फिलिप्‍पी 2:15 - जिरेल

¹⁵ होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।

फिलिप्‍पी 2:15 Cross References

मत्ती 10:16

थेमे ज्‍येन बात च्‍यि सासीन फारे हूलगी लुई बगालला थेप्‍सुङ सासीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुकला खिता च्‍योकराङ मिओनगी ख्‍योकोनला मेलेबा खिओ। थोगी ख्‍योकोन रूल च्‍योकराङ च्‍याङबो खाला देत। थेमे थेबा सुङलाङ छ्याःङ मेलेबा मिक्‍किता खाला गन्‍दीमा च्‍योकराङ सुधो ओङला काम खि।

मत्ती 17:17

थोक सिरजीन थेकी “था समय मि ख्‍योकोन परमेश्‍वरला विश्‍वास खितराङ मिक्‍किकान थेमे थे बात ङेनराङ मेङेन्‍कान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङराङ देत्‍च्‍ये?” सिन साकीन च्‍याकीन “खुई फुज्‍युङला दुरू ङा ओत्‍सादु खोरच्‍योक,” सिन सिदुक।

मत्ती 5:45

थोक खासीन ख्‍योकोनला स्‍वर्गने देत्‍कान्‍ते ख्‍योकोन आबा परमेश्‍वर फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी लेमु काम खित्‍कान्‍ते ईन्‍सीनोङ मेलेबा काम खित्‍कान्‍ते ईन्‍सीनोङ, थेकी साबा साबाच्‍योक खित्‍कान्‍ते ईन्‍सीनोङ थोक मिक्‍किकान्‍ते ईन्‍सीनोङ मि गाङे लाईदु ङीमा स्‍यार च्‍युत्‍ला थेमे छ्यार्बा देक च्‍युत्‍ला गाङेला ङिङज्‍ये खिओ।

मत्ती 5:48

बात दोक दोक ईन्‍देकी स्‍वर्गने देत्‍कान्‍ते ख्‍योकोन आबा परमेश्‍वरगी जे कुरोङ लेमुकामा खाबाच्‍योक खाला ख्‍योकोनगीङ लेमुकामा खि।

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

लूका 6:35

ख्‍योकोनगीचेन खेराङ शत्रुओनलाङ ङिङज्‍ये खि, थेबाला लेमु खि। सुइँदाला खइँदा किन्‍जीन किम्‍बाराङ लिन्‍दाप सिन मातेर। ङे खि साबा च्‍योकराङ खासीन गाङे भन्‍दा छ्येते परमेश्‍वरगी ख्‍योकोनला तिरी छ्येज्‍यीक मान तेरग्‍यो। थेमे ख्‍योकोनला थे फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी बैगुनीताङ मेलेबा काम खित्‍कान्‍ते मिओनलाङ ङिङज्‍ये खिओ।

यूहन्‍ना 5:35

यूहन्‍नाचेन आउदी लेमु खाईन बाराते बत्ती नाम्‍दाक च्‍योक ओतान। थेमे टिक्‍पी दिनकामा ख्‍योकोनला थेकी लापाते बातओन लेमु लासुङ।

शक्ति काम 2:40

बात खिन खिन पत्रुसकी थेबाला लोईन “पाप खाबेकी खित्‍सादु दि लुङबे मिओन गोःनामा परमेश्‍वर सजाय फाप्‍कीन सिन्‍दा ओत। थे सजायला माफाप्‍स्‍यीत सिन ओर्च्‍ये ङे बात ङेन्‍ला था ख्‍योकोनगीचेन ज्‍येन च्‍योकराङ खिन मादेत, पाप खिता थोङ,” सिन सासुङ।

शक्ति काम 20:30

दोस्‍यिककामा मेन, ख्‍योकोन खेराङ नाङदुकीङ कोई कोईकी मेन्‍दा मेन्‍दे बात लाप्‍ला थुप थुपला ख्‍योकोन गाङेला खोपरोङ छ्य्‌वापा लै खित ज्‍युता छोल्‍ग्‍यो।

