फिलिप्‍पी 4:20 - जिरेल

²⁰ ङुरूङ आबा परमेश्‍वरते सधैँभरि जय जय ओङस्‍यीत। आमेन।

फिलिप्‍पी 4:20 Cross References

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

मत्ती 6:9

ख्‍योकोनगीचेन परमेश्‍वरला दोक सिन प्रार्थना खि। चुक सासीन ‘स्‍वर्गने देत्‍कान्‍ते आबा परमेश्‍वर, मि गाङेकी खोल्‍ला मान खित्‍स्‍यीत।

रोमी 11:36

ओताते जति गाङे थेकीराङ जोबाते ईन थेमे जोबातेबरी जेसुकैला ताकान्‍तेङ थेराङ ईन, दिबा जेसुकै गाङे थेतेराङ ईन। दोक छ्येते परमेश्‍वरते सधैँभरि जय जय ओङस्‍यीत। आमेन।

रोमी 16:27

थेत्ताङकामा दोक खाला काम खित्‍च्‍येते छ्येज्‍यीक बुद्धि ओत। दोक छ्येते परमेश्‍वरला गाङेकी येशू ख्रीष्‍ट छ्य्‌वापेकी सधैँभरि जय जय ओङस्‍यीत सिन सिइ। आमेन।

एफिसी 3:21

गाङेपा जम्‍मा ओङकान्‍ते येशू ख्रीष्‍ट मिओनगी थे छ्य्‌वापेकी दोक छ्येते परमेश्‍वरते पुस्‍ता पुस्‍तासाक सधैँभरि जय जय खिन देत्‍स्‍यीत। आमेन।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 4:23

प्रभु येशू ख्रीष्‍ट ख्‍योकोनला दया खिन ख्‍योकोनताङ ङ्योम्‍बुराङ देत्‍स्‍यीत।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

यहूदा 1:25

परमेश्‍वर थेकामा ईन। ङुरूङला पापकी सजायदुकी डेल्‍कान्‍ते थेराङ ईन। थेते जय जय ओङस्‍यीत, थे आउदी छ्ये ईन, थेकी गाङेपा गाङेला राज्‍य खिओ थेमे थेत्ताङ जस्‍तोङ खित्‍च्‍येते अधिकार ओत। ङुरूङ प्रभु येशू ख्रीष्‍ट छ्य्‌वापेकी ङुरूङगी जुग जुगनामेई थरिङसाक ओता च्‍योकराङ थे सधैँभरि दोकराङ ओङला देत्‍स्‍यीत सिन सिइ। आमेन।

छ्या स्‍ये च्‍युताते बात 1:6

थेकी ङुरूङला थे खोरोङताङराङ राज्‍य खित्‍कान्‍ते मि जोसुङ थेमे ङुरूङगी थे खोरोङ आबा परमेश्‍वरला माने खित्‍स्‍यीत सिन थेकी ङुरूङला परमेश्‍वर पूजारी जोसुङ। थेते सधैँभरि जय जय ओङस्‍यीत, थेकी राज्‍य खिनराङ देत्‍स्‍यीत। आमेन।

छ्या स्‍ये च्‍युताते बात 11:13

थेबा थोक खाला ड्वापज्‍यीकताङ आउदी ज्‍यीबा लाङच्‍याई सेदेर्मु गाल्‍सुङ। थेमे थे जोदाते सारगीते खण्‍ड च्‍युताम्‍बे नाङ खण्‍डज्‍यीक गाङे राम्‍सुङ। हजार दुईन मिङ स्‍यिसुङ। थेरू थोक ओङजीन थाराते मि गाङेराङ आउदी खाईन ज्‍यीबा खासुङ। थेमे थेबेकी स्‍वर्गने देत्‍कान्‍ते परमेश्‍वरराङ छ्ये ईन सिन थेला छ्ये जोसुङ।

छ्या स्‍ये च्‍युताते बात 14:7

थेमे थे दूतकी कस्‍स्‍ये खाला छेरा खिन “परमेश्‍वरताङ ज्‍यीबा खि। थेला मान खाला छ्ये जो। था थेकी मि गाङेते न्‍याय खित्‍च्‍येते समय ख्‍योल्‍गीन सिन्‍सुङ। दि सा नाम, समुन्‍द्र थेमे छ्युई मोनतेबा गाङे जोकान्‍ते परमेश्‍वरते जय जय ओङस्‍यीत सिन सि,” सिन सिदुक।

छ्या स्‍ये च्‍युताते बात 5:12

थेमे थेबा गाङेराङ “बाजिई सेताते लुई रीउताङ छ्येज्‍यीक शक्ति ओत। सा लुङबा खाङ ओताते सम्‍पत्ति गाङे थेतेराङ ईन। थे जस्‍तो बादोङ छ्या स्‍येकान्‍ते ईन। थेकी जस्‍तो कामोङ खिता थुप्‍क्‍यो। थेला मान खिता सोई खिओ। थेते जय जय ओङस्‍यीत। थेला छ्ये ज्‍वा फाप्‍क्‍यो,” सिन आउदी कस्‍स्‍ये खाला लु लिन्‍गीन ओतान।

छ्या स्‍ये च्‍युताते बात 7:12

थेबेकीचेन “आमेन, ङुरूङ परमेश्‍वरला छ्ये जोइन देत्‍की। थेते सधैँभरि जय जय ओङस्‍यीत। थे जस्‍तो बादोङ छ्या स्‍येकान्‍ते ईन। थेला धन्‍यवाद साला मान खिइ। थेत्ताङ छ्येज्‍यीक शक्ति ओत। थेकी जस्‍तो कामोङ खिता थुप्‍क्‍यो। आमेन,” सिन ओतान।