JOSHUA 17:6 - BUKUIT NE TILIIL Sireet ne Dutero Kanon

⁶ amu ki tinyei tiibiigap Manasseh poroteet kobooto weeriikyik. Ak ki punji emetap Gilead weeriigap Manasseh che ki ng'et.

Bukuit Ne Tilil

⁶ amu ki tinyei tiibiigap Manasseh poroteet kobooto weeriikyik. Ak ki punji emetap Gilead weeriigap Manasseh che ki ng'et.

BUKUIT NE TILIL

⁶ amu kitinyei tibikab Manase borotet koboto werikyik: ak kibunji emetab Gilead werikab Manase che king’et.

JOSHUA 17:6 Cross References

EZEKIEL 48:4

Ak kobooch kiwotetap Naphtali, kong'etee komostap kong'asiis agoi komostap cherongo; koegu kebeberta agenge ne po Manasseh.

JOSHUA 13:29

Ki igoochi `Musa kebebertap pororyetap Manasseh poroteet. Ki punji icheek kebebertap pororyetap Manasseh ko uu ortinwekwak.

JOSHUA 13:30

Kiboch kiwotennywa Mahanaim, Bashan tugul, laitornatet tugul ne po Og laitoryatap Bashan ak nganasook tugul che po Jair che mi Bashan, nganasook che eecheen tamanwogik lo.

JOSHUA 13:31

Kibooto kebebertap Gilead, Astarot, Edrei, nganasook che eecheen che po laitornatetap Og eng' Bashan. Ki punji chuuto lagogap Makir weeriitap Manasseh kebebertap lagogap Makir ko uu ortinwekwak.

JOSHUA 17:5

Ki sich Manasseh kebeberwek taman koma pooto emetap Gilead ak Bashan, ne mi Jordan pitoniin,

JOSHUA 17:7

Kiwotetap Manasseh kong'etee Asher kot koit Mikmethath, ne neegitee Shekem. Ki testai kiwoteet kwo komostap tai, kotokyigei ole menyei piigap En-tapua.

JOSHUA 22:7

Kiga kogoochi `Musa kebebertap pororyetap Manasseh poroteet eng' Bashan: ak ki igoochi `Joshua kebeberta age ne po pororyonooto poroteet eng' kwenutap tupchosyekwak eng' Jordan pitoniin ole tokyingei cherongo. Ak kingo machei `Joshua komwachi icheek koba emaisyekwak koberuur,