रोमी 16:19

ख्‍योकोनचेन परमेश्‍वरगी खि साबाते ङेन्‍कान्‍ते मि ईन सिन गाङेपे मिओनगी छ्या स्‍येला दुक। ईन्‍दाबोङ ख्‍योकोन थोक्‍ते मिराङ ईन्‍देकी ङाला आउदी गा लाबा ओत। दोक ईन्‍सीनोङ मेलेबाते सिराते ख्‍योकोनगी छ्याःङ मिक्‍किस्‍यीत बरू चुक खिता लेमु ईन्‍दाका सिन झन लेमु खाला छ्या स्‍येला थोककामा खित्‍स्‍यीत सिरच्‍येते ङेते आउदी सेम ओत।

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

२ कोरिन्‍थी 6:17

लोक्‍ला प्रभु परमेश्‍वरगी “थोगी ङाला माने मिक्‍किकान्‍ते मिओनताङ ख्‍योकोन ङ्योम्‍बुराङ रूला मादेत। थेबाताङ ठाल्‍ला थारीला देत। ङाला मन परे मिक्‍किच्‍येते काम छ्याःङ माकेत। दोक खाईन ङे साबा च्‍योकराङ खासीन ङा ख्‍योकोनला ङाराङ दोन्‍दु स्‍योक साला लेमु खिओ।

एफिसी 5:27

दोस्‍यिककामा मेन, थेकी थोक खाबातेचेन ङेर्मा माच्‍युम्‍बाते, छ्याःङ खुना खोटी मेताते, ताजीनोङ आउदी लेमु थोङच्‍येते बेउली च्‍योकराङ थेबाला सेम खुदुक गालाते थेमे छ्याःङ गल्‍ती मेताते मि जोला थे खोरोङ दोन्‍दु देत ज्‍युता थुप्‍स्‍यीत सिनोङ ईन।

फिलिप्‍पी 1:10

थेकी थोक खानामेई ख्‍योकोनगी जुन बेलालाङ च्‍यि खिता लेमु ईन्‍दे सिन लेमु खाला डेला थुप्‍क्‍यो। थोक ओङनामेकी ख्रीष्‍ट ग्‍युरला ओङे छोमु ख्‍योकोन सेमला मेलेबा मेताते, सुङगीङ दिबेकी दि दि गल्‍ती खाबा ओत सिरा मुथुप्‍च्‍येतेन्‍दे

फिलिप्‍पी 3:6

थोकराङ खाईन येशू ख्रीष्‍ट मिओनला मासेताला मेङगो सिन ङे खोक्‍पो खाईन थेबे खेदापानी खाबाप। थेमे परमेश्‍वर नियम ङेन्‍च्‍ये बात तासीन ङाला सुङगीङ दिकी दि दि गल्‍ती खासुङ सिन सिरा थुप्‍च्‍या मेतान।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

१ तिमोथी 3:10

दोस्‍यिककामा मेन, येशू ख्रीष्‍ट मिओनला ताकान्‍ते छ्येते मिओन कामला मद्धत तेरकान्‍ते मि ओङकान्‍ते मिओनला थेबा चुक्‍ते मि ईन्‍दे सिन गोमा लेमु खाला ता फाप्‍क्‍यो। सुङगीङ दिकी दि दि गल्‍ती खाबा ओत सिन साबा मेताते मिकामा होथोक्‍ते मि ओङाला छाने खिता फाप्‍क्‍यो।

१ तिमोथी 3:2

थोक्‍ते मिचेन सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थेते फेम्‍मेज्‍यीककामा ओङा फाप्‍क्‍यो। थेचेन जहिलेङ च्‍याङबो खाला देत्‍कानज्‍यीक, दाक्‍पोन सेम काबूला ज्‍य्‌वाबा थुप्‍कानज्‍यीक ओङा फाप्‍क्‍यो। थे बानी लेमु ओताज्‍यीक, डोम्‍बोओनताङ फार छुर ख्‍याम्‍कान मिओनला लेमु खित्‍कानज्‍यीक थेमे मिओनला परमेश्‍वर बात लेमु खाला लोपा थुप्‍कानज्‍यीक ओङा फाप्‍क्‍यो।

१ तिमोथी 5:14

थेबेकी थोक खिन माख्‍याम्‍स्‍यीत सिन ङा च्‍यि सिते सासीन थोरूमोङ उमेर ओताते ख्‍योबो स्‍याप्‍ते फेम्‍मे मिओनगीचेन बरू याङराङ फाङमा खासीन लेमु ईन। थोक खाला थेबेते फुज्‍युङ फुमु ओङला थेबेकी खाम्‍बा खाला सारस्‍यीत। थोक खासीन येशू ख्रीष्‍ट मिओनला विरोध खित्‍कान्‍ते मिओनगी बात खित्‍च्‍येते लाम छ्याःङ मेङेदो।

