२ तिमोथि 1:8 - जुम्‍ली

⁸ यइबिअ हाम्‍मा प्रभुका बार्‍यामै भुन्‍न स्‍हरम नमान, र मु उनुको नाउँमै कैदि भया कुडामै स्‍हरम नमान, तर परमेसोरको सक्‍तिमै राम्‍मो रैबारका बिअ दुख गन्‍न तुमि पुनि स्‍हातै हँड।

२ तिमोथि 1:8 Cross References

मर्कुस 8:38

अनि यइ बेबिचारि र पापि पुस्‍तामै जो मु देखि र मेरा बचन देखि स्‍हरम मान्‍नोछ, मान्‍ठको छोरा पुनि आम्‍ना बाबाको महिमामै पबित्‍त रैबार्‍यास्‍हात आउँदा तेइ देखि स्‍हरम मान्‍न्‍याछ।”

लुका 9:26

तर कोइ मुदेखि र मेरा बचनदेखि स्‍हरम मान्‍नोछ भुन्‍या मान्‍ठको छोरो पुनि आम्‍नो महिमामै र बाबाको र पबित्‍त रैबार्‍याको महिमामै आउँदा तेइस्‍हात स्‍हर्माउन्‍याछ।

प्रेरित 5:41

तब मुख्‍य चेलाहरुले इसुको नाउँमै हेला ठरिन्‍या लायक भयौं भुन्‍न्‍या कुडामै आनन्‍द गद्‌दै ठुलो सबाबाट बाइर निस्‍क्‍या।

१ थेसलोनिकि 3:4

क्‍यानकि जैबेला हामि तुमिहरुस्‍हात छियौं तेइबेला तुमिहरुले दुख स्‍हनै पड्‌छ भुनि हामिले पैलै भुन्‍या छियौं। यइ स्‍हाँचै हुन पुनि भयो, तेइ तुमिहरुकन थाँ छ।

१ तिमोथि 2:6

उनुले स्‍हबै मान्‍ठहरुको पापको छुट्‌कराको मोल तिर्न आपै बलि भया, यइ कुडाको प्रमान परमेसोरले ठिक सुमयमै दिया।

२ तिमोथि 1:10

तर मुक्‍तिदिन्‍या ख्रिस्‍ट इसु आयार तेइ अनुग्र हामिकन देखाया। इसुले मित्‍युकन नास पारि अजम्‍बरि जिबनकन राम्‍मो रैबारबाट देखाया।

२ तिमोथि 1:12

यइबिअ मोइले यिँ दुख स्‍हयाछु। तर मु स्‍हरम मान्‍नैन क्‍यानभुन्‍या मुइले को मै बिसास गर्‍याछु तेइ मुकन मात्‍तै थाँ छ र तेइ बेला स्‍हम्‍म मुइले उनुमै गर्‍या बिसास उनुकनै स्‍हुम्‍पियाछु, तेइ जगाइ राख्‍न स्‍हक्‍न्‍याछुन् भुनि मु पक्‍का छु।

२ तिमोथि 1:16

प्रभुले ओनेसिफरसको घरा मान्‍ठहरुकन दया गरुन्, क्‍यानभुन्‍या तिनुले मुकन जैलेपुनि हौसला दिन्‍छिया, र मु झ्‍याल्‍खानामै थुनिया कुडामै स्‍हरम मान्‍दैनछिया।

२ तिमोथि 2:3

ख्रिस्‍ट इसुका राम्‍मा सिपाइकाजैथै तुमिले दुख स्‍हौ।

२ तिमोथि 2:8

मर्‍याकाहरुबाट ज्‍युँदिया इसु ख्रिस्‍टकन स्‍हुम्‍ज, उनु दाउद राजाका सुन्‍तान हुन्, मोइले प्रचार गर्‍या राम्‍मो रैबार यइ हो।

२ तिमोथि 2:9

तेइ राम्‍मो रैबार स्‍हुनाया हुनाले मोइले जात्‍ति दुख पाइरयाछु र अपरादिका जैथै स्‍हाङ्‌लाले बानियाँछु। तर परमेसोरका बचन स्‍हाङ्‌लाले बानिदैनुन्।

२ तिमोथि 4:17

तर प्रभु मेरा पट्‍टि भया र स्‍हबै अरु जातिहरुकन परमेसोरको रैबार स्‍हुनाउन मोकन तागत दिया। अनि मोइले परमेसोरले सिंहका थोलाबाट बचाया।

२ तिमोथि 4:5

तुमि भरिला भइ बस। दुख स्‍हौ, राम्‍मो रैबारको प्रचार गर, र तुमिले जुम्‍मा पाया सेबाको काम पुरा गर।