ ಚೋರೆಯಿಂಜ ಸಂಪಾದನೆ ಮಾಡ್‍ನ, ಸಬೇನ ನಡ್‍ತುವ ವಿಷಯತ್‍ಲು ಎಚ್ಚರತ್‍ಲ್ ಇರಿ. ಪವಿತ್ರಾತ್ಮ, ಅಂವೊಂಡ ಕೊರಿರ ಗುಂಪ್‍ರನೆಕೆ ಉಳ್ಳ ಸಬೆರ ಜನಕ್ ಸಬೆರ ಪೆರಿಯಯಿಂಗಳಾಯಿತ್ ನಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 9:13

ಅದ್ಂಗ್ ಅನನೀಯ: ಒಡೆಯನೇ, ಆ ಮನುಷ್ಯ ಯೆರೂಸಲೇಮ್‍ಲ್ ನಿನ್ನ ನಂಬುವ ದೇವಡ ಮಕ್ಕಕ್ ಎಚ್ಚಕೋ ಕೆಟ್ಟದ್‍ನ ಮಾಡಿತುಂಡ್‍ೕಂದ್ ಅಂವೊಂಡ ವಿಷಯತ್ ದುಂಬ ಜನ ಎಣ್ಣ್‌ವಾನ ಕ್‍ೕಟಿಯೆ.

ರೋಮ್ 1:1

ಯೇಸು ಕ್ರಿಸ್ತಂಡ ಸೇವಕನು, ಅಪೊಸ್ತಲನಾಯಿತ್‌ಪ್ಪಕ್ ದೇವ ಕಾಕ್‌ನಂವೊನು, ದೇವಡ ನಲ್ಲ ಸುದ್ದಿನ ಅರಿಚಿಡುವಕಾಯಿತ್ ದೇವ ಗೊತ್ತ್ ಮಾಡ್‍ನ ಪೌಲನಾನ ನಾನ್ ಒಳ್‍ದ್‍ವ ಕಾಗದ ಇದ್.

ರೋಮ್ 1:7

ದೇವ ನಿಂಗಳ ಪ್ರೀತಿ ಮಾಡಿತ್, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ಕಾಕ್‍ಚಿ. ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆಯು ಸಮಾದಾನವು ನಿಂಗಕ್ ಕ್‍ಟ್ಟಡ್.

1 ಕೊರಿಂಥ 16:10

ತಿಮೊಥೆಯ ನಿಂಗಡ ಪಕ್ಕ ಬಾತೇಂಗಿ, ಅಂವೊ ನಿಂಗಡ ಕೂಡೆ ದೈರ್ಯತ್‍ಲ್ ಇಪ್ಪಕ್ ಸಹಾಯ ಮಾಡಿ, ಅಂವೊ ನಾಡನೆಕೆ ದೇವಡ ಸೇವೆ ಮಾಡಿಯಂಡುಂಡ್.

2 ಕೊರಿಂಥ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ ಪಿಂಞ ನಂಗಡ ತಮ್ಮಣನಾನ ತಿಮೊಥೆಯ ಕೂಡಿತ್, ಕೊರಿಂಥ ಪಟ್ಟಣತ್‍ಲ್ ಉಳ್ಳ ಸಬೇಕ್ ಪಿಂಞ ಅಖಾಯ ಪ್ರಾಂತ್ಯತ್‍ರ ಎಲ್ಲಾ ಜಾಗತ್‍ಲ್ ಉಳ್ಳ ಯೇಸುನ ನಂಬ್‍ನ ಎಲ್ಲಾ ಜನಕ್ ಒಳ್‍ದ್‍ವ ಕಾಗದ ಇದ್.

ಗಲಾತ್ಯ 1:10

ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.

ಗಲಾತ್ಯ 3:26

ಯೇಸು ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೇರಗುಂಡ್ ಇಕ್ಕ ನಿಂಗ ದೇವಡ ಮಕ್ಕಳಾಯಿತ್ ಉಳ್ಳಿರ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಎಫೆಸ 1:1

ದೇವಡ ಚಿತ್ತತ್‍ರನೆಕೆ ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೌಲ, ಎಫೆಸ ಪಟ್ಟಣತ್‍ಲ್, ಯೇಸು ಕ್ರಿಸ್ತಂಡಲ್ಲಿ ನಂಬಿಕೆ ಇಟ್ಟಿತುಳ್ಳ ದೇವಡ ಮಕ್ಕಕ್ ಒಳ್‍ದ್‍ವ ಕಾಗದ ಇದ್.

