फिलिप्‍पी 2:3 - जिरेल

³ ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

फिलिप्‍पी 2:3 Cross References

लूका 18:14

ङा ख्‍योकोनला च्‍यि सिते सासीन खाम्‍बाला ग्‍युरला डोजीन थेबा ङिबो नाङ परमेश्‍वरगी कर लिन्‍कान्‍ते मि पापचेन माफ बिन्‍दा ओतान। फरिसी पाटी मिचेन पापीकी पापीराङ ओतान। च्‍यिला सासीन ङा ङाराङ ईन सिरकानला परमेश्‍वरगी छ्ये ईन सिन मिसिरो। छ्ये मिक्‍किकान्‍ते मिलाचेन परमेश्‍वरगी छ्ये जोइओ,” सिन सिदुक।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

रोमी 2:8

परमेश्‍वरगी छ्या स्‍ये च्‍युताते सत्‍यते बात मेङेन्‍दा खाला खोपरोङ खुशी खिन मेलेबा काम खित्‍कान्‍ते मिओनलाचेन थेकी स्‍येदाङगी चूर गाल्‍ला सजाय तेरग्‍यो।

१ कोरिन्‍थी 15:9

येशू ख्रीष्‍टकी खटे खाबाते मि गाङे नाङ ङानी थेबा छेत ईनराङ मेन। ङानी येशू ख्रीष्‍टकी खटे खाबाते मि ईन सिराङ सोई मिक्‍किओ। च्‍यिला सासीन ङेनी गोमाबा परमेश्‍वर मिओनला गाङेपा चाल्‍गीन चाल्‍गीन थेबे खेदापानी खाबाप।

१ कोरिन्‍थी 3:3

च्‍यि सासीन ख्‍योकोननी दाक्‍पोन खुशीला ख्‍याम्‍कान्‍ते मिओन च्‍योकराङ दुक। ख्‍योकोन दाक्‍पोन दाक्‍पोन नाङ डार खिन थेमे थोम्‍मु खिन देत्‍ला परमेश्‍वर आत्‍मेकी च्‍यि खि सिका थे ङेनराङ मेङेन्‍दुक। थोगी च्‍यि ख्‍योकोन दाक्‍पोन खुशीला ख्‍याम्‍कान्‍ते ज्‍येन मि च्‍योकराङ मायाङसुङरो?

२ कोरिन्‍थी 12:20

था ङा थेपा ओङजीन ङे साबा ओताच्‍योक मेन्‍देकी ख्‍योकोनगी खुदुकराङ काम खिन ओताते थोङा फाप्‍कीता सिन ङाला पीर लाबा ओत। थोकराङ खाला ख्‍योकोनगीङ ङाला खुदुकराङ गालाते च्‍योक थोङगीता सिनोङ ङाला पीर लाबा ओत। च्‍यि सासीन थोरूमोङ ख्‍योकोन थोम्‍मु जीङगा खिन ओताते, मिला डार खिन ओताते, मित्ताङ स्‍येदाङ खित्‍च्‍येते, ज्‍येनगी वास्‍ता मिक्‍किता खाला दाक्‍पोन फाइदाकामा ताच्‍येते, मिला मोत्‍च्‍येते, मि पनी खित्‍च्‍येते, ङा ङाराङ ईन सिराच्‍योक खित्‍च्‍येते थेमे गाङेराङ डिक्‍ला थुन्‍ला काम खिता साटोला आफूराङस्‍ये खाला ख्‍याम्‍गीन ओताते थेप्‍कीता सिन ङाला सुर्ता लाबा ओत।

गलाती 5:15

दोक्‍पोईकी ज्‍येनज्‍यीकला ङिङज्‍ये खिता साटोला ख्‍योकोन किताङ फाक्‍पा ठेताच्‍योक खिन देत्‍सीन च्‍याङबो खि याङ। ख्‍योकोन खेराङ खेराङराङ स्‍यिरीङ खिता फाबोङ।

