फिलिप्‍पी 3:20 - जिरेल

²⁰ ङुरूङचेन स्‍वर्गने देता ङेत्‍कान्‍ते मि ईन। ङुरूङला पापदुकी डेल्‍कान्‍ते प्रभु येशू ख्रीष्‍ट था नामराङ थेनेकी ग्‍युरला वाओङा सिन ङुरूङ गुकीन देता ओत।

फिलिप्‍पी 3:20 Cross References

मत्ती 19:21

थेमे थेकी “खोल्‍ला परमेश्‍वरगी खि साबा साबा च्‍योककामा खाला साँच्‍चीराङ नोमुङ मिसिन्‍च्‍येते जुनी ङेता सेम लाङगीदुक सासीन था गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 12:21

थोगी बुद्धि मेताते मि सिरातेचेन होथोक्‍ते मि ईन। तिरी बो माताबा खाला थोक्‍तेकीचेन सम्‍पत्ति लाक सम्‍पत्ति साला छ्युक्‍पु डुइओ। परमेश्‍वर दोन्‍दु धनी ओङच्‍येतेचेन दोक खाला मेन। दोक्‍ते सम्‍पत्ति ओत्‍ला तिरी छ्याःङ फाइदा मेङगो,” सिन सिदुक।

लूका 14:14

थोक खासीनराङ खुई आशी ङेत्‍क्‍यो। होथेबेकी खुई लै खाबाते भोज सेइओ। तर खोल्‍ला काताङला भोज तेरा मुथुबो। ईन्‍सीनोङ परमेश्‍वरगी थे खोरोङगी खि साबा साबा च्‍योकराङ खित्‍कान्‍ते मिओनला स्‍यिसादुई सोम्‍बो लोक्‍नामेई खुई थोक लेमु खाबे लाईदु खोल्‍ला मान तेरग्‍यो,” सिन सिदुक।

शक्ति काम 1:11

“ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

१ कोरिन्‍थी 1:7

थोक ईन्‍देकी था प्रभु येशू ख्रीष्‍ट नामराङ ग्‍युरला वाओङा सिन गुला देत्‍जीन ख्‍योकोनला गोच्‍येते परमेश्‍वर आत्‍मेकी तेरच्‍येते सीपताङ शक्ति ख्‍योकोनगी गाङे ङेता ओत।

१ कोरिन्‍थी 15:48

थोगी आदम सन्‍तान ईन्‍देकी मि गाङे जीउ आदमते च्‍योकराङ ईन। थेमे ख्रीष्‍ट स्‍वर्गनेकी वाबाते ईन्‍देकी स्‍वर्गने ड्वा ङेत्‍कान्‍ते मिओन जीउचेन ख्रीष्‍टते च्‍योकराङ ओङगो।

२ कोरिन्‍थी 4:18

थोगी ङ्योकोनचेन थरिङोला ओङगीन ओताते होदोक्‍ते बातला मेन, था तिरी ओङच्‍येते होथोक्‍ते लेमुते बातकी विचारकामा खाला देत्‍क्‍यो। च्‍यिला सासीन थरिङोला ओङगीन ओताते मिकी थोङा थुप्‍च्‍येते होदोक्‍ते पीरताङ दुक्‍पा ङीमाई गाङे सिन्‍ला तोरला डुइओ। तर थोरूमसाक सुङगीङ थोङा मेताते तिरी परमेश्‍वरगी तेरच्‍येतेचेन नोमुङ सिन्‍ला तोरला मोन्‍डोओ।

२ कोरिन्‍थी 5:8

तिरी सधैँभरि थेत्ताङ देता ङेत्‍क्‍यो सिन लेमु खाला छ्या ओतेकी ङ्योकोनलानी थेत्ताङ होथोक खाला देताला बरू होत्ता स्‍यिसीन ओङच्‍या ओतान सिराच्‍योक लाङगीदुक।

गलाती 4:26

तर ज्‍येनज्‍यीक यरूशलेमोङ ओत। थेचेन दुरू यरूशलेम च्‍योक मेन्‍देकी स्‍वर्गनेते ईन। थेरूचेन योक्‍पो योङमु च्‍योक खाला परमेश्‍वर नियम अधीनला देत्‍च्‍येते बात छ्याःङ मेत। ङुरूङचेन दुरू यरूशलेम सारगी मि मेन्‍देकी स्‍वर्गने यरूशलेम सारगी मि ईन।

एफिसी 2:19

थोगी ज्‍येन ज्‍येन जातकी मि ईन्‍सीनोङ थाचेन ख्‍योकोनोङ परमेश्‍वर सन्‍तान ओङगीन थे खाम्‍बे मिओन ओङा ओत। गोमाचेन ख्‍योकोन थे सन्‍तान मेतान। थेमे थेकी थे खोरोङ सन्‍तानला तेरच्‍येतेबा ङेत्‍च्‍येते ख्‍योकोनते छ्याःङ हक मेतान।

एफिसी 2:6

थेमे येशू ख्रीष्‍टला स्‍यिसादुकी सोम्‍बो लोक्‍जीन परमेश्‍वरगी ङुरूङलाङ थेत्ताङराङ सोम्‍बो लोगीन स्‍वर्गने थेत्ताङ ङ्योम्‍बुराङ देताला ज्‍याक्‍पा ओत।

फिलिप्‍पी 1:10

थेकी थोक खानामेई ख्‍योकोनगी जुन बेलालाङ च्‍यि खिता लेमु ईन्‍दे सिन लेमु खाला डेला थुप्‍क्‍यो। थोक ओङनामेकी ख्रीष्‍ट ग्‍युरला ओङे छोमु ख्‍योकोन सेमला मेलेबा मेताते, सुङगीङ दिबेकी दि दि गल्‍ती खाबा ओत सिरा मुथुप्‍च्‍येतेन्‍दे

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

कलस्‍सी 1:5

परमेश्‍वरगी था तिरी खेराङला स्‍वर्गने तेरग्‍यो सिन साबातेबा ङेत्‍क्‍यो सिन खेराङगी आश खाईन देताते पक्‍काराङ ङेत्‍क्‍यो सिन छ्या स्‍येबेकीराङ ख्‍योकोनगी थोक लेमु खिन ओताते ईन। परमेश्‍वरगी खेराङला तेरग्‍यो साबाते ङेत्‍क्‍यो सिनचेन ख्‍योकोनगी सत्‍यते बात थोनामेई छ्या स्‍येबा ओत। सत्‍यते बातचेन गा लाङच्‍येते बात ईन।

१ थिस्‍सलोनिकी 1:10

दोस्‍यिककामा मेन, थेबेकीचेन था स्‍वर्गनेकी ग्‍युरला ओङगो साबाते परमेश्‍वर फुज्‍युङ येशूला ख्‍योकोन गुकीनराङ देत्‍ला दुक्‍लो सिरच्‍येते बादोङ खिदुक। थेला परमेश्‍वरगी स्‍यिसादुकी सोम्‍बो लोक्‍पा ओत। मिओनला था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकी ङुरूङला जोए खित्‍कान्‍ते थेराङ ईन।

१ थिस्‍सलोनिकी 4:16

थे छोमु चुक ओङगीते सासीन प्रभु येशूकी लो था बेला लेप्‍सुङ सिन गाङेकी थोच्‍या खाला सिराईताङ, परमेश्‍वर छ्येते दूतकी गाङेकी थोच्‍या खाला बात खिताईताङ थेमे परमेश्‍वर बिकुल फुबाते ङोरो थोबाईताङराङ प्रभु येशू स्‍वर्गनेकी ग्‍युरला ओङगो। थे ग्‍युरगीन वानामेई ख्रीष्‍टला विश्‍वास खित्‍कान्‍ते गोमाका स्‍याप्‍ते मिओन स्‍यिसादुकी सोम्‍बो लोइओ।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

हिब्रू 12:22

तर ख्‍योकोननी सीनै बोमदु मेन्‍देकी सियोन बोमदुका लेपा ओत। सोम्‍बोते परमेश्‍वर देत्‍च्‍येते स्‍वर्गने ओताते यरूशलेम सारोङ ख्‍योकोन लेप्‍सादुराङ ईन। थेरू गा खिन परमेश्‍वरते जय जय खिन देत्‍कान्‍ते ङोला ङ्वा मुथुप्‍च्‍या परमेश्‍वर दूतओन ओत।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।