ಎಫೆಸ 1:15

ಇದ್ಂಗಾಯಿತ್, ಒಡೆಯನಾನ ಯೇಸುರಲ್ಲಿ ನಿಂಗ ಬೆಚ್ಚಿತುಳ್ಳ ನಂಬಿಕೆ ಪಿಂಞ ದೇವಡ ಮಕ್ಕಡ ಮೇಲೆ ಬೆಚ್ಚಿತುಳ್ಳ ಪ್ರೀತಿನ ನಾನ್‌ ಕ್‍ೕಟ ದಿವಸತ್ಂಜ,

ಎಫೆಸ 6:24

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ಕಾಲಕಾಲಕು ಪಾಳಾಕತ ಪ್ರೀತಿ ಮಾಡ್‌ವ ಎಲ್ಲಾಡ ಕೂಡೆ ಕೃಪೆ ಇಕ್ಕಡ್. ಆಮೆನ್.

ಫಿಲಿಪ್ಪಿ 2:19

ಒಡೆಯನಾನ ಯೇಸುಕ್ ಚಿತ್ತ ಉಂಡೇಂಗಿ, ತಿಮೊಥೆಯನ ನಿಂಗಡ ಪಕ್ಕ ಬೆರಿಯ ಅಯಿಕಂಡೂಂದ್ ಗೇನ ಮಾಡಿತುಳ್ಳ. ಅಂವೊ ನಾಡ ಪಕ್ಕ ಬಂದಿತ್ ನಿಂಗಡ ವಿಷಯತ್‍ನ ಎಣ್ಣಿತ್ ನನ್ನ ಕುಶಿಪಡ್‌ತ್‌ವ.

ಫಿಲಿಪ್ಪಿ 2:5

ಕ್ರಿಸ್ತ ಯೇಸುರಲ್ಲಿ ಇಂಜ ಅದೇ ಮನಸ್ಸ್ ನಿಂಗಡಲ್ಲಿ ಇರಡ್.

ಫಿಲಿಪ್ಪಿ 3:12

ಇಕ್ಕ ನಾಕ್ ಎಲ್ಲಾ ಕ್‌ಟ್ಟಿಪೋಚಿ, ನಾಕ್ ಎಲ್ಲಾ ಗೊತ್ತಾಚಿ, ಪೂರ್ತಿಯಾಯಿತ್ ಬದ್‍ಕಿಯಂಡುಳ್ಳ್‌ಂದ್ ಗೇನ ಮಾಡತೆ, ಕ್ರಿಸ್ತ ಯೇಸು ನನ್ನ ಎನ್ನಂಗಾಯಿತ್ ಕಾಕ್‌ಚೋ, ಅದ್‍ನ ಪುಡಿಪಕ್ ಕುಶೀಲ್ ಓಡಿಯಂಡುಳ್ಳ.

ಫಿಲಿಪ್ಪಿ 3:3

ಅಯಿಂಗಕ್ ಸುನ್ನತಿ ಆನಗುಂಡ್ ಅಯಿಂಗಳೇ ನೇರಾನ ದೇವಡ ಜನಾಂದ್ ಅಯಿಂಗ ಗೇನ ಮಾಡಿಯಂಡುಂಡ್. ಆಚೇಂಗಿ, ಸುನ್ನತಿ ಮಾಡಿತುಂಡೇಂಗಿಯು, ಮಾಡತೆ ಇಂಜತೇಂಗಿಯು ನಂಗಳೇ ನೇರಾನ ದೇವಡ ಮಕ್ಕ. ಎನ್ನಂಗೆಣ್ಣ್‌ಚೇಂಗಿ, ಅಂವೊನ ತುದಿಪಕ್ ದೇವಡ ಆತ್ಮ ನಂಗಕ್ ಸಹಾಯ ಮಾಡಿಯಂಡುಂಡ್; ನಂಗ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಕುಶಿಪಟ್ಟಂಡುಂಡ್. ನಂಗಡ ತಡೀಲ್ ಮಾಡ್‌ವ ಏದ್ ಪದ್ದತಿರಗುಂಡು ನಂಗ ದೇವಡ ಮಕ್ಕಳಾಪುಲೆ.