गलाती 5:26

ङुरूङगी दाक्‍पोन नाङ ङा ङाराङ ईन सिराच्‍योक खिता मेङगो। दोक खासीन दाक्‍पोन नाङ मिडिक्‍च्‍येतेताङ आरिस्‍ये खित्‍च्‍येते बातकामा ओङगो।

एफिसी 4:2

च्‍यि सासीन ख्‍योकोनगी नोमुङ ङा ङाराङ ईन सिराच्‍योक माकेत, गाङेताङ खा छ्येत लेमु खि, होत्ताराङ स्‍येदाङ माकेत थेमे दोक्‍पोईकी ज्‍येनज्‍यीकला ङिङज्‍ये खिन सुङताङ होपकी जोप मिक्‍किता खाला बरू सै खाला देत।

एफिसी 5:21

प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिन ङा ङाराङ ईन सिराच्‍योक मिक्‍किता खाला ख्‍योकोन दोक्‍पोईकी ज्‍येनज्‍यीक बात ङेन्‍च्‍येते खि।

फिलिप्‍पी 2:14

जे खिता फाप्‍सीनोङ ख्‍योकोनगी गनगन मिक्‍किता खाला खि, ङे दोक खिता माफाप्‍सीनोङ ओङच्‍या ओतान सिराच्‍योक खाला छ्याःङ माकेत।

कलस्‍सी 3:12

परमेश्‍वरगी ख्‍योकोनला थे खोरोङ सन्‍तान सिन छाने खाईन ख्‍योकोन सेम खुदुक जोबा ओत, थेकी ख्‍योकोनला आउदी खाला ङिङज्‍ये खिओ। ख्‍योकोन बात दोक ईन्‍देकी ख्‍योकोनगी चुक चुक खिता फाप्‍कीते सासीन पीर फापा ओतातेबाला पीर माकेत सिन सिरा फाप्‍क्‍यो, ज्‍येनगी दुक्‍पाला ता फाप्‍क्‍यो, ङा ङाराङ ईन सिराच्‍योक खिता मेङगो, गाङेताङ खा छ्येत लेमु खिता फाप्‍क्‍यो, होत्ताराङ स्‍येदाङ खिता मेङगो,

कलस्‍सी 3:8

थाचेन ख्‍योकोनगी दोक दोक खिता थोङ। च्‍यि सासीन सुङताङ स्‍येदाङ माकेत, स्‍येदाङ फुङ मापुङ, मि छतिपति माक्‍युर, मि मामोत, फोर बात माकेत

१ तिमोथी 6:4

थोक्‍ते मिओनगी गाङे बात छ्या ओताच्‍योक खाईन छ्ये खासीनोङ थेबेकीनी च्‍यि बात चुक ईन्‍दे सिन छ्याःङ खोबा मेङगो। थेबेकीचेन टेकाटेउरी स्‍योरच्‍येते छ्याःङ काम लै मिक्‍किच्‍येते बातकामा देन्‍दा चाल्‍ला होथोक्‍ते बातकामा छोल्‍गीन ख्‍याम्‍ग्‍यो। थोक्‍ते बात खित्‍जीन खालि स्‍येदाङ लाङच्‍येते, डिक्‍ला थुन्‍ला देता मुथुप्‍च्‍येते, मि मोत्‍च्‍येते, शंका खाला ईनराङ मेन्‍दे दोष लै खित्‍च्‍येते

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।

१ पत्रुस 5:5

थेमे स्‍याराते मिओनलाङ ङा च्‍यि सिते सासीन ख्‍योकोनगी दाक्‍पोन भन्‍दा छ्येकी लाःपा कोताते ङेन। थेमे दि बातचेन ङा ख्‍योकोन गाङेला सिओ। च्‍यि सासीन ख्‍योकोन सुङगीङ ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि। परमेश्‍वर बातलाङ “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।