फिलिप्‍पी 3:6 - जिरेल

⁶ थोकराङ खाईन येशू ख्रीष्‍ट मिओनला मासेताला मेङगो सिन ङे खोक्‍पो खाईन थेबे खेदापानी खाबाप। थेमे परमेश्‍वर नियम ङेन्‍च्‍ये बात तासीन ङाला सुङगीङ दिकी दि दि गल्‍ती खासुङ सिन सिरा थुप्‍च्‍या मेतान।

फिलिप्‍पी 3:6 Cross References

मत्ती 23:25

ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। ख्‍योकोनचेन खेराङ कचौराताङ देर्मातेबा चोके खिता फाप्‍क्‍यो सिन माझे खाला टल्‍के खित्‍च्‍या जोइदुक। तर थे नाङ लुक्‍ला साच्‍येते सापचेन ख्‍योकोनगी खेराङगीकामा सा थुङा ङेत्‍सीन ओङच्‍या ओतान सिराच्‍योक खाईन ज्‍येनगीते ठ्वाकीन, ज्‍येनला ठगे खाईन खुलाबाते ईन।

मत्ती 5:20

बात दोक ईन्‍देकी ङा च्‍यि सिते सासीन धर्मे गुरूओनताङ फरिसी पाटी मिकी खिताच्‍योक खाला मेन्‍देकी लेमु खाईन परमेश्‍वर नियम ङेन्‍सीनकामा ख्‍योकोन स्‍वर्गे राज्‍यने स्‍यूक्‍पा ङेत्‍क्‍यो।

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

शक्ति काम 21:20

दि बातओन थोकीन थेरू जम्‍मा ओङातेबा गाङेकी गा खिन परमेश्‍वरते जय जय खासुङ। थेमे थेबेकी पावलला “भाइ पावल, दुरू येशूला विश्‍वास खिताला स्‍यूबाते यहूदी आउदी काल्‍बेई ओत सिन खोल्‍ला छ्याराङ ओत। थेबा गाङेकी मोशेकी टिबाते नियमओन थोरूमोङ आउदी खाला ङेन्‍गीदुक।

शक्ति काम 22:5

ङे थोक खाबा ओतान सिन गाङे भन्‍दा छ्येते पूजारी, धर्मे गुरूओन थेमे ज्‍येन छ्ये छ्ये मि गाङेकी सिरा थुप्‍क्‍यो। थेबेकीराङ ङाला दमस्‍कस सारदु येशूला विश्‍वास खित्‍कान्‍तेबाला जुम्‍ला सजाय तेराला दुरू खुलाङ छ्युत सिन दमस्‍कसपे यहूदी छ्ये छ्ये मिला चिट्ठी टिकीन बिन्‍गीन ताङा ओतान।

शक्ति काम 26:5

ङा फरिसी पाटी मि ईन सिन थेबाला गोमामेईराङ छ्या ओत। दि बात मेन सिन थेबा सुङगीङ सिरा मुथुबो। थेमे यहूदी नाङ फरिसी पाटी मिओन झन आउदी लेमु खाला खोपरोङ धर्मे नियम ङेन्‍कान्‍ते ईन सिनोङ गेल्‍बो खोल्‍ला छ्याराङ ओत।

शक्ति काम 8:3

शावलगीचेन येशू ख्रीष्‍ट मि दोक्‍पोईलाङ बाँकी ज्‍य्‌वाबा मेङगो सिन खाम्‍बा खाम्‍बाला गाल्‍गीन ख्‍योओ मि ईन्‍स्‍यीत, फेम्‍मे मि ईन्‍स्‍यीत गाङेला जिन्‍गीन जेलला लुकीन खिताला स्‍यूसुङ।

रोमी 7:9

थे नियम छ्या मेत्‍जीन गोमा ङा ङाराङगी छ्याःङ पाप खाबा मेत सिन ढुक्‍क खाईन देता ओतान। तिरी परमेश्‍वर नियम छ्या स्‍येनामेई थेरू दोक माकेत, थोक माकेत साबा साबाराङ खिता सेम लाकीन थेरू माकेत साबातेराङ खाईन ङे दाक पाप खाबाप। थोक खानामेई ङा सजाय ङेत्‍कीन स्‍या फाप्‍च्‍या ओङा ओतान।

१ कोरिन्‍थी 10:32

ख्‍योकोनगी खाबाते कामगी खित्‍सादु ज्‍येनला पाप खित माज्‍युत। यहूदीओनला ईन्‍सीनोङ, ग्रीकओनला ईन्‍सीनोङ कि परमेश्‍वर मिओनलाराङ ईन्‍सीनोङ सुङलाङ ख्‍योकोनगी खाबाते कामगी खित्‍सादु पाप खित माज्‍युत।

१ कोरिन्‍थी 15:9

येशू ख्रीष्‍टकी खटे खाबाते मि गाङे नाङ ङानी थेबा छेत ईनराङ मेन। ङानी येशू ख्रीष्‍टकी खटे खाबाते मि ईन सिराङ सोई मिक्‍किओ। च्‍यिला सासीन ङेनी गोमाबा परमेश्‍वर मिओनला गाङेपा चाल्‍गीन चाल्‍गीन थेबे खेदापानी खाबाप।

फिलिप्‍पी 2:15

होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।

फिलिप्‍पी 3:9

थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

१ तिमोथी 1:13

ईन्‍दानी थोङला ङे थेला आउदी खाईन विरोध खाबाप। थेला विश्‍वास खित्‍कान्‍ते मिओनला ङे खेदा खाईन खाईन दुक्‍पा बिन्‍दाप। थे मिओन दोक्‍पोईलाङ बाँकी ज्‍य्‌वाबा मेङगो सिन ङे थेबाला खितासम्‍म मेलेबा खाबाप। ङे थोक मेलेबा खाबा ईन्‍सीनोङ प्रभु येशू ख्रीष्‍टकी ङाला दया खाईन लेमु खासुङ। च्‍यिला सासीन थेजीन ङे थेला विश्‍वास खाबा मेतान थेमे ङाराङगी चुक मेलेबा खिन ओते सिनोङ ङाला छ्या मेतान।