२ तिमोथि 4:3 - जुम्‍ली

³ क्‍यानकि यइथा दिन आउन्‍याछुन्, तेइबेला मान्‍ठहरु स्‍हाँचो सिच्‍छ्‌याकन स्‍हन स्‍हक्‍यानाइ, तर आपुकन मुन लाग्‍या कुडा मात्‍तै स्‍हुन्‍न मुन गन्‍न्‍याछुन् र आपुकन मुन लाग्‍या कुडा सिकाउन्‍याहरुकन खेड्‌न्‍याछुन्,

२ तिमोथि 4:3 Cross References

लुका 20:19

तब धर्मगुरुहरु र मुख्‍य पुजारिहरुले तेइबेला इसुकन पक्डुन खोज्‍या। क्‍यानभुन्‍या तिनुहरुकन थाँ छियो कि यइ उखान तिनुहरुकै बिरोदमै भुन्‍न्‍याछिया तर तिनुहरु मान्‍ठहरु स्‍हात भेइ मान्‍ना छिया।

लुका 6:26

“धिक्‍कार तुमिकन जब स्‍हबै मान्‍ठहरुले तुमिहरुको गुनगान गन्‍न्‍याछुन्! क्‍यानभुन्‍या तिनुहरुका पुर्खाहरुले परमेसोरको रैबर टोट्‌उन्‍याकन पुनि तेइथै गर्‍या छिया।

प्रेरित 17:21

अनि स्‍हबै एथेन्‍सका मान्‍ठहरु र ताँइ बैन्‍या बिदेसिहरुले अरु कुडामै भुन्‍दा नौला नौला कुडा भुन्‍न्‍या र स्‍हुन्‍न्‍या गरि दिन काट्‍टाछिया।

१ तिमोथि 1:10

बेबिचारिहरुकन, लोक्‍न्‍याले लोग्‍न्‍या स्‍हात र स्‍हैनिले स्‍हैनि स्‍हात बेबिचार गन्‍न्‍याहरुकन, मान्‍ठ अपरण गरि किनबेच गन्‍न्‍याहरुकन, टोट्‌टाउन्‍याहरुकन, बिफरो स्‍हाँचि दिन्‍याहरुकन, र स्‍हाँचो सिच्‍छ्‌याको बिरोद्‌दमै भया अरु यइथै कुडाहरुका बिअ हो।

२ तिमोथि 1:13

ख्रिस्‍ट इसुमै भया बिसास र मायामै रौ, तुमिले मुबाट स्‍हुन्‍या स्‍हाँचा सिच्‍छ्‌याहरु मान।