फिलिप्‍पी 2:7 - जिरेल

⁷ बरू थोक छ्येते हक ताङगीन मि जुनी लाकीन योक्‍पो च्‍योकराङ ओङा ओतान।

फिलिप्‍पी 2:7 Cross References

मत्ती 12:18

चुक सासीन “दिला ङे ङाराङ काम खिताला छाने खाबाते ईन। ङा दिला ङिङज्‍ये खिओ थेमे दित्ताङ खुशीङ ओत। ङा दिला ङाराङ आत्‍मा तेरग्‍यो। थेमे दिकीराङ ङे जात जातकी मिला काका पाका मिक्‍किता खाला न्‍याय खिओ सिन लाप्‍ला तेरग्‍यो।

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

मर्कूस 9:12

थोक सिरजीन थेकी “ईन ईन, एलिया याङराङ दुरू ओङा फाप्‍च्‍येतेराङ ईन। थेमे दुरू वाला थेकी मिओनला परमेश्‍वर छ्य्‌वापा लै खि साला ख्रीष्‍ट ओङे लाईदु जेसुकै ठीक खिओ। थेमे परमेश्‍वर ओत्‍सादुई वाबाते मि ङाला चुक चुक ओङगीते सिन परमेश्‍वर बातला च्‍यि सिन टिबा ओते सासीन ङे आउदी खाला दुक्‍पा भोगे खिता फाप्‍क्‍यो थेमे मिओनगी ङाला विरोध खाला मेलेबा खिओ सिन साबा ओत।

लूका 22:27

लो ख्‍योकोन सिते। डोम्‍बो छ्ये ईन्‍दाना डोम्‍बोला साप थुङा जोला तेरकान्‍ते मि छ्ये ईन्‍दे? च्‍यि डोम्‍बोराङ छ्ये मेनरो? बात दोक ईन्‍सीनोङ ङानी ख्‍योकोन नाङ ख्‍योकोन काम खित्‍कान्‍ते च्‍योक ओङलाका काम खिन ओत।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

रोमी 1:3

परमेश्‍वरगी छ्या स्‍ये ज्‍युत्‍क्‍यो साबाते दि गा लाङच्‍येते बातचेन थे खोरोङ फुज्‍युङ बातराङ ईन। परमेश्‍वर फुज्‍युङ मि जुनी लाला दुरू ओङजीन गेल्‍बो दाऊद सन्‍तान नाङ केबा ओतान।

रोमी 15:3

येशू ख्रीष्‍टकीङ नोमुङ थे खोरोङ फाइदा ताकीन काम खाबा मेतान। थेकी दोक खिओ सिन परमेश्‍वर बातला गोमाका “परमेश्‍वर, मिओनगी खोल्‍ला ईन्‍दा मेन्‍दा साबाते थेमे मोताते ङालाराङ खाबाच्‍योक ओङसुङ,” सिन टिबा ओतान।

रोमी 15:8

ख्रीष्‍टकी चुक खासुङा सिन विचार खि। थेचेन परमेश्‍वरगी यहूदीओन ज्‍युज्‍यु पुर्खाताङ गोमा खाबाते जमान पूरो खाला थेबाला लेमु खिताला थेबे नाङ केबा ओतान। दोक खाईन थेकी परमेश्‍वर थे खोरोङगी खिओ साबा च्‍योकराङ खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

फिलिप्‍पी 2:6

चुक सासीन परमेश्‍वर जस्‍तो ईन येशू ख्रीष्‍टोङ गोमामेईराङ होथोकराङ ओतान, छ्याःङ खुदुक मेतान। परमेश्‍वरला ताला छ्याःङ खुदुक मेत्‍सीनोङ थोक्‍ते हक तोङाला थेकी दुक्‍पा माने माक्‍यासुङ।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 13:3

थेमे खेराङराङ थेरू स्‍यूबाते च्‍योक ठाने खाला जेलदु लुक्‍पाते मिओनलाङ लेमु खाला तो। ङ्योकोनलाङ मिकी ङीमाई दोकराङ खाला दुक्‍पा तेरा थुप्‍क्‍यो सिन टोक मेज्‍येता खाला ख्‍योकोनगी ज्‍येनगी दुक्‍पा बिन्‍दाते मिओनलाङ मद्धत बिन्‍ला लेमु खि।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।