२ तिमोथि 2:21 - जुम्‍ली

²¹ तेइबिअ ज्‍या कुडाको मान हुनैन, यति कोइले तेइ कुडाबाट आपुकन स्‍हुद्‌दो पार्‍यो भुन्‍या तेइ मान भया काममै चलाइन्‍या भाँडो बन्‍न्‍याछ। घरा मालिकका लेखि तेइ चोखो र राम्‍मा काममै चलाइन्‍या मुनपड्‌दो हुन्‍याछ।

२ तिमोथि 2:21 Cross References

प्रेरित 9:15

तर प्रभुले हननियाकन भुन्‍या, “तो जानै पड्‌छ, क्‍यानभुन्‍या अरु जातिहरु, राजाहरु र इस्राएलि मान्‍ठहरुका म्‍हाँजौनो मेरो नाउँ प्रचार गन्‍न तेइकन छान्‍याछु।

१ तिमोथि 6:11

तर परमेसोरको मान्‍ठ तिमोथि, यि स्‍हबै कुडा छोड। अनि धार्मिकता, भक्‍ति, बिसास, माया, धिर गन्‍न र झुक्‍न्‍या कुडामै मुन लाउ।

२ तिमोथि 2:16

परमेसोरकन नमान्‍न्‍या कुडा छोड क्‍यानभुन्‍या यइले मान्‍ठहरुकन झुन परमेसोरबाट परै राख्‍तोछ।

२ तिमोथि 2:20

स्‍हाउका घर सुन र चाँदिका भाँडाहरु मात्‍तै हुनैनन्, तर काठा र माटाका पुनि हुन्‍छुन्। कोइ मान गन्‍न र कोइ मान नहुन्‍या कामका लेखि हुन्‍छुन्।

२ तिमोथि 3:17

तेइबिअ परमेसोरका मान्‍ठले स्‍हबै किसिमका राम्‍मा कामहरु गन्‍न स्‍हक्‍न्‍या होस्।

२ तिमोथि 4:11

लुका मात्‍तै मुस्‍हात छुन्। मर्कुसकन खोजि तुमि दुबैजुन स्‍हातै आया, क्‍यानकि तिनु भया भुन्‍या मुकन मेरा काममै सयोग मिल्‍याछ।

तितस 3:1

सासन गन्‍न्‍याहरु र अदिकारिहरुका कब्‍जामै बैनु र तिनुहरुको भुन्‍या मान्‍नु र स्‍हबै राम्‍मा काममै स्‍हतिरनु भुनि बिसासिहरुकन स्‍हुम्‍जाया।

तितस 3:14

हाम्‍मा मान्‍ठहरु राम्‍मा काममै रैरन स्‍हकुन्, तेइबिअ खाँचो पड्‌याबेला तिनुहरुले स्‍हयोग गन्‍न स्‍हकुन् र तिनुहरु बिना कामका नहुन्।

तितस 3:8

यइ भुनाइ पक्‍का छ। मोइले चायाछु तुमिले यइ कुडाहरुमै लागिरौ, तेइबिअ जोले परमेसोरमै बिसास गर्‍याछुन् आपुकन राम्‍मो काममै रैरन ध्‍यान देउन् क्‍यानकि यिँ कुडा मान्‍ठहरुका लेखि जात्‍ति राम्‍मो र काम लाग्‍न्‍याछ।