फिलिप्पी 3:11 - जिरेल11 था परमेश्वरगी स्याप्ते मिओनला सोम्बो लोक्जीन ङालाङ सोम्बो लोइओ सिनोङ ङेते विश्वास ओत। See the chapter |
फिलिप्पी 3:11
17 Cross References
थेरू जम्मा ओङाते यहूदीओन छ्ये छ्ये मि नाङ कोई सदुकी पाटी मि, कोईचेन फरिसी पाटी मि ओतान। थेरू पाटी ङि मि ओताते बात छ्या स्येकीन पावलगी गाङेकी थोच्या खाईन “आज्यो न्वावे, ङाङ फरिसी पाटी मि ईन। ङे आबाबा गोप्पोबाङ फरिसी पाटी मिराङ ओतान। ङा परमेश्वरगी स्याप्ते मिला तिरी सोम्बो लोइओ सिन पत्ते खित्कान्ते मि ईन्देकीराङ ङाला मुद्धा चले खाईन दोक खाईन थरिङ ख्योकोन गाङे दोन्दु खुलाबाते ईन,” सिन सिदुक।
गुनला हुन्डी चले खित्च्येते समय ईन्देकी लासियादु देता थोक लेमु ओङच्या मेतान। थोगी पानीजहाज नाङ ओताते काल्बा च्योक्ते मिओनगी थुप थुपला बरू फोनिक्स सिरसादु गाल्ला देत्की सिन सासुङ। थेरूचेन पानीजहाज लेमु खाला ज्य्वाच्येते ठाउँ ओतान। थे ठाउँओङ क्रेट लुङबादुराङ फाप्कीन ओतान। थे ठाउँ दक्षिण पश्चिमताङ उत्तर पश्चिम छ्य्वापा ग्युरा ओतेकी ज्येननापा हुन्डी चले खासीनोङ थेरू छ्याःङ खिन मेतान।
थोकराङ खाला येशू बात खोकीन पाको गाला मेताते मिओनताङ देत्जीनचेन थेबेकी येशूला झन लेमु खाला विश्वास खित्स्यीत सिन ङा थे बात गाङे छ्या स्येकीन पाको गालाते मि च्योक मिक्किता खाईन थेबा च्योकराङ खाईन देतान। थोक खाला थेबा दोक्पोई ङिकामा ईन्सीनोङ पापकी सजायदुकी थारस्यीत सिन गाङे लाईदु थेबा जस्तो जस्तो दुक ङेङ उस्तो उस्तोराङ ओङगीन काम खाबान।
थोक थोक दुक्पा ओङ च्युत्कीन मिला पाप खित ज्युता छोल्कान्ते शैतानगी ना ख्योकोनला प्रभु येशू छ्य्वापेकी टाला ईन्दा सिन ङाला आउदी ज्यीबा लाबा ओतान। शैतानगी थोक खाबा ईन्सीन ङ्योकोनगी ख्योकोन नाङ खाबाते काम थाराङ खेरोला डोच्या ओतान। थोगी ख्योकोन थोरूमोङ प्रभु येशूला विश्वास खिनराङ दुकाना मिन्दुका सिन ताप्ला तिमोथीला ख्योकोन ओत्सापा ताङाते ईन।
होथोक्ते बात ङेन्ला ख्योकोन सुङ छक्के माकेत। च्यिला सासीन मि काल्बेईकी परमेश्वरगी खि साबाते ङेन्दा ताङगीन थे विरोध माक्याथुप थेमे आउदी पाप खित्कान्ते मि मावाथुपनी प्रभु येशू ग्युरला ओङच्येते दिन ओङराङ मेङगो। थे आउदी पाप खित्कान्ते मिकी छ्येज्यीक सजाय ङेत्ला नरककुण्डमा ड्वा फाप्क्यो।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
थोकराङ खाईन कोई कोई फेम्मे मिकी स्याप्ते मिओनला परमेश्वरगी सोम्बो लोइओ सिन थेला विश्वास खाबेकी थेकी थेबे मिओनला सोम्बो लोक्पा ओतान। लोक्ला कोई कोईला जेलला लुक्नामेई परमेश्वरला विश्वास खिता ताङसीन तेन्ला तोङगो सिरजीन थेबेकी ङ्योकोन थोक मिक्किओ सिन साबा ओतान। थोगी थेबाला बिजोग तेन्गीन तेन्गीन सेता ओतान। परमेश्वरगी था तिरी सोम्बो लोक्ला थे खोरोङताङराङ ज्य्वाक्यो सिन थेबेकी थेला विश्वास खाबा ओतेकीराङ थेबेकी थेला विश्वास खिता तोङराङ मोतोङो सिन साबा ओतान।
Advertisements