फिलिप्‍पी 4:9 - जिरेल

⁹ गा लाङच्‍येते बात लोप्‍जीन ङे खेराङला लापाते खेराङगी थोबाते बात ङेन्‍गीन देत। ङे चुक चुक खाबा ओताने ख्‍योकोनगीङ ङे च्‍योकराङ खि। थेमे सेमला ढुक्‍क लोङकान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

फिलिप्‍पी 4:9 Cross References

मत्ती 1:23

थेकी चुक साबा ओताने सासीन “कर्नेते फेम्‍मे फिजाज्‍यीगी फुज्‍यीमा खुरला फुज्‍युङज्‍यीक केइओ। थे फिजाला इम्‍मानुएल सिन सिओ,” सिन साबा ओतान। इम्‍मानुएल साबाते परमेश्‍वर ङुरूङताङराङ देत्‍ला लेमु खिओ साबाते ईन।

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

मत्ती 7:21

थेमे ङाला माने खित्‍कान ईन सिन प्रभु खो छ्ये ईन सिन सिरकान्‍ते मि गाङेराङ स्‍वर्गे राज्‍यने स्‍यूक्‍पा मेङेदो। स्‍वर्गने देत्‍कान्‍ते ङे आबेकी खि साबा साबाच्‍योक खित्‍कान्‍ते मिओनकामा थेने स्‍यूक्‍पा ङेत्‍क्‍यो।

लूका 6:46

थेमे ख्‍योकोन ङे साबाते बात ङेनराङ मेङेन्‍कान मिङ ङाला माने खित्‍च्‍या सिन प्रभु खो छ्ये ईन सिन च्‍यिला सिते?

लूका 8:21

थेकी थोक सिरजीन येशूकी थेरू ओताते मि गाङेला “परमेश्‍वर बात ङेन्‍ला थेरू खि साबा साबाच्‍योक खित्‍कान्‍ते मिओनराङ ङेते आमाताङ न्‍वाओन ईन,” सिन सिदुक।

यूहन्‍ना 13:17

दि बात ख्‍योकोनगी छ्या स्‍येबा ओत। खेराङगी छ्या स्‍येबा ओताच्‍योक खाईन कामोङ खासीन परमेश्‍वरगी ख्‍योकोनला आशी तेरग्‍यो।

यूहन्‍ना 15:14

ख्‍योकोनगी ङे खि सिन कोताते ङेन्‍सीन ख्‍योकोन ङे र्‍वाओन ईन।

यूहन्‍ना 2:5

येशू आमेकीचेन थेरू काम खित्‍कान्‍ते मिओनला “दिकी च्‍यि च्‍यि खि सिका ख्‍योकोनगी थे थेराङ खि,” सिन सिदुक।

शक्ति काम 9:6

लो था खो लाला सारनापा ग्‍युक। खुई च्‍यि च्‍यि खिता फाप्‍कीते सिन था ङा खोल्‍ला थेपाराङ लाप्‍ला तेर ज्‍युत्‍क्‍यो,” सिनोङ सिरा थोसुङ।

रोमी 15:33

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोन गाङेताङ ङ्योम्‍बुराङ देत्‍स्‍यीत। आमेन।

रोमी 16:20

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वरगी था होत्ताराङ शैतानला नोमुङ लाङा मुथुप्‍च्‍या खाला ख्‍योकोन तिङबे ओक्‍तु ज्‍य्‌वाक्‍यो। प्रभु येशूकी ख्‍योकोनला दया खिनराङ देत्‍स्‍यीत।

१ कोरिन्‍थी 10:31

बात दोक दोक ईन्‍देकी ख्‍योकोनगी साजीन ईन्‍स्‍यीत, थुङजीन ईन्‍स्‍यीत जे खित्‍जीनोङ खालि परमेश्‍वरला छ्ये जोच्‍येते कामकामा खि।

१ कोरिन्‍थी 14:33

च्‍यिला सासीन परमेश्‍वरगी जुन कामोङ बताङ बुतुङ खाला पालोईला खित मुज्‍युता खाला गाङे ठीक ठीक खाला खित ज्‍युत्‍क्‍यो। ङुरूङला डिक्‍ला थुन्‍ला देत ज्‍युत्‍कान्‍ते थेराङ ईन। परमेश्‍वर सन्‍तानओन जम्‍मा ओङजीन ठाउँ गाङेपा खिन ओता च्‍योकराङ

