फिलिप्पी 3:8 - जिरेल8 ईन्दाबोङ येशू ख्रीष्टला ङाराङ मालिक ईन सिन छ्या स्येच्येते छेत छ्येते बात ज्येनतोक छ्याःङ मेन्दाक्वा। थोगी ङाराङ चुक्ते ईन्दे, चुक चुक खिन ओताने सिरच्येते बात छ्याःङ काम लै मिक्किच्याक्वा सिन छ्या स्येकीन ङे था थोक्ते बात खिता गाङे ताङाप। ङाराङते होथे गोमे बाततेबा सम्झे खित्जीन ङालानी किक्टो लाङच्येते फोर मैलो च्योकराङ लाकीन था थेते विचारराङ खिता ताङा ओत। ख्रीष्टला पूरो खाला छ्या स्येबा थुप्स्यीत See the chapter |
फिलिप्पी 3:8
53 Cross References
परमेश्वरगी सा नाम जोजीन “मुन्दाकते ठाउँदु नाम्दाक ओङस्यीत,” सिन साबा ओतान। होथोक सिरकान्ते परमेश्वरगीराङ मुन्दाकते ठाउँदु नाम्दाक ओङ च्युताच्योक खाईन थे खोरोङ सु ईन्दे थेमे थेत्ताङ चुक छ्येज्यीक शक्ति ओते सिन ङुरूङला छ्या स्ये च्युत्सुङ। दि बात ङुरूङगी ख्रीष्टला ताकीन छ्या स्येबाते ईन।
ङुरूङ गाङेकी थोक खिन डोजीन थेला विश्वास खाईन ङेन्दाते बातला ङुरूङ झन डिगीन डुइओ थेमे परमेश्वर फुज्युङ चुक्ते ईन्दे, च्यि खिते सिन झन लेमु खाला छ्या स्येला ङुरूङ गाङेराङ सेमज्यीकराङ खाला काम खित्कान ओङगो। दोक खाला ख्रीष्टकी ङुरूङ नाङ खिता चालाते काम पूरो ओङला ङुरूङ थेकी ज्वा चाला च्योकराङ पाको ओङगो।
दि चिट्ठी टिक्कान्ते ङा पावल थेमे तिमोथी ईन। ङ्योकोन येशू ख्रीष्ट काम खित्कान्ते मि ईन। ङ्योकोन दि चिट्ठी फिलिप्पी सारदु ओताते परमेश्वर सन्तानओनला ताकान्तेबे नाङ छ्येते मिओन थेमे थेबाला थोक खिताला मद्धत तेरकान्ते मिओनला टिगीन ओत। थेबालाकामा मेन्देकी दि चिट्ठी येशू ख्रीष्टताङ जीउज्यीकराङ ओङाते परमेश्वर सन्तान ख्योकोन गाङेला टिगीन ओत।
ङे छ्या स्येबा चालाते होथे बातबरी गाङे छ्या स्येकीन सिन्दा ओत थेमे ङाराङगी ङेत्च्येते गाङे ङेत्कीन सिन्दा ओत सिन ङा मिसिरो। थेमे परमेश्वरगी ज्वा चाला च्योकराङ ङाराङ लेमु ओङगीन सिन्दा ओत सिनोङ मिसिरो। येशू ख्रीष्टकी ङाला थे खोरोङ मि जोबा ओतेकी परमेश्वरगी तेरग्यो साबाते इनाम ङेत्च्ये छ्य्वापा ङा थुपासम्म स्येत खिन ओत।
थोगी थे दो साबाते येशू ख्रीष्टला विश्वास खित्कान्तेबा ख्योकोन लाईदु थे आउदी काम लै खित्च्येते दो ईन। ईन्सीनोङ थेला विश्वास मिक्किकान्तेबे लाईदु थे चुक्ते ईन्दे सिन परमेश्वर बातला “जुन दोला कर्मीओनगी कामराङ लै मिक्किओ सिन क्युरा ओतान, थे दोराङ आउदी काम लै खित्च्या थे मेताला छ्याःङ खिता मुथुप्च्या ओङसुङ,” सिन टिला दुक।
दाक्पोनगी ङेताते साम्बाते जुनीला खिता फापाच्योक खिताला थेमे थेला माने खिताला खिता फाप्च्येते कामताङ बात खिताला गोच्येते जति गाङे परमेश्वरगी थे खोरोङताङ ओताते छ्येज्यीक शक्ति छ्य्वापेकी ङुरूङला बिन्दा ओत। थे सु ईन्दे, चुक्ते ईन्दे सिन थेला छ्या स्येबेकी खित्सादु थेकी ङुरूङला दोक खाईन गोच्येते जति बिन्दाते ईन। थे खोरोङताङ छ्येज्यीक शक्ति ओतेकी थेमे जे खित्जीनोङ लेमु खित्कान्ते ईन्देकी थेकी ङुरूङला थे खोरोङ दोन्दु स्योक सिन काताङा ओत।
ङुरूङला ज्येनोङ बात च्यि छ्या ओते सासीन परमेश्वर फुज्युङगी दुरू वाकीन परमेश्वर सु ईन्दे, चुक्ते ईन्दे सिन ङुरूङला छ्या स्ये च्युत्सुङ। थेकी दोक खानामेई ङुरूङ सत्यते परमेश्वरताङ डिक्पा थुप्सुङ थेमे परमेश्वर फुज्युङ येशू ख्रीष्टताङ डिक्पा थुप्सुङ। येशू ख्रीष्टचेन सत्यते परमेश्वर ईन, नोमुङ मिसिन्च्येते जुनी तेरकान्तेङ थेराङ ईन।
Advertisements