फिलिप्पी 3:12 - जिरेल12 ङे छ्या स्येबा चालाते होथे बातबरी गाङे छ्या स्येकीन सिन्दा ओत थेमे ङाराङगी ङेत्च्येते गाङे ङेत्कीन सिन्दा ओत सिन ङा मिसिरो। थेमे परमेश्वरगी ज्वा चाला च्योकराङ ङाराङ लेमु ओङगीन सिन्दा ओत सिनोङ मिसिरो। येशू ख्रीष्टकी ङाला थे खोरोङ मि जोबा ओतेकी परमेश्वरगी तेरग्यो साबाते इनाम ङेत्च्ये छ्य्वापा ङा थुपासम्म स्येत खिन ओत। See the chapter |
फिलिप्पी 3:12
44 Cross References
परमेश्वर दोकस्यिकराङ दुक सिन थरिङोलाचेन ङुरूङगी टिक्पी टिक्पीकामा थोङच्येते ऐनाला थोङाच्योक खाला थोङगो। था तिरीचेन थे दोकस्यिक ओताक्वा सिन थेला ठामासोमुला मिगी दोन्दुराङ थोङगो। परमेश्वर सु ईन्दे, थेकी चुक खाला काम खिते सिरच्येते बात थरिङोला ङे टिक्पी टिक्पीकामा छ्या स्येबा ओत। थेकी ङाला दि मि दोक्ते ईन सिन छ्या स्येबाच्योक खाला था तिरीचेन परमेश्वर दोक्ते दुका, थेकी दोकराङ खाला काम खित्च्याक्वा सिन ङे गाङे लेमु खाला छ्या स्येक्यो।
दाक्पोन खुशीला ख्याम्कान्ते मिकी परमेश्वर आत्मेकी खित ज्युता चालाच्योक खिता मोछोलो। थोकराङ खाला परमेश्वर आत्मेकी खित ज्युता चालाच्योक खित्कान्ते मिकीचेन दाक्पोन सेमला लाबा लाबा खिता मोछोलो। दोक खाला परमेश्वर आत्मेकी खित ज्युत्च्येते कामताङ दाक्पोन खुशीला ख्याम्च्येते बात डिकराङ मिडिगो। दाक्पोन खुशीला माख्याम्स्यीत सिन परमेश्वर आत्मेकी ख्योकोनला थे खोरोङगी खि साबाच्योक खित ज्युता छोल्ग्यो।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
दि चिट्ठी टिक्कान्ते ङा पावल थेमे तिमोथी ईन। ङ्योकोन येशू ख्रीष्ट काम खित्कान्ते मि ईन। ङ्योकोन दि चिट्ठी फिलिप्पी सारदु ओताते परमेश्वर सन्तानओनला ताकान्तेबे नाङ छ्येते मिओन थेमे थेबाला थोक खिताला मद्धत तेरकान्ते मिओनला टिगीन ओत। थेबालाकामा मेन्देकी दि चिट्ठी येशू ख्रीष्टताङ जीउज्यीकराङ ओङाते परमेश्वर सन्तान ख्योकोन गाङेला टिगीन ओत।
ङुरूङका परमेश्वरगी छाने खाबाते जीउला खतकी चिनु जोबा ओताते मि च्योक्ते ईन। च्यिला सासीन परमेश्वरला चुक खाला माने खिता फाप्च्येते ईन्दे परमेश्वर आत्मे छ्य्वापेकी ङुरूङ थेला थोकराङ खाला माने खिओ। परमेश्वरला माने खिताला ङुरूङचेन दाक्पोन जीउला खतकी चिनु जोबा ओत थेमे ज्येन ज्येनोङ धर्म कर्म खाबा ओत सिन छ्ये मिक्किओ। बरू येशू ख्रीष्टताङ जीउज्यीकराङ ओङा ओतेकी गा खिओ।
ईन्दाबोङ येशू ख्रीष्टला ङाराङ मालिक ईन सिन छ्या स्येच्येते छेत छ्येते बात ज्येनतोक छ्याःङ मेन्दाक्वा। थोगी ङाराङ चुक्ते ईन्दे, चुक चुक खिन ओताने सिरच्येते बात छ्याःङ काम लै मिक्किच्याक्वा सिन छ्या स्येकीन ङे था थोक्ते बात खिता गाङे ताङाप। ङाराङते होथे गोमे बाततेबा सम्झे खित्जीन ङालानी किक्टो लाङच्येते फोर मैलो च्योकराङ लाकीन था थेते विचारराङ खिता ताङा ओत। ख्रीष्टला पूरो खाला छ्या स्येबा थुप्स्यीत
दोक ईन्सीनोङ आज्यो न्वावे, ख्योकोनलाचेन प्रभु येशू ख्रीष्टकी आउदी ङिङज्ये खाबा ओत। थेमे ङ्योकोन जहिलेङ ख्योकोन लाईदु परमेश्वरला धन्यवाद सिओ। परमेश्वर आत्मेकी खित्सादु ख्योकोन सेम खुदुक गालाते मि ओङला थेमे सत्यते बात ङेन्ला ख्योकोनगी पापकी सजाय भोगे खिता माफाप्स्यीत सिन परमेश्वरगी ख्योकोनला दि सा नाम ज्वा भन्दा गोमाकाराङ छाने खाबा ओतेकी ङ्योकोनगी थेला धन्यवाद सिरा फाप्च्येतेराङ ईन।
दोस्यिककामा मेन, थेबाचेन लेमु कामगी लाईदु मिन चले खाबाते मि ओङा फाप्क्यो। थोक साबाते च्यि सासीन फुज्युङ फुमुला लेमु खाईन हुर्के खाबाते, खाम्बादु वाबाते मिला लेमु खित्कान्ते, परमेश्वर सन्तानओन खाम्बादु ओङजीन काम्बा टुला तेरकान्ते, दुक्पा ओताते मिओनला ताकान्ते थेमे ज्येनोङ होदोक्ते लेमुते काम खित्च्ये छ्य्वापा स्येत खिन देताते फेम्मे मि ओङा फाप्क्यो।
टिक्पी दिन ख्योकोनगी दोक्ते दुक्पा खपे खिता फाप्सीनोङ ख्रीष्टकी खाबाते कामगी खित्सादु खितासम्म दया खित्कान्ते परमेश्वरगी ख्योकोनला सधैँभरि लाईदु मान तेराला थे खोरोङ दोन्दु स्योक सिन काताङा ओत। थेकीराङ ख्योकोनला सेम सेता ओत्सादुई लोक्ला आँट तेरग्यो, जस्तो ओङजीनोङ मेलेबा खित्सादुई जोए खाला ज्य्वाक्यो थेमे ख्रीष्टला विश्वास खिन देताला शक्ति तेरग्यो।
Advertisements