ಫಿಲಿಪ್ಪಿ 3:8

ಅಚ್ಚಕ್ ಮಾತ್ರ ಅಲ್ಲ, ನಾಡ ಒಡೆಯನಾನ ಕ್ರಿಸ್ತ ಯೇಸುರ ವಿಷಯತ್‍ನ ಅರಿಯುವ ಜ್ಞಾನತ್‍ರ ಮಿಂಞತ್ ಬೋರೆ ಒಂದು ಪ್ರಯೋಜನ ಇಲ್ಲತದ್‍ೕಂದ್ ಗೇನ ಮಾಡ್‍ನ. ಕ್ರಿಸ್ತನ, ನಾಡ ಸ್ವಂತವಾಯಿತ್ ಮಾಡ್‌ವಕ್, ಅಂವೊಂಡ ಪಕ್ಕ ನಾನ್ ಇಪ್ಪಕಾಯಿತ್, ನಾಕ್ ಉಳ್ಳ ಎಲ್ಲಾನ ಕಳೆಂದಿತ್, ಅದೆಲ್ಲಾ ಕಸಕ್ ಸಮಾಂದ್ ಗೇನ ಮಾಡಿಯೆ.

1 ಥೆಸಲೊನೀಕ 1:1

ಪೌಲನಾನ ನಾನ್, ಸಿಲ್ವಾನ ಪಿಂಞ ತಿಮೊಥೆಯಂಡ ಕೂಡೆ, ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡಲ್ಲಿ ಉಳ್ಳ ಥೆಸಲೊನೀಕ ಪಟ್ಟಣತ್‍ರ ದೇವಡ ಸಬೇಲ್ ಉಳ್ಳ ಮಕ್ಕಕ್ ಒಳ್‍ದ್‍ವ ಕಾಗದ ಇದ್. ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

2 ಥೆಸಲೊನೀಕ 1:1

ನಂಗಡ ಅಪ್ಪನಾನ ದೇವಕ್ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಗ್ ಕೂಡ್‍ನ ಥೆಸಲೊನೀಕ ಪಟ್ಟಣತ್‍ಲ್ ಉಳ್ಳ ದೇವಡ ಸಬೆರ ಮಕ್ಕಕ್ ಪೌಲನಾನ ನಾನ್, ಸಿಲ್ವಾನ ಪಿಂಞ ತಿಮೊಥೆಯ ಕೂಡಿತ್ ಒಳ್‍ದ್‍ವ ಕಾಗದ ಇದ್.

2 ಥೆಸಲೊನೀಕ 1:10

ಅನ್ನನೆ ಅಂವೊ ಬಪ್ಪಕ, ಅಂವೊನ ನಂಬ್‍ನ ಪವಿತ್ರವಾನಯಿಂಗಡಲ್ಲಿ ಮಹಿಮೆ ಪಟ್ಟಿತ್, ಅಂವೊನ ನಂಬ್‍ನಯಿಂಗಡಗುಂಡ್ ಬಲ್ಯ ಗನತ್‍ನ ಪಡೆಯುವ. ಅಕ್ಕ, ನಿಂಗಳು ಅಯಿಂಗಡ ಕೂಡೆ ಇಪ್ಪಿರ, ಎನ್ನಂಗೆಣ್ಣ್‌ಚೇಂಗಿ, ನಂಗ ಎಣ್ಣ್‌ನ ಸಾಕ್ಷಿನ ನಿಂಗ ನಂಬಿತುಳ್ಳಿರ.

