१ तिमोथि 5:4 - जुम्‍ली

⁴ कोइ बिदुआका छाचुरि या नाति-नातिनिहरु छुन् भुन्‍या तिनुहरुले नै हेरबिचार गरुन्। तिनुहरुले पैला आम्‍ना घरा झानमै धार्मिक काम पुरा गरुन् र आम्‍ना बाबाआमाले लाया गुन तिरुन् क्‍यानभुन्‍या यइ परमेसोरको हेराइमै ग्रहन गरिन्‍या लायकको हुन्‍छ।

१ तिमोथि 5:4 Cross References

लुका 2:51

अनि इसु आम्‍ना आमा बाबा स्‍हात नासरतमै फर्क्‍या र तिनुहरुको हुकुम मानिकन बस्‍या। इसुकि आमाले यि स्‍हबै कुडा नबिर्सिकन मुनौदा राखिन्।

१ तिमोथि 2:3

हाम्‍मा मुक्‍तिदिन्‍या परमेसोरको हेराइमै यइथो प्रार्थना राम्‍मो र ग्रहन गरिन्‍या लाएकको छ।

१ तिमोथि 5:16

यति बिसासि स्‍हैनिका कोइ स्‍हाग स्‍हुन्‍तानहरुमै बिदुआ छुन् भुन्‍या तिनुले तिँ बिदुआहरुको हेरबिचार गन्‍नुपड्‌छ, र मन्‍डलिमाथि भार नपरोस्, र मन्‍डलिले तेइथि बिदुआहरुको हेरबिचार गन्‍न्‍न स्‍हकोस् जैका कोइ नाइ।

तितस 1:11

तिनुहरुको थोलो बुजिदिया क्‍यानभुन्‍या तिनुहरुले रुपियाँका लेखि नराम्‍मो सिच्‍छ्‌या सिकाइ स्‍हबै घरा झानकन भाँड भैलो गद्‌दियाछुन्। यइथो सिच्‍छ्‌या तिनुहरुले नसिकाउनु पड्‌न्‍याछियो।