१ कोरिन्‍थी 4:16

थोक ईन्‍देकी ङा ख्‍योकोनला च्‍यि सिते सासीन ङे चुक खिका, च्‍यि सिका थे ताला ख्‍योकोनगीङ ङे खाबा च्‍योकराङ खि।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

फिलिप्‍पी 3:17

आज्‍यो न्‍वावे, ङाला ताला ख्‍योकोनगीङ ङे च्‍योकराङ खि। ङालाकामा ता माफाबो, ङात्ताङ ङे र्‍वाओनगी च्‍योकराङ खित्‍कान्‍ते सु सु दुका ताला थेबेकी खिता च्‍योकराङ खि।

फिलिप्‍पी 4:7

थोक थोक खासीन ख्‍योकोनगी जति बुद्धि खिये खासीनोङ खोबा मुथुप्‍च्‍या खाला परमेश्‍वरगी अचम्‍ब खाला ख्‍योकोन सेमला ढुक्‍क लोङगो। थेकी थोक खानामेई येशू ख्रीष्‍टताङ जीउज्‍यीकराङ ओङा ओतेकी ख्‍योकोन सेमला पीरताङ ताप माफाबो, फाप्‍सीनोङ थेतेराङ विचार खिन देता माफाबो।

१ थिस्‍सलोनिकी 1:6

थेजीन ङ्योकोनला ताकीन ख्‍योकोनगीङ ङ्योकोनगी खाबा खाबा च्‍योकराङ खाबा ओतान। ङ्योकोनगी खाबा च्‍योककामा मेन्‍देकी ख्‍योकोनगी प्रभु येशू ख्रीष्‍टकी च्‍योगोङ खाबा ओतान। चुक खाईन सासीन ज्‍येनगी आउदी खाला दुक्‍पा तेरजीनोङ परमेश्‍वर आत्‍मेकी खित्‍सादु गा खिन ख्‍योकोनगी गा लाङच्‍येते बात ङेन्‍दा ओतान।

१ थिस्‍सलोनिकी 2:14

चुक सासीन आज्‍यो न्‍वावे, परमेश्‍वर बात ङेन्‍देकी ख्‍योकोनगीङ येशू ख्रीष्‍टताङ जीउज्‍यीकराङ ओङाते यहूदिये लुङबादु ओताते परमेश्‍वर मिओनगी च्‍योकराङ खाईन दुक्‍पा भोगे खासुङ। होथेबाला खोपरोङ यहूदीओनगी दुक्‍पा बिन्‍दा च्‍योकराङ ख्‍योकोनलाङ खेराङ लुङबे मिओनगीराङ दुक्‍पा बिन्‍दा ओतान।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

२ थिस्‍सलोनिकी 3:4

ख्‍योकोन प्रभु येशूताङ जीउज्‍यीकराङ ओङाते मि ईन्‍देकी थातासाक खाबा च्‍योकराङ थाङ ख्‍योकोनगी ङ्योकोनगी खि साबा साबा च्‍योकराङ खिन देत्‍क्‍यो सिन ङ्योकोनला छ्या ओत।

२ तिमोथी 4:22

लो प्रभु येशू ख्रीष्‍ट खोत्ताङ ङ्योम्‍बुराङ देत्‍स्‍यीत। थेमे ख्‍योकोन गाङेला थेकी दया खिनराङ देत्‍स्‍यीत।

याकूब 1:22

परमेश्‍वर बात ङेन्‍ला थेरू साबा च्‍योकराङ खि। थोक मिक्‍किकान्‍ते मिकीचेन दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबातेकामा ईन।

२ पत्रुस 1:10

थोगी आज्‍यो न्‍वावे, परमेश्‍वरगी खेराङला छाने खाईन थे खोरोङ दोन्‍दु स्‍योक सिन काताङाते पक्‍काराङ ईन सिन छ्या स्‍येबाला ख्‍योकोनगी ङे थाल्‍लासाक साबाच्‍योक खिनराङ देत। दोक खिन देत्‍सीन ख्‍योकोनगी मेलेबा काम मिक्‍किओ।

१ यूहन्‍ना 3:22

थेमे ङुरूङगी जे नाङ सासीनोङ परमेश्‍वरगी दाक तेरग्‍यो। च्‍यिला सासीन ङुरूङ थेकी खि सिन कोताते ङेन्‍ग्‍यो थेमे थेला मन परे खित्‍च्‍येते काम खिओ।