फिलिप्‍पी 2:8 - जिरेल

⁸ थे ज्‍येन मि च्‍योकराङ ओङगीन देता ओतान। परमेश्‍वरगी साबा साबा ङेन्‍गीनराङ देत्‍कीन स्‍या फाप्‍जीनोङ थेकी नाइँ साबा मेतान। थोरूम थेलानी मिओनगी स्‍यिङगी थामलाका टाँए खाईन सेता ओतान।

फिलिप्‍पी 2:8 Cross References

मत्ती 17:2

थेमे थेरू तेइन तेइनलाराङ थेबा सुमबोकी येशू झिलिमिली गालाते थोङसुङ। थे छ्येत ङीमा च्‍योकराङ टल्‍के खित्‍च्‍या गाल्‍सुङ। थेकी खोन्‍दाते खोलाकोङ मिगी ताराङ मुथुप्‍च्‍या आउदी कार्मु गाल्‍सुङ।

मत्ती 26:39

थेमे खोबुकला देत्‍कीन “आबा, थुप थुपला दि ओङा खाबाते दुक्‍पा ङे भोगे खिता माफाप्‍सीन ओङच्‍या ओतान। ईन्‍सीनोङ ङे थोक माक्‍याबाला मेङगो सासीन ङे साबाच्‍योक मेन्‍दाला आबा खुई साबा च्‍योकराङ ओङस्‍यीत,” सिन प्रार्थना खासुङ।

मत्ती 26:42

थेमे थे याङराङ गाल्‍गीन “आबा, ङे दि दुक्‍पा भोगे माक्‍याबाला ओङराङ मेङगो सासीन खुई साबा च्‍योकराङ ओङस्‍यीत,” सिन प्रार्थना खासुङ।

लूका 9:29

येशू थेरू प्रार्थना खिन खिनला च्‍यि ओङसुङा सासीन थे छ्येत आउदी टल्‍के खित्‍च्‍या गाल्‍सुङ। थेकी खोन्‍दाते खोलाकोङ मिगी ताराङ मुथुप्‍च्‍या आउदी कार्मु गाल्‍सुङ।

यूहन्‍ना 10:18

ङा ङाराङगीराङ स्‍या सेम माक्‍याबा ईन्‍सीन ङाला सुङगीङ सेता मुथुबो। ङाराङ खुशीकी ज्‍यान बिन्‍ला स्‍यिच्‍येते थेमे लोक्‍ला सोम्‍बो लोक्‍च्‍येते दि गाङे ङे लाःक्‍तुराङ ओत। ङाला थोक खि सिन आबेकीराङ कोता ओत,” सिन बात खासुङ।

यूहन्‍ना 14:31

ङे आबाला ङिङज्‍ये खित्‍च्‍याक्‍वा थेमे थेकी खि साबा साबाकामा खित्‍च्‍याक्‍वा सिन दि सा लुङबे मिओनगी छ्या स्‍येबाराङ फाप्‍क्‍यो। लो ल्‍वा, था ङुरूङ दुरूकी डुइ,” सिन सिदुक।

यूहन्‍ना 15:10

ख्‍योकोनगी ङे खि सिन कोताते ङेन्‍सीन ङा ख्‍योकोनला ङिङज्‍ये खिन देत्‍क्‍यो। ङेङ आबेकी खि सिन कोताते ङेन्‍दा ओत। थोगी थेकी ङाला ङिङज्‍ये खिनराङ देत्‍क्‍यो।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

शक्ति काम 8:33

मिओनगी थेला खितासम्‍म बेइज्‍जत खासुङ। थेकी न्‍याय निसाफ सिराते छ्याःङ माङेत्‍सुङ। थोक खाईन थेला सेत्‍सुङ। थोगी था थे सखा सन्‍तान बात सुई खितेरो?” सिन टिबा ओतान।

रोमी 5:19

थोक खाईन मिज्‍यीगी परमेश्‍वरगी साबाते माङेन्‍देकी खित्‍सादु मि काल्‍बेई पापी ओङाते ईन। लोक्‍ला ज्‍येनज्‍यीगी थेकी साबाते ङेन्‍देकी खित्‍सादुचेन परमेश्‍वरगी मि काल्‍बेईला दोषी मेन सिरच्‍येते ईन।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 12:4

स्‍यिसीनोङ ङा दोक पाप खितराङ मिक्‍किओ सिन पाप खित्‍च्‍ये छ्य्‌वापेई ठाला छोल्‍जीन थोरूमसाक ख्‍योकोन पापीओन लाःक्‍तु फाप्‍कीन स्‍यापराङचेन फापा मेत।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।