फिलिप्पी 3:18 - जिरेल18 बातज्यीक ङे ख्योकोनला पालोताङ पालो साबा ओत। थे बात सम्झे खित्जीन ङाला आउदी मेलेबा लाङगीदुक। दि बात ङा लोक्ला सिन ओत। च्यि सासीन ख्रीष्टला विश्वास खित्कान्ते मि ईन सालाङ मि काल्बेईकी ख्रीष्ट स्यिङगी थामला टाँए खाईन स्या फापाते बात छ्याःङ मेन सिराच्योक खाला खोपरोङ खुशी खिन ख्याम्गीदुक। See the chapter |
फिलिप्पी 3:18
30 Cross References
दि बात च्यि ईन्दे सासीन ङेराङ जातकी आज्यो न्वाओन लाईदु पीर खिताई खिताई थानी ङेते सेमोङ छोकीन सिन्सुङ। ङा थेबे लाईदु आउदी खाला पीर खिनराङ देत्क्यो। थेबे साटोला थेबा च्योक खाईन ङा ङाराङ ख्रीष्टकी छ्य्वापेई ठाल्गीन देता थुप्सीन थेमे परमेश्वरगी थेबाला तेरच्येते सजाय ङाराङगी भोगे खिता फाप्सीन थोगोङ खित्च्या ओतान।
बात चुक सासीन ख्रीष्ट मिओनला पापकी सजायदुकी डेलाला स्यिङगी थामला टाँए खाईन स्याप्ते ईन सिरजीन तिरी नरककुण्डमा स्यूक्कान्ते मिओनगीचेन दि लेम्बे बात ईन सिन पत्ते मिक्किओ। दोक ईन्सीनोङ परमेश्वरगी पापकी सजायदुकी टालाते मि ङुरूङगीचेन ख्रीष्टकी खाबाते थे काम ताला परमेश्वर शक्ति चुक छ्ये ईन्दे सिन छ्या स्येबा थुप्क्यो।
ज्येनला अन्याय खित्कानताङ मेलेबा काम खित्कान्ते मि सुङ परमेश्वर राज्यने स्यूक्पा मेङेदो सिन च्यि ख्योकोनला छ्या मेत? ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। चुक सासीन रन्डीबाजी थेमे होदि च्योक्ते खिता मेङच्येते काम खित्कान्तेबा, ल्हा लु माने खित्कान्तेबा, मि ख्यावा फेम्मेताङ ङ्याल्कान्तेबा, ख्योओ मिकी फेम्मे मि च्योक खाला ख्योओ मि ज्याक्ला खिता मेङच्येते काम खित्कान्तेबा,
थेबेकी थोक खाबाते काम गा लाङच्येते बातताङ डिकराङ मिडिक्च्येते ईन्देकी थेरू गाङे ङोन्दुराङ ङे पत्रुसला चुक साबे सासीन “खोरोङ यहूदी ईन्सीनोङ परमेश्वरगी ङुरूङ यहूदीओनला बिन्दाते नियम ङेन्दा ताङगीन ज्येन ज्येन जातकी मित्ताङ डिक्पा ओतान सासीन था खो याङराङ चुक खाला ज्येन ज्येन जातकी मिकीङ होथे नियम ङेन्दा फाप्क्यो सिराच्योक खिते?
थेमे मि जाला लोभ खिओ। दोस्यिककामा मेन, थे छ्याङ रक्सीकी जिला ख्याम्ग्यो, ज्येनताङ रूला भक्कुचूर सोला थुला मोज मज्जा खिओ थेमे होदोक्ते ज्येन ज्येन कामोङ खिओ। होदोक दोक खिन देत्कान्ते मि सुङ तिरी परमेश्वर राज्यने स्यूक्पा मेङेदो सिन ङे ख्योकोनला गोमाकाङ लेमु खाईन साबा ओत, लोक्ला थरिङोङ थोकराङ सिओ।
बात च्यि सासीन ख्योकोनला कर लै खाला खाला जीउला खतकी चिनु ज्वा फाप्क्यो सिन सिरकान्ते मिओनगीनी खोपरोङ फाइदा ताला मिला खुशी ज्वाप्लाकामा थोक खि सिरच्येते ईन। येशू ख्रीष्टला स्यिङगी थामला टाँए खाईन सेताते बातकामा लाप्सीन ज्येन यहूदीओनगी खोपरोङ विरोध खाला खेदापानी खिओ सिनकामा थेबेकी थोक सिरच्येते ईन।
ङे नोमुङ होथेबेकी च्योक खाला दाक्पोनगी खाबाते खइँदा कामगी छ्य्वापेई छ्ये खिता माफाप्स्यीत। ङेनी स्यिङगी थामला टाँए खाईन सेताते ङुरूङ प्रभु येशू ख्रीष्टलाकामा छ्ये जोइओ सिन टुङ्गो खाईन सिन्दा ओत। प्रभु येशू ख्रीष्ट थोक खाईन स्याप्की खित्सादु ङाङ स्यिङगी थामला टाँए खाईन स्याप्ते च्योक ओङगीन दि सा लुङबे मिओनगी ङेन्दा फाप्क्यो सिरच्येते नियम थेमे थेबेकी माने खित्च्येते रीतिथितिओन ङे लाईदु छ्याःङ काम लै मिक्किच्या गाला ओत। थेमे ङाराङचेन होथोक्ते नियमताङ रीतिथिति लाईदु स्याप छेतराङ ओङा ओत।
थेमे ख्योकोन सुङगीङ येशूला विश्वास खित्कान्ते ज्येन मि फेम्मेताङ खिता मेङच्येते काम खाला थे ख्योबोला सोम्बोलाराङ सबी चावादु लुच्येते काम माकेत। होथोक्ते मेलेबाते काम जे खासीनोङ थोक खित्कान्तेबाला प्रभु येशूकी सजाय तेरग्यो। थोगी ख्योकोन च्याङबो खि सिन ङ्योकोनगी ख्योकोनला गोमाकाराङ लाःपा ओत।
खास खालाचेन खोपरोङ सेम मेलेबा ओत्कीन दाक्पोन खुशी खिन खिता मेङच्या आउदी मेलेबा मेलेबा काम खित्कान्ते थेमे परमेश्वरताङ ज्येन सुङगीङ अधीनला मेदेत्कान्तेबाला चुक खाला सजाय तेरा फाप्कीते सिन थेला लेमु खाला छ्या ओत। परमेश्वर बातताङ मिडिक्च्येते बात लोप्कान्ते होथे मिओनगी सुङताङ ज्यीबा ख्यारा मिक्किता खाला ङा ङाराङ ईन सिराच्योक खिओ। थेबेकीनी पाप खित्कान्ते परमेश्वर दूतओनलाङ छ्याःङ ज्यीबा मिक्किता खाला विरोध खिओ।
दोस्यिककामा मेन, थेबाचेन जेसुकै फोर मैलो उरला खुलाङकान्ते समुन्द्रे छाल च्योक्ते ईन। समुन्द्रे छालगी उरगीन खुलाकीन समुन्द्रे छेउदु बाम्बाते फोर मैलोतेबा गाङे थोङा च्योकराङ होथेबेकी खाबाते मेलेबाते कामतेबाङ गाङेकी थोङगो। थेबा ग्वाका नामनेकी ङील्ला तोरला डोच्येते कार्मे क्याक्पा च्योक्ते ईन। होथोक्ते मिओनला सधैँभरि सजाय तेराला परमेश्वरगी नरककुण्डमा आउदी मुन्दाकज्यीक ठाउँ ठीक खाईन ज्याक्पा ओत।
Advertisements