फिलिप्‍पी 4:11 - जिरेल

¹¹ ङाला दुक्‍पा ओत, ख्‍योकोनगी ता फाप्‍सुङ सिन ङे दि बात खाबाते मेन। ङेनी जस्‍तो ओङजीनोङ जहिलेङ सन्‍तो खाईन देता स्‍येबा ओत।

फिलिप्‍पी 4:11 Cross References

लूका 3:14

थोकराङ खाईन मिल्‍टेरीओनगीङ वाकीन थेला “ङ्योकोनगीचेन चुक खिसे याङ?” सिन ठिजीन थेकी “मिला ज्‍यीबा लाङला थाराङ पैसा माजो, पैसा ज्‍वाप लाईदु थाराङ दोष लै खाला सुङलाङ दुक्‍पा मातेर। खेराङ जागिरला सन्‍तो खाला देत,” सिन सिदुक।

२ कोरिन्‍थी 11:27

ङे स्‍याप स्‍याप खाईन काम खाबाप। पालोताङ पालो ङे मिक छुम मिक्‍किता खाईन नुप स्‍येन्‍दान, पालोताङ पालो ङा त्‍वाबा कोम्‍बा लासीनोङ थोकराङ देतान, पालोताङ पालो ङा सुबाला अन्‍ने तारानराङ मुलुबा खाईन देतान थेमे खोन्‍च्‍या दिङच्‍या मेतेकी पालोताङ पालो ङा खेबे नाङला ख्‍वाकीनराङ देतान।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

२ कोरिन्‍थी 9:8

परमेश्‍वरगी ख्‍योकोनला जहिलेङ जे कुरोङ खेराङला गोबा भन्‍दाङ ल्‍हाक्‍पा तेरा थुप्‍क्‍यो। दोक खाला ख्‍योकोनला मादाङच्‍या मोख्‍योप्‍च्‍या सिराते छ्याःङ मायाङला ख्‍योकोनगी झन झन ज्‍येनला लेमु खाला ता थुप्‍क्‍यो।

फिलिप्‍पी 3:8

ईन्‍दाबोङ येशू ख्रीष्‍टला ङाराङ मालिक ईन सिन छ्या स्‍येच्‍येते छेत छ्येते बात ज्‍येनतोक छ्याःङ मेन्‍दाक्‍वा। थोगी ङाराङ चुक्‍ते ईन्‍दे, चुक चुक खिन ओताने सिरच्‍येते बात छ्याःङ काम लै मिक्‍किच्‍याक्‍वा सिन छ्या स्‍येकीन ङे था थोक्‍ते बात खिता गाङे ताङाप। ङाराङते होथे गोमे बाततेबा सम्‍झे खित्‍जीन ङालानी किक्‍टो लाङच्‍येते फोर मैलो च्‍योकराङ लाकीन था थेते विचारराङ खिता ताङा ओत। ख्रीष्‍टला पूरो खाला छ्या स्‍येबा थुप्‍स्‍यीत

हिब्रू 10:34

जेलला लुक्‍पाते मिओनला थुप थुपला ठेत्‍च्‍येते थेमे थेबे दुक्‍पाला ताच्‍येतेङ ख्‍योकोनगी खिनराङ ओतान। खेराङगी नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति ङेता ओत सिन छ्या ओतेकी खेराङ सम्‍पत्ति ठ्वाला खेरजीनोङ ख्‍योकोन सेम मेसेता खाईन देता ओतान।