२ तिमोथि 3:12 - जुम्‍ली

¹² यइ भया कुडा हो, ख्रिस्‍ट इसुमै बिसास गरि धर्मि जिबन ज्‍युँन्‍या मुन गन्‍न्‍याहरु स्‍हबै जुनाले दुख पाउन्‍या छुन्।

२ तिमोथि 3:12 Cross References

मर्कुस 10:30

तेइले दुख कस्‍ट स्‍हातै सय गुना बत्‍ता घर, दाजुभाइ, दिदि बुइनि, आमा बाबा छोराछोरि र जग्‍गा जुमिन यइबेला पाउन्‍याछ, र आउन्‍या युगमै अजम्‍बरिको जिबन पाउन्‍याछ।

प्रेरित 14:22

ताँइ तिनुहरुले चेलाहरुकन बिसासमै बलिया हुनु भुन्‍दै अत्‍तो दिया, र परमेसोरको राज्‍यामै पैनु भुन्‍दा अगाडि हामि स्‍हबैले मथ्‍थै दुख स्‍हनु पड्‌छ भुनि तिनुहरुकन सिकाया।

१ तिमोथि 2:2

राजाहरु र हपल्‍लो ओदामै भया मान्‍ठहरुका लेखि पुनि प्रार्थना गर, यइथै गर्‍यौं भुन्‍या हामि ढुक्‍क र सान्‍तिको जिबनले पुरै सुमय परमेसोरकै भक्‍ति र पबित्‍त भइ ज्‍युँन स्‍हकौं।

१ तिमोथि 3:16

हामि मान्‍नाछौं, यइ हामिले गर्‍या बिसास भित्‍तको कुडा जात्‍ति ठुलो छः उनु आपै मान्‍ठको चोला ल्‍हि आया, पबित्‍त आत्‍माले उनुकन धर्मि हुन् भुनि देखाया, सोर्गका रैबार्‍याहरुले उनुकन देख्‍या, जाति जातिहरुका म्‍हाझौनो उनुको प्रचार भयो, धत्‍तिका मान्‍ठहरुले उनुकन बिसास गर्‍या, परमेसोरले उनुकन सोर्गमै ल्‍हिया।

१ तिमोथि 6:3

यति कोइले अक्‍कै सिच्‍छ्‌या सिकाउन्‍छ र हाम्‍मा प्रभु इसु ख्रिस्‍टको स्‍हाँचो सिच्‍छ्‌या र परमेसोरको भक्‍ति गन्‍न्‍या सिछ्‌या मान्‍दैन भुन्‍या,

तितस 1:1

परमेसोरको कमारो र इसु ख्रिस्‍टको मुख्‍य चेला मु पावलले यइ चिठिक पठाया हुँ। परमेसोरले छान्‍या मान्‍ठहरुको बिसासमै भरिला गन्‍न र परमेसोरकन भलो लागन्‍या जिबन क्‍यारि ज्‍युँन्‍या तेइ स्‍हाँचो ग्‍यान तिनुहरुले थाँ पाउन स्‍हकुन् भुनि परमेसोरले मुकन पठायाहुन्।

तितस 2:12

तेइले हामिकन परमेसोरकन मान नहुन्‍या कुडा र सुन्‍सारका चिजबिजमै लाल्‍चो गन्‍न छोड्‌न लाउन्‍याछ र सुन्‍सारमै आम्‍नो कब्‍जामै बैन, स्‍होजो र परमेसोरकन मान गन्‍न्‍या मान्‍ठ हुन सिकाउन्‍छ।