फिलिप्‍पी 2:20 - जिरेल

²⁰ चुक खासीन ख्‍योकोनला लेमु ओङगीताका सिन ङात्ताङ डिक्‍ला काम खित्‍कान्‍ते मि दुरू तिमोथीकामा ओत।

फिलिप्‍पी 2:20 Cross References

यूहन्‍ना 10:13

थेचेन दारमात बिन्‍गीन ज्‍याक्‍पाते मिकामा ईन्‍देकी लुईते छ्याःङ वास्‍ता मिक्‍किता खाला थोक खाला लुक ताङला छ्योङगो।

यूहन्‍ना 12:6

दुक्‍पा ङेताते मिओनला ङिङज्‍ये खितेकी थेकी थोक साबा मेतान। थेचेन चोर ओतान। थेबा गाङे पैसा ज्‍य्‌वाकान्‍ते थेराङ ओतान। थेमे थे खोरोङला गोबे बेलाला थेकी थे पैसाराङ थेन्‍ला चले खिन ओतान।

रोमी 15:5

दोक खाला ङुरूङ सेम मेसेता खाला देता थुप्‍स्‍यीत सिन परमेश्‍वरगी ङुरूङला आँट तेरग्‍यो। ङुरूङला दोक खित्‍कान्‍ते परमेश्‍वरगीराङ ख्‍योकोनगी येशू ख्रीष्‍टकी च्‍योकराङ दाक्‍पोन फाइदा माताबा खाला काम खित्‍जीन ख्‍योकोन गाङेला डिक्‍ला देत्‍च्‍येते सेम तेरस्‍यीत सिन ङा प्रार्थना खिओ।

१ कोरिन्‍थी 16:10

थेमे तिमोथी थेपा ओङजीन ख्‍योकोनगी थेला डोम्‍बोला च्‍योकराङ खि। च्‍यिला सासीन थेकीङ ङे च्‍योकराङ प्रभु येशूकी खि साबाते कामराङ खिन ओत।

फिलिप्‍पी 2:2

थोरूम ख्‍योकोनगी दोक दोक खासीन ङाला झन गा लाङच्‍या ओतान। चुक सासीन ख्‍योकोन गाङेराङ सेमज्‍यीकराङ खाला डिक्‍ला देत, दोक्‍पोईकी ज्‍येनज्‍यीकला ङिङज्‍ये खि, जे खित्‍जीनोङ लो ङुरूङ दोकराङ खिइ साला डिक्‍ला खित्‍च्‍येते खि।

फिलिप्‍पी 2:22

तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

कलस्‍सी 4:11

थेमे युस्‍तस सिराते येशूतेङ नमस्‍ते ओत्‍लो। येशू ख्रीष्‍टला विश्‍वास खित्‍कान्‍ते यहूदी नाङ अरिस्‍तार्खस, मर्कूस थेमे युस्‍तस दिबा सुमबोकामा ज्‍येनगीङ परमेश्‍वर राज्‍य बात छ्या स्‍येला ङेन्‍स्‍यीत सिन ङात्ताङ डिक्‍ला ख्रीष्‍टकी बात लोप्‍कीन ओत। दिबेकी दोक खाईन मद्धत खाबाते ङाला लेमु ओङसुङ।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

२ तिमोथी 1:5

थेमे खेकीकामा मेन्‍देकी खुई पक्‍काराङ खाईन येशू ख्रीष्‍टला विश्‍वास खाबाते बात ङे टोक ज्‍येता मेत। खुई गोम्‍मु लोइसताङ खोरोङ आमा युनिसकीङ थोङला होदोकराङ खाला परमेश्‍वरला विश्‍वास खिन ओतान। खोङ थेबेकी च्‍योकराङ खाला येशू ख्रीष्‍टला विश्‍वास खित्‍कान्‍ते मि ईन सिन ङाला लेमु खाला छ्या ओत।

२ तिमोथी 3:10

बात दोक दोक ईन्‍सीनोङ ङे बातचेन गाङे खोल्‍ला लेमुराङ खाला छ्या ओत। च्‍यि सासीन सत्‍यते बात लोप्‍जीन ङे च्‍यि बात चुक खाईन लापा ओताने, ङे चुक चुक खाबा ओताने थेमे ङे ङाराङ जुनी खाङ च्‍यि खिता चाला ओताने सिन खोल्‍ला छ्याराङ ओत। दोस्‍यिककामा मेन, ङे येशूला चुक खाला विश्‍वास खिन ओताने, ङा चुक खाला ज्‍येनताङ स्‍येदाङ मिक्‍किता खाला देत्‍कीन ओताने, ज्‍येनला चुक खाला ङिङज्‍ये खिन ओताने थेमे जस्‍तो दुक्‍पा ओङसीनोङ ङे चुक खाला खपे खिन ओताने सिन गाङे बात खुई छ्या स्‍येबाराङ ओत।