२ तिमोथि 4:18 - जुम्‍ली

¹⁸ प्रभुले मुकन स्‍हबै अराम्‍मा कुडाबाट जोगाउन्‍याछुन्, र मुकन उनुको सोर्गको राज्‍यामै कुसलै ल्‍याउन्‍याछुन्। उनुको उकुरै महिमा होस्। आमेन।

२ तिमोथि 4:18 Cross References

लुका 11:4

हाम्‍मा पापहरु माप गद्‌देउ क्‍यानभुन्‍या हामि पुनि हाम्‍मा बिरोदमै नराम्‍मो गन्‍न्‍याकन माप गद्‌दाछौ। हामिकन जाँचमै पड्‌न नदेउ।’”

लुका 12:32

“नानो बगाल, भेइ नमान! क्‍यानभुन्‍या तुमिहरुकन आम्‍नो राज्‍याका मान्‍ठ बुनाउन परमेसोर बाबा खुसि छुन्।

लुका 22:29

ज्‍यागरि मेरा बाबाले मुकन एक राज्‍या दियाछुन, र मु पुनि तुमिहरुकन दिन्‍याछु।

१ थेसलोनिकि 5:23

सान्‍तिका परमेसोर आपैले स्‍हबै तरिकाले तुमिहरुकन पबित्‍त पारुन्, र तुमिहरुका आत्‍मा, परान र हड हाम्‍मा प्रभु इसु ख्रिस्‍ट फेरि आउन्‍या दिनमै कोइ पुनि खोट नभया होस्।

२ थेसलोनिकि 3:3

तर प्रभु बिसासिला छुन्। उनुले तुमिहरुकन भरिला गराउन्‍याछुन् र दुस्‍टबाट जगाइ राख्‍न्‍याछुन्।

१ तिमोथि 1:17

जुगौं जुगका राजा, कैले नास नहुन्‍या र नदेखिन्‍या एकमात्‍तै परमेसोरकन स्‍हुम्‍मान र महिमा उकुरै भैरओस्। आमेन।

१ तिमोथि 6:16

उनु अजम्‍बरि रैरन्‍छुन्, र उनु तेइथो उजिलाउदो बैथाछुन् तेइ उजिला काखति कोइ पुनि जान स्‍हक्‍तैनुन्। उनुकन कोइ मान्‍ठले पुनि देख्‍या नाइ, न त देख्‍न स्‍हक्‍तोछ। उनुको मान होस् र सक्‍ति उकुरै रैरहोस्। आमेन।

२ तिमोथि 1:12

यइबिअ मोइले यिँ दुख स्‍हयाछु। तर मु स्‍हरम मान्‍नैन क्‍यानभुन्‍या मुइले को मै बिसास गर्‍याछु तेइ मुकन मात्‍तै थाँ छ र तेइ बेला स्‍हम्‍म मुइले उनुमै गर्‍या बिसास उनुकनै स्‍हुम्‍पियाछु, तेइ जगाइ राख्‍न स्‍हक्‍न्‍याछुन् भुनि मु पक्‍का छु।

२ तिमोथि 4:1

ज्‍युँदा र मर्‍याका स्‍हबै मान्‍ठहरुको निसाप गन्‍न आउन्‍या ख्रिस्‍ट इसुको र परमेसोरको अगेडि, अनि उनु आउन्‍या दिन र उनुको राज्‍याकन ध्‍यानमै राखि मु तुमिकन स्‍हारो आग्‍या दिदाछु,