1 ತಿಮೊಥೆಯ 1:2

ದೇವಡ ನಂಬಿಕೇಲ್ ನಾಡ ನೇರಾನ ಮೋಂವೊನಾನ ತಿಮೊಥೆಯಂಗ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡಯಿಂಜಲು, ನಂಗಡ ಒಡೆಯನಾನ ಯೇಸು ಕ್ರಿಸ್ತಡಿಂಜಲು ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

1 ತಿಮೊಥೆಯ 3:8

ಅನ್ನನೆ ಸಬೇಲ್ ಸಹಾಯ ಮಾಡ್‌ವಯಿಂಗಳು ಮರ್ಯಾದಸ್ತಂಗಳಾಯಿತ್ ಪಿಂಞ ನೇರಾನಯಿಂಗಳಾಯಿತ್ ಇರಂಡು; ಕುಡ್‍ಕಂಗಳಾಯಿತ್, ಕಳ್ಳತನತ್‌ಲ್ ಸಂಪಾದನೆ ಮಾಡ್‌ವಯಿಂಗಳಾಯಿತ್ ಇಪ್ಪಕ್ಕಾಗ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:1

ದೇವಡ ಸೇವಕನಾಯಿತು, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತು ಉಳ್ಳ ಪೌಲನಾನ ನಾನ್, ನಂಗಕುಳ್ಳ ಒರೇ ತರ ನಂಬಿಕೇರೆ ಮೂಲಕ ಕ್ರಿಸ್ತನಗುಂಡ್ ನಾಕ್ ನೇರಾನ ಮೋಂವೊನಾಯಿತ್ ಉಳ್ಳ ತೀತಂಗ್ ಒಳ್‍ದ್‍ವ ಕಾಗದ ಇದ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:7

ಸಬೆರ ಪೆರಿಯಯಿಂಗ ದೇವಡ ಮಕ್ಕಳ ಚಾಯಿತೆ ನಡ್‍ತಿಯಂಡ್ ಪೋಪ ಜವಾಬ್ದಾರಿ ಉಳ್ಳಂವೊನಾಯಿತ್ ಇಪ್ಪ. ಆನಗುಂಡ್, ದಾರೂ ಕುತ್ತ ಪರಿಯುವಕ್ ಕಯ್ಯತನೆಕೆ ಅಂವೊಂಡ ಬದ್‍ಕ್ ಇರಂಡು. ಅಂವೊಂಡ ಕುಶೀರನೆಕೆ ಮಾಡ್‍ವಂವೊನಾಯಿತು, ಬೆರಿಯ ಚೆಡಿ ಬಪ್ಪಂವೊನಾಯಿತು, ಕುಡಿಪಂವೊನಾಯಿತು, ಜಗಳ ಮಾಡ್‌ವಕ್ ಕುಶಿಯುಳ್ಳಂವೊನಾಯಿತು, ದುಡ್ಡ್‌ರ ಮೇಲೆ ಆಸೆ ಉಳ್ಳಂವೊನಾಯಿತು ಇಪ್ಪಕ್ಕಾಗ.

ಫಿಲೆಮೋನ 1:1

ಕ್ರಿಸ್ತ ಯೇಸುರ ವಿಷಯತ್ ಕೈದಿಯಾಯಿತುಳ್ಳ ಪೌಲುನು, ನಂಗಡ ತಮ್ಮಣನಾನ ತಿಮೊಥೆಯನು, ನಂಗಕ್ ದುಂಬ ಪ್ರೀತಿಯುಳ್ಳ, ನಂಗಡ ಕೂಡೆ ಸೇವೆ ಮಾಡಿಯಂಡುಳ್ಳ ಫಿಲೆಮೋನಂಗ್,

ಇಬ್ರಿಯ 13:23

ನಾಡ ತಮ್ಮಣನಾನ ತಿಮೊಥೆಯಂಗ್ ಬುಡುಗಡೆ ಕ್‍ಟ್ಟ್‌ಚೀಂದ್ ಗೊತ್ತಿರಡ್; ಅಂವೊ ಬೆರಿಯ ಬಾತೇಂಗಿ, ಅಂವೊಂಡ ಕೂಡೆ ಬಂದಿತ್, ನಿಂಗಳ ಕಾಂಬಿ.

ಯಾಕೋಬ 1:1

ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬ, ಬೋರೆ ಬೋರೆ ನಾಡ್‍ಲ್ ಚದ್‌ರಿ ಪೋಯಿತುಳ್ಳ ಪನ್ನೆರಂಡ್ ಕುಲತ್‍ರ ಜನಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಇದ್.