१ तिमोथी 5:20

थेबेकी साबाते बात साँचो ईन्‍सीन थे गल्‍ती खित्‍कान्‍ते मिला थोक खिता मेङगो सिन ज्‍येनतेबा गाङे दोन्‍दु थोप। थोक खानामेकी थोक्‍ते काम खिता मेङच्‍याक्‍वा सिन ज्‍येनतेबा गाङे ज्‍यीबा खिओ।

१ तिमोथी 5:7

सुङगीङ दिबेकी दि दि गल्‍ती खासुङ सिन सिरा मेङेत्‍स्‍यीत सिन थेरू येशू ख्रीष्‍ट मिओनला दि गाङे बात ङेन सिन लाःप्‍ला बिन।

तीतस 1:6

येशू ख्रीष्‍ट मिओनला ताकान्‍ते मिचेन सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थेते फेम्‍मेज्‍यीककामा ओङा फाप्‍क्‍यो। थे फुज्‍युङ फुमुतेबाङ येशूला विश्‍वास खित्‍कान ओङा फाप्‍क्‍यो। थे फिजाओन बानी बिवारा थोङला सुङगीङ थेबाला मनपरी खिन ख्‍याम्‍कान्‍ते थेमे आबा आमेकी लाःपा कोताते मेङेन्‍कान्‍ते ईन सिन सिरा मुथुप्‍च्‍येतेन्‍दे ओङा फाप्‍क्‍यो।

तीतस 2:10

थेबेते छ्याःङ क्‍वा मेङगो बरू दिबेकी जे खित्‍जीनोङ लेमुराङ खिओ सिन मालिकतेबेकी भर परे खिता थुप्‍च्‍या ओङा फाप्‍क्‍यो सिन सि। थेबेकी दोक दोक खाबाते थोङला ङुरूङला पापदुकी डेल्‍कान्‍ते परमेश्‍वर बात पक्‍काराङ आउदी लेमुते बात दुका सिन ज्‍येनगीङ छ्या स्‍येक्‍यो।

तीतस 2:15

दि बाततेबा खुई थेरू गाङेला लोप। थेबाला दि बातओन लेमु खाला ङेन सि। सुइँदेकी दि बातला नामज्‍योक मेसेत्‍तुक सासीन थेबाला थोप। छ्याःङ ज्‍यीबा मिक्‍किता खाला खुई दि कामओन खि। दोक खित्‍जीन खोरोङला खुईते दोक खित्‍च्‍येते च्‍यि अधिकार ओते सिराच्‍योक खित्‍च्‍येते लाम सुङलाङ मातेर।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

२ पत्रुस 3:14

थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।

छ्या स्‍ये च्‍युताते बात 2:5

ख्‍योकोनगी नामनामेई ङाला थोक खिता ताङाते ईन्‍दे सिन ठेम्‍बा खि। थेमे थोक खिता ताङाते लेमु मेन्‍दाक्‍वा सिन छ्या स्‍येला लोक्‍ला गोमा च्‍योकराङ खि। दोक माक्‍यासुङ सासीन ङा थेपा वाला च्‍याला थे बत्ती पारला ज्‍य्‌वाच्‍येते सामदानला थेरू मोज्‍योओ, ङा थे सामदान थेरूकी थेन्‍ग्‍यो।

छ्या स्‍ये च्‍युताते बात 3:9

दि बात ङेन। चुक सासीन खोपरोङ यहूदी ईन सिन छ्ये खित्‍कान्‍ते मिओन परमेश्‍वरगी साबाते ङेन्‍कान्‍ते मि मेन। थेबानी शैतानताङ डिक्‍कान्‍ते मिका ईन। ङा थेबाला ख्‍योकोन तिङबे ओक्‍तु दुल्‍ला ख्‍योकोन काम्‍बाला से खित ज्‍युत्‍क्‍यो। थेमे थेबेकी ङे ख्‍योकोनला ङिङज्‍ये खाबा ओताक्‍वा सिन छ्या स्‍येक्‍यो।