फिलिप्‍पी 4:4 - जिरेल

⁴ थेमे प्रभु येशूताङ जीउज्‍यीकराङ ओङाते मि ईन्‍देकी दुक्‍पा किम्‍मु जस्‍तो ओङजीनोङ ख्‍योकोन जहिलेङ गा खि। ख्‍योकोन गा खि सिन ङा याङराङ सिओ।

फिलिप्‍पी 4:4 Cross References

मत्ती 5:12

थेबेकी थोक खित्‍जीन ख्‍योकोन आउदी खाला गा खि। च्‍यिला सासीन स्‍वर्गने ख्‍योकोनगी छ्येज्‍यीक इनाम ङेत्‍क्‍यो। थाङबोबा परमेश्‍वर बात खित्‍कान्‍ते मिओनलाङ थे बेले मिओनगी खेदापानीराङ खाबा ओतान।

शक्ति काम 16:25

थे छोमु ग्‍वाका नुप फेतला पावलताङ सिलासचेन परमेश्‍वरला प्रार्थना खिन थेला छ्ये जोच्‍येते लु लिन्‍गीन ओतान। थेबेकी थोक खाबाते थेरू जेलदु ओताते ज्‍येन कैदीओनगीङ थोकीन ङेन्‍गीन देता ओतान।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

गलाती 1:8

सुइँदेकी ङ्योकोनगी ख्‍योकोनला लाप्‍कीन बिन्‍दा ओताते गा लाङच्‍येते बातताङ डिकराङ मिडिक्‍च्‍येते बात लोप्‍कीदुक सासीन ङ्योकोन ईन्‍सीनोङ स्‍वर्गनेई वाबाते परमेश्‍वर दूत ईन्‍सीनोङ जोराङ ईन्‍सीनोङ थोक खित्‍कान्‍तेलाचेन परमेश्‍वरगी सजाय बिन्‍ला नरककुण्‍डमा लुस्‍यीत।

फिलिप्‍पी 2:18

थोगी ङा स्‍या फाप्‍सीनोङ ख्‍योकोन गा खि सिन सिओ। ङा ख्‍योकोनताङ डिगीन गा खाबा च्‍योकराङ ख्‍योकोनोङ ङात्ताङ डिक्‍ला गा खि।

फिलिप्‍पी 3:1

थेमे ज्‍येन बात च्‍यि सासीन आज्‍यो न्‍वावे, ख्‍योकोन प्रभु ख्रीष्‍टताङ जीउज्‍यीकराङ ओङा ओताते मि ईन्‍देकी गा खि। ङा ख्‍योकोनला ङे गोमामेई याङ याङ सिन वाबाते बातराङ टिगीन ओत। बातज्‍यीकराङ याङ याङ टिक्‍पा फाप्‍सीनोङ ङाला छ्याःङ दिक्‍क लाबा मेत। ङे टिबाते बात पढे खाला ख्‍योकोनगी चुक खिता फाप्‍च्‍या ईन्‍दाका सिन लेमु खाला छ्या स्‍येक्‍यो।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।