1 ಪೇತ್ರ 2:25

ಚದ್‌ರಿ ಪೋಯಿತ್ಂಜ ಕೊರಿರನೆಕೆ ಇಂಜಿರ; ಆಚೇಂಗಿ ಇಕ್ಕ ಕೊರಿ ಕಾಪಂವೊನೆಕೆ ನಿಂಗಡ ಆತ್ಮತ್‌ನ ನಡ್‍ತಿಯಂಡ್ ಪೋಪಂವೊಂಡ ಪಕ್ಕ, ಪಿಂಞ ನಿಂಗಳ ನೋಟುವ ಪೆರಿಯಂವೊಂಡ ಪಕ್ಕವು ಬಂದಿತುಳ್ಳಿರ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಪ್ರಕಟನೆ 1:1

ಇಂಞು ಮಿಂಞಕ್ ಬೆರಿಯ ಆಪಕುಳ್ಳ ವಿಷಯತ್‍ನ ತಾಂಡ ಸೇವಕಂಗಕ್ ಕಾಂಬ್‌ಚಿಡುಕಾಯಿತ್ ದೇವ ಯೇಸು ಕ್ರಿಸ್ತಂಗ್ ಕೊಡ್‍ತ ಪ್ರಕಟನೆ ಇದ್. ಅಂವೊ ಅದ್‍ನ ತಾಂಡ ದೂತಂಡ ಮೂಲಕ ತಾಂಡ ಸೇವಕನಾನ ಯೋಹಾನಂಗ್ ಗೊತ್ತ್ ಮಾಡಿ ಕೊಡ್‍ತತ್.

ಪ್ರಕಟನೆ 1:20

ನಾಡ ಬಲ್‌ತೆ ಕೈಯಿಲ್ ನೀನ್ ನೋಟ್‌ನ ಏಳ್ ನಕ್ಷತ್ರತ್‍ರ ಮರ್ಮತ್‍ನ ಪಿಂಞ ಕುತ್ತ್ ಬೊಳ್‍ಚತ್‍ರ ಮರ್ಮತ್‍ನ ಒಳ್‍ದ್. ಆ ಏಳ್ ನಕ್ಷತ್ರ, ಏಳ್ ಸಬೆರ ದೂತಂಗ; ನೀನ್ ನೋಟ್‌ನ ಏಳ್ ಕುತ್ತ್ ಬೊಳ್‍ಚ ಏಳ್ ಸಬೇಂದ್ ಎಣ್ಣ್‌ಚಿ.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 2:12

ಪೆರ್ಗಮ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ದಂಡ್ ಪಕ್ಕವು ಚೂಪಾಯಿತುಳ್ಳ ಬಾಳ್ ಕತ್ತಿನ ಪುಡ್‍ಚಂಡ್ ಉಳ್ಳಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 2:8

ಸ್ಮುರ್ನ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಆದ್ಯವಾಯಿತ್ ಉಳ್ಳಂವೊನು, ಆಕೀರ್ ಆಯಿತ್ ಉಳ್ಳಂವೊನು, ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಿತ್ ಬದ್‍ಕಿಯಂಡ್ ಇಪ್ಪಂವೊನಾಯಿತುಳ್ಳಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 22:9

ಅಕ್ಕ ಆ ದೇವದೂತ: ನಾಕ್ ನೀನ್ ಇನ್ನನೆ ಮಾಡತೆ, ನೀಡ ಕೂಡೆ, ನೀಡ ಅಣ್ಣತಮ್ಮಣಂಗಡ ಕೂಡೆ, ಪ್ರವಾದಿಯಂಗಡ ಕೂಡೆ, ಈ ಪುಸ್ತಕತ್‍ರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಡ ಕೂಡೆ ನಾನ್ ಸಹ ಒರ್ ಸೇವಕ ಅಚ್ಚಕೆ. ದೇವನ ಆರಾದನೆ ಮಾಡ್‍ೕಂದ್ ಎಣ್ಣ್‌ಚಿ.