फिलिप्पी 3:19 - जिरेल19 थोक्ते मिओननी तिरी सजाय ङेत्ला नरककुण्डमा स्यूक्पा फाप्क्यो। थेबेकीचेन खालि साच्या थुङच्ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्किता खाला खोपरोङगी आउदी लेमु काम खाबाप सिरा च्योकका खिदुक। थेबेकी खालि दि जुनीला च्यि च्यि गोच्या दुका थेतेकामा विचार खिदुक। See the chapter |
फिलिप्पी 3:19
52 Cross References
गोमा इस्राएलीओन नाङ परमेश्वर बात खित्कान्ते मि ईन सिन मेन्दे बात लोप्कान्ते मिओन ओता च्योकराङ ख्योकोन नाङचेन परमेश्वर बात लोप्कान्ते मि ईन सिन मेन्दे बात लोप्कान्ते मिओन ओङगो। थेबेकी ख्योकोनला ङ्ये ज्युताला परमेश्वर बातताङ डिकराङ मिडिक्च्येते बात लोप्क्यो। थेबेकीनी खोपरोङ पापकी मोल च्याल्ला खोपरोङला पापदुकी डेल्कान्ते छ्येज्यीक शक्ति ओताते प्रभु येशूला मानेराङ मिक्किओ। दोक दोक खानामेई थेबे गोःनामा परमेश्वर सजाय फाप्क्यो।
थेबेकी ज्येनला जस्तो मेलेबा खाला दुक उस्तोराङ खाला परमेश्वरगी थेबालाङ मेलेबा खिओ। थेबेकीनी ङीमे खोङलाराङ खोपरोङला खिता सेम लाबा लाबा खिओ। ख्योकोनताङ ङ्योम्बु रूला साजीन थुङजीन थेबेकी ख्योकोनलाङ खोपरोङ मेलेबा बानी बिवाराराङ लाप्ला खोपरोङ च्योकराङ जोइओ। ख्योकोनलाङ खोपरोङगी च्योकराङ खिता लोप्जीन थेबाला गा लाङगो।
ख्योकोन नाङ स्यूबाते होथे मिओन नोमुङ खुशी मेङा खाला दि काम लेमु मायाङसुङ, थे थोक ओङसुङ सिन जुन बातलाङ खालि गनगनकामा खिन देत्क्यो। थेबे सेम मेलेबा ओतेकी खोपरोङला जे खिता सेम लाङगीदुक थेराङ खिओ। थेबेकी खोपरोङ जे बादोङ छ्या स्येकान ईन सिराच्योक खाला बात खिओ। थेमे खोपरोङ फाइदा ताला खो आउदी लेमु मि ईन, दोक दोक खित्कान्ते ईन सिन मिला तेक्ला बात खिओ।
ङे च्यिला थे बात ङेन्दा तोङा मेङगो साबाते ईन्दे सासीन कोई कोई मि खाराक्पा ख्योकोन नाङ स्यूकीन सिन्दा ओत। थेबाचेन परमेश्वरगी माकेत साबा साबाते काम खित्कान्ते मि ईन। थेबेकी ङुरूङ परमेश्वरगी मिला दया खाला पापदुकी डेल्च्येते बातला चुक खिका सासीन परमेश्वरगी दाक्पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्डीबाजी थेमे होदि च्योक्ते खिता मेङच्येते काम खिदुक। थेमे ङुरूङ मालिक येशू ख्रीष्टलाङ माने मिक्किदुक। गाङेपा गाङेला राज्य खित्कान्ते थेकामा ईन। होथोक्ते मिओनगी चुकस्यिक सजाय ङेत्कीते सिन परमेश्वर बातला गोमाका टिबा ओत।
जति थेकी ङा छेतते सु ईन्दे, ङात्ताङ छेत सम्पत्ति सुङताङ मेत सिन छ्ये खिन किम्मु खिन देता ओतान थोस्यिकराङ था थेला सुक देक छ्युत, था थेला नोमुङ सेम सन्तो खाला देत माज्युत। च्यिला सासीन थेकी थे मोरोङ सेमगी नाङ ‘ङानी गेल्मुका ईन, ङा नोमुङ ख्योबो स्याप्ते फेम्मे मि च्योक ओङा माफाबो, दुक्पाताङ पीर सिराते च्यि ईन्दे सिन ङे नोमुङ थोङा माफाबो,’ सिन छ्ये खिदुक।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